2020-ci il oktyabrın 10-də Qarabağda baş verən hərbi əməliyyatlarla bağlı xəbərlər

Bu dəqiqələrdə Stepanakert atəşə tutulur. Bu haqda Facebook səhifəsində Qarabağ prezidentinin mətbuat katibi Vahram Poqosyan yazıb.

Dağlıq Qarabağ ombudsmeni Artak Beqlaryan bildirib ki, azərbaycanlı diversantlar bu hərbi cinayəti Hadrut şəhərini tərk etməyə çalışarkən törədiblər. İstintaq başlayıb və oktyabrın 11-də iki şəhər sakininin öz evlərində öldürülməsi ilə bağlı təfərrüatlar təqdim olunacaq.

“Humanitar atəşkəs rejimini kobud şəkildə pozan Ermənistan silahlı qüvvələri oktyabrın 10-u saat 22.30-dan başlayaraq Tərtər şəhərini artilleriya atəşinə tutur”, – Azərbaycan Müdafiə Nazirliyinin mətbuat xidməti məlumat verir.

Müdafiə naziri David Tonoyan və Beynəlxalq Qırmızı Xaç Komitəsinin Ermənistandakı nümayəndə heyətinin rəhbəri Kler Meytro humanitar atəşkəsin detallarını və şərtlərini müzakirə ediblər. Ermənistan və Azərbaycan xarici işlər nazirlərinin imzaladıqları razılaşmaya əsasən, hərbi əsirlərin və həlak olanların cəsədlərinin dəyişdirilməsi prosedurunu münaqişə tərəfləri arasında BQXK-nin vasitəçiliyi və meyarları çərçivəsində həyata keçiriləcək.

Azərbaycanın atəşkəs razılaşmasını pozması bu ölkənin danışıqları sırf hərbi əməliyyatlara hazırlığı pərdələmək üçün istifadə etdiyini sübuta yetirir. Bu haqda Dağlıq Qarabağ XİN-in bəyanatında deyilir.

“Atəşkəs rejimi elan olunmasına baxmayaraq, Azərbaycan, Türkiyə və beynəlxalq terrorçuların “üçtərəfli ittifaqı” Qarabağ müdafiə ordusunun mövqelərinə hücum həyata keçirib. Azərbaycan öz hərəkətləri ilə yalquzaq ölkə olduğunu və razılaşmalara beş dəqiqə belə əməl etmədiyini sübut edir”.

Bəyanatda həmçinin seyilir ki, yaranmış vəziyyətdə zərbaycanı ancaq Dağlıq Qarabağın müstəqilliyinin beynəlxalq səviyyədə tanınması ilə dayandırmaq mümkündür.

“Hərbi hissə və ya onun ilk hissəsi sona çatıb. İndi biz siyasi nizamlamaya keçirik, bu da bizim sona çatmağımızı və haqqımız olanı almağımızı təmin edəcək”, – o bildirib.

Onun sözlərinə görə, atəşkəs rejiminin möhkəm olmasının əsas amili Ermənistanın bu ərazilərin Azərbaycana məxsus olduğu ilə barışmasından ibarət olacaq. “(Ermənistan) onları (əraziləri) bir daha görməyəcək və hərbi yolla geri almağa cəhd göstərməyəcək”, – Əliyev əlavə edib.

Azərbaycan tərəfi atəşkəs rejimi başlayana qədər Hadrut istiqamətində diversiya cəhdi göstərib. Müdafiə ordusunun mətbuat xidmətinin məlumatına əsasən, rejim qüvvəyə minəndən ü saat sonra diversiya qrupunun məhv edilməsi davam edib:

“Azərbaycan tərəfinin əməlləri Azərbaycan prezidentinin Hadrutu aldıqları ilə bağlı bəyanatını sübut etmək səyi ilə diktə olunduğu aşkardır”.

Cəbhənin qalan hissəsində nisbi sakitlikdir.

“Bu gün saat 12.00-da atəşkəs elan olunması barədə razılıq əldə edilməsinə baxmayaraq Ermənistan ordusu cəbhənin Ağdərə-Tərtər və Füzuli-Cəbrayıl istiqamətlərində hücuma keçməyə cəhd göstərib. Eyni zamanda bir sıra yaşayış məntəqələrimiz Ermənistan silahlı qüvvələri tərəfindən artilleriya atəşinə məruz qoyulur.

