ყველაფერი ნოვრუზის შესახებ: როდის მოდის გაზაფხული?
ამ ვიდეორგოლის გმირები ჩვეულებრივი ბაქოელები არიან – მოყვარული მოცეკვავეები, რომლებიც ნოვრუზის დღესასწაულზე ხალხური ცეკვა „იალლის“ შესასრულებლად ემზადებიან.
ნოვრუზი – გაზაფხულის ბუნიაობა – ყველაზე ძველია იმ დღესასწაულებს შორის, რომლებსაც აზერბაიჯანში აღნიშნავენ. ნოვრუზს 20 მარტს ზეიმობენ ხოლმე (თუმცა, ზოგჯერ 19 მარტს აღინიშნება, ზოგჯერ კი – 21 მარტს – ზუსტ თარიღს ასტრონომები განსაზღვრავენ). ამ დღეს „წარმართული“ ახალი წელი დგება – დღისა და ღამის ხანგრძლივობა თანაბრდება და გაზაფხული იწყება.
ეს დღესასწაული სახელმწიფო დონეზე აღინიშნება. მეტიც – გაზაფხულის ბუნიაობას ყველაზე ხანგრძლივი უქმეები ემთხვევა ხოლმე. წელს ნოვრუზის გამო 9-დღიანი შვებულებაა გამოცხადებული. ამ დღესასწაულს ყოველთვის პომპეზურად აღნიშნავენ. წელს, მაგალითად, ბაქოში სახალხო სეირნობები ეწყობა – ქუჩის წარმოდგენებითა და სხვა შესაბამისი ატრიბუტებით.
შეიძლება ითქვას, რომ ამ დღესასწაულის აღნიშვნას ერთი თვით ადრე იწყებენ. საქმე ისაა, რომ დღესასწაულის წინა ოთხი სამშაბათი განასახიერებს იმ ოთხ სტიქიას (ქარს, მიწას, წყალსა და ცეცხლს), რომლებსაც ზოროასტრიზმის მიმდევრები ეთაყვანებოდნენ. ოდესღაც აზერბაიჯანის ტერიტორიაზე მაზდეანები ცხოვრობდნენ.
დღესასწაულის წინა სამშაბათს „მიწის სამშაბათს“ უწოდებენ. ეს დღე ყველაზე მნიშვნელოვანია და ამიტომ საზეიმო პროცესიითა და ფოეიერვერკებით აღნიშნეს.
გაზაფხული მაშინ დგება, როდესაც მზე თევზების თანავარსკვლავიდან ვერძის თანავარსკვლავედში გადადის. და არა 1-ელ მარტს, როგორც ეს ზოგიერთს ჰგონია. ჩვენ დავინტერესდით, როგორ აღნიშნავენ ნოვრუზს მის სამშობლოში – იქ, სადაც გაზაფხულის დადგომის ზუსტ თარიღსა და დროს სხვებზე ადრე იგებენ.
პირგულუ კურორტია, რომელიც შემახის მახლობლად მდებარეობს და დედაქალაქელების საყვარელ დასასვენებელ ადგილს წარმოადგენს, რადგან იაფია და თანაც ბაქოდან საკმაოდ ახლოსაა.
