Tbilisi meri əcnəbilərin Gürcüstanda yaşamaq hüququ alması qaydalarının sərtləşdirilməsini tələb edir
Tbilisi meri Kaxa Kaladze Gürcüstanda əcnəbi vətəndaşlara yaşamaq hüququ verən qanunvericiliyə tezliklə yenidən baxılması xahişi ilə parlamentə müraciət edib.
Merin sözlərinə görə, mövcud qanunvericilik “ölkənin milli maraqlarına və təhlükəsizliyinə ziddir”, buna görə də mütləq sərtləşdirilməlidir.
Məsələn, mövcud qanunvericiliyə əsasən, bir illik yaşamaq hüququ əldə etmək üçün əcnəbi vətəndaş 35 min dollar məbləğində daşınmaz əmlak əldə etməlidir. Həmçinin qanuna əsasən, əgər 35 min dollarlıq mülkün alıcısı öz əmlakını başqa şəxsə verərsə, həmin şəxs də yaşamaq hüququ əldə etmiş olur.
Məhz əmlakın başqa şəxslərə ötürülməsi qaydası Kaladzenin fikrincə, qanunun əsas qüsurudur:
“Çox vaxt bir adam mənzil alır, sonra saxta şəkildə onu başqalarının adına sənədləşdirir və onlar da yaşamaq hüququ əldə edirlər. Bu karuseli fırladırlar və bu da bizim üçün yolverilməzdir”, – mer qeyd edib.
Onun sözlərinə görə, o artıq bu məsələni parlament nümayəndəsi İrakli Kobaxidze ilə müzakirə edib.
“Parlamentdə artıq müzakirə baş tutub və mən parlamentarilərimizə müraciət etmək istəyirəm ki, bu düzəlişlər mümkün qədər tez qəbul edilsin”, – Kaladze qeyd edib.
Əmlakın digər şəxslərə ötürülməsindən başqa Kaladze qanunun digər maddələrinin də sərtləşdirilməsini istəyir.
Məsələn, o tələb edir ki, 35 min dollar əvəzinə yaşamaq hüququ əldə etmək üçün 100 min dollarlıq əmlakın alınması şərti qoyulsun. Həmçinin bir illik yaşamaq hüququ əldə edən şəxs həmin əmlakı satdığı və ya başqasına ötürdüyü zaman ondan məhrm olmalıdır.
“Bu yolla müxtəlif şəxslərin eyni əmlakı istifadə edərək yaşamaq hüququ alması mümküün olmayacaq”, – Kaladze deyir və onun sözlərinə görə, qanunvericilik sərmayəçilərə münasibətdə də dəyişməlidir.
Bugünkü qanunvericiliyə əsasən, ölkəyə 300 min lari həcmində sərmayə qoyan biznesmen qeyri-məhdud müddətə ölkədə yaşamaq hüququ əldə edir. Kaladzenin təşəbbüsünə görə, 300 min lari 300 min dollarla, müddətsiz yaşamaq hüququ isə beşillik yaşamaq hüququ ilə əvəz edilməlidir.
“Biz dəstəkləyirik və başqa ölkə vətəndaşlarının Gürcüstana gəlişinin, qanuni iqtisadi fəaliyyətlə məşğul olmasının, təhsil almasının əleyihə də deyilik, amma qanunlar və qaydalar ölkəmizin maraqlaarına cavab verməlidir. Qanunvericilikdə mövcud olan qüsurların düzəldilməsi ölkəmizin milli maraqlarından və milli təhlükəsizliyimizdən irəli gəlir”, – Kaladze qeyd edib.
Kaladze bu qanunun sərtləşdirilməsini tələb edən yeganə şəxs deyil. Gürcüstanın “Əcnəbilərin və vətəndaşığı olmyan şəxslərin hüquqi durumu haqda” qanununa dəyişikliklər paketi deputatlar Qoçi Enukidze və İvliane Tsulaiya tərəfinfən çoxdan hazırlayıb və parlamentin müzakirəsinə göndərilib. Deputatların hazırladıqları paketə məhz Tbilisi merinin tələb etdiyi dəyişikliklər daxil edilib.
• 2012-2016-cı illərdə 70 508 nəfər Gürcüstanda əcnəbi yaşamaq hüququ əldə edib. 2017-ci ildə 11673 nəfərə yaşamaq hüququ verilib (tələbatın azalması Gürcüstanda vizasız rejimin ləğv olunması ilə bağlıdır). Son illərdə yaşamaq hüququ ən çox Azərbaycan, Rusiya, Türkiyə, Ermənistan, Ukrayna, Hindistan, Çin və İran vətəndşlarına verilib.
2012-2014-cü illərdə xarici vətəndaşların adına qeydiyyatdan keçirilmiş 34 024 ədəd daşınmaz əmlak nəzərə alınıb. Ən çox (53 faiz) Gürcüstanda daşınmaz əmlakı Rusiya vətəndaşları alıb. Daha sonra Ukrayna, Ermənistan, Azərbaycan, İsrail və sairə. Bu məlumat «2017-ci il üzrə miqrasiya profilləri»nin göstəricilərinə istinadən yayılıb.
