„ქალების მსვლელობა“ ტრამპის წინააღმდეგ

ასობით ათასი ადამიანი გამოვიდა 21 იანვარს ვაშინგტონში „ქალების მსვლელობაზე“ – აშშ-ის პრეზიდენტის დონალდ ტრამპის მოწინააღმდეგეთა აქციაზე. ვაშინგტონის გარდა, აქციები მათელი მსოფლიოს 600-ზე მეტ ქალაქში ჩატარდა.

აქციის ძირითადი თემა აშშ-ის პრეზიდენტის ქცევა და ქალების მისამართით მისი შეურაცხმყოფელი გამონათქვამები  იყო. პლაკატების უმრავლესობა ტრამპის მიერ ჰილარი კლინტონის მისამართით ნათქვამ ფრაზას „საძაგელი ქალი“ (nasty woman) და ამერიკის პრეზიდენტის სხვა გამონათქვამებს ეძღვნებოდა. თუმცა, აქციაში მამაკაცებიც მონაწილეობდნენ.

ვაშინგტონში გამართულ მთავარ აქციაზე, სადაც ნახევრ მილიონამდე ადამიანი შეიკრიბა, დემონსტრანტებს მადონა, შერი, ალიშა კიზი, კეტი ჯილენჰოლი, მსახიობები – ჯულია რობერტსი, ეშლი ჯადი, სკარლეტ იოჰანსონი, ემა უოტსონი, ემი შუმერი, ჯეიკ ჯილენჰოლი, ასევე რეჟისორი მაიკლ მური შეუერთდნენ . სიტყვით გამომსვლელი ცნობილი ადამიანები  აშშ-ის არჩეული პრეზიდენტის გამონათქვამების წინააღმდეგ პროტესტს გამოთქვამდნენ.

„კეთილი იყოს თქვენი მობრძანება სიყვარულის რევოლუციაზე, აჯანყებაზე. ეს არის ქალების უარი ახალი ტირაანიის ერის მიღებაზე. საფრთხეში არიან არამარტო ქალები, არამედ საზოგადოებისგან დავიწყებული ყველა ადამიანი. ის ადამიანები, რომლებიც სხვებისგან განსხვავდებიან, და ეს შესაძლოა, დანაშაული აღმოჩნდეს. ალბთ ამ სიბნელეში უნდა ჩავძირულიყავით, რომ გაგვღვიძებოდა“, – განაცხადა თავის გამოსვლაში მომღერალმა მადონამ.

ადამიანების უფლებებისთვის მებრძოლის ანჟელა დევისის სიტყვებით, „ტრამპს ადმინისტრაციის მომდევნო 1459 დღე – ეს იქნება ბრძოლის 1459 დღე. ადგილებზე ბრძოლის, სკოლებში, სამსახურებში, ჩვენს ხელოვნებასა და მუსიკაში. ეს მხოლოდ დასაწყისია“.

„პრეზიდენტო ტრამპ, მე თქვნთვის ხმა არ მომიცია. ვაფასებ თქვენს არჩევას და მინდა საშალება მქონდეს, რომ მხარი დაგიჭიროთ, მაგრამ პირველ რიგში, გთხოვთ, რომ თქვენ დამიჭიროთ მხარი; ჩემს დას, ჩემს დედას, ჩემს საუკეთესო მეგობარს და  ჩვენს ყველა მეგობარს“, – განაცხადა მსახიობმა სკარლეტ იოჰანსონმა.

ასობით ათასი ადამიანი გამოვიდა აქციებზე ნიუიორკში, ლოს ანჟელესსა და აშშ-ის სხვა ქალაქებში. ათობით ათასი ადამიანი გამოვიდა ლონდონის ქუჩებში, აქციები ევროპის დიდი ქალაქების უმეტესობაში ჩატარდა.

ამ ფარგლებში აქცია საქართველოს დედაქალაქშიც ჩატარდა – რამდენიმე ათეულმა ადამიანმა ქალაქის რუსთაველსი გამზირზე ტრანსპარანტებით გაიარა და პარლამენტის შენონამდე მივიდა.

ქალების მსვლელობა ვაშინგტონში დაიწყო ფეისბუკის ღონისძიებით, რომელიც 2016 წელს ჰაივაის მკვიდრმა ტერეზა შუკმა შექმნა. ღონისძიებეამ პოპულარობა ( მათ შორის სოციალურ ქსელებში კლინტონის მხარდამჭერი საზოგადოებების წყალობითაც) მალევე მოიპოვა. ამ ინიციატივას ქალთა უფლებების დამცველი ორგანიზაციების ლიდერები შეუერთდნენ, საბოლოოდ კი ღონისძიება მთავარ პოსტსაინაგურაციო საპროტესტი აქციად გადაიქცა.

ქალების მსვლელობის სიმბოლოდნაქსოვი ვარდისფერი ქუდი – pussy-hat იქცა.

დონალდ ტრამპმა მასობრივი საპროტესტო აქციის თაობაზე  აზრი ტვიტერის საკუთარ გვერდზე გამოთქვა. „ვაკვირდებოდი გუშინდელ პროტესტს, მაგრამ სულ იმაზე ვფიქრობდი, რომ ჩვენთან ესესაა ჩატარდა არჩევნები! რატომ არ მოგვცა ამ ხალხმა ხმა? ცნობილი ადამიანები მხოლოდ უფრო ამძაფრებენ ამ სიტუაციას“, – წერს აშშ-ის პრეზიდენტი.