Düşmənin bütün hücum cəhdləri bölmələrimiz tərəfindən uğurla alınıb. Ermənistan ordusuna qarşı adekvat cavab tədbirləri görülür”, – Azərbaycan Müdafiə Nazirliyinin mətbuat xidmətinin məlumatında deyilir.

Bu haqda Ermənistan Müdafiə Nazirliyinin mətbuat katibi Şuşan Stepanyan Facebook səhifəsində yazıb.

Bununla yanaşı Ermənistanın Müdafiə Nazirliyinin nümayəndəsi Artsrun Hovannisyan Facebook səhifəsində bildirib ki, Ermənistanın Sünik vilayətinin Qafan şəhərinin kənarlarına raket zərbəsi endirilib. Daha əvvəl bildirilmişdi ki, şəhərə zərbə endirilib, amma daha sonra nazirlik dəqiqləşdirmə edib: düşmən PUA-dan istifadə edərək Ermənistanın Sünik vilayətinin Yeritsvanik və Artsvanik kəndlərini atəşə tutub. Bir nəfər həlak olub.

“Ermənistan tərəfinin guya Qafanın bölmələrimiz tərəfindən raket atəşinə tutulması, ölən və yaralananların olması barədə yaydığı məlumat yalandır və düşmənin növbəti təxribatıdır”, – Azərbaycan Müdafiə Nazirliyinin mətbuat xidmətinin məlumatında bildirilir.

“Ölənlər və yaralananlar var”, – Ermənistanın Müdafiə Nazirliyinin nümayəndəsi Artsrun Hovannisyan bildirib.

“Ermənistanın Qafan əyalətinin Yeritsvank və Artsvanik yaşayış məntəqələrinin guya Azərbaycan Ordusu tərəfindən dronlardan vurulması barədə Ermənistan müdafiə nazirliyinin yaydığı xəbər yalandır və düşmənin növbəti təxribatıdır.

Azərbaycan Müdafiə Nazirliyi bu xəbəri qəti şəkildə təkzib edir. Növbəti dəfə bildiririk ki, Azərbaycan Ordusu tərəfindən Ermənistan ərazisində yerləşən heç bir obyektə atəş açılmayıb və açılmır”, – nazirliyin mətbuat xidmətinin məlumatında bildirilir.

Onun sözlərinə görə, Azərbaycan tərəfi hazırda hava hücumuna keçib:

“Düşmən hər vəchlə humanitar atəşkəsdən öncə üstünlük əldə etməyə çalışır, amma uğursuzca”.

Şuşan Stepanyan bildirib ki, Ermənistan tərəfi qarşı tərəfin hücumlarının qarşısını alır, itki yoxdur.

“Oktyabrın 9-da günün ikinci yarısından oktyabrın 10-u səhər saatlarınadək bütün cəbhə boyu hərbi əməliyyatlar müxtəlif intensivliklə davam edib, düşmənə atəş zərbələri endirilib”, – Azərbaycan Müdafiə Nazirliyinin mətbuat xidmətindən bildirilib.

Azərbaycanın silahlı qüvvələri Qarabağda təmas xəttinin cənub istiqamətində fəal şəkildə dronlardan istifadə edir, Ermənistan tərəfi qarşı tərədin hücumlarının qarşısını alır. Bu haqda Ermənistanın Müdafiə Nazirliyinin mətbuat katibi bildirib. Şuşan Stepanyan həmçinin Facebook-da yazıb ki, düşmən 12:00-a, yəni humanitar məqsədlərlə elan olunan atəşkəs rejiminin qüvvəyə minəcəyi vaxta qədər vəziyyəti dəyişməyə çalışır.

Eyni zamanda Qarabağ ombudsmeni Artak Beqlaryan Twitter-də Azərbaycanın Stepanakertin yaşayış məntəqələrinə yenə də raket zərbələri endirdiyi haqda yazıb.

2020-ci il 9-10 oktyabrda Moskvada Azərbaycan, Ermənistan və Rusiya xarici işlər nazirlərinin üçtərəfli görüşündə Dağlıq Qarabağda hərbi əməliyyatlar zonasında atəşkəs və sülh danışıqlarının əvvəlki formatda davam etdirilməsi haqda razılaşma əldə edilib.

• Razılaşmanın bütün detalları

Qarabağda döyüşlərin başlanmasının 14-cü günü.

• Sentyabrın 27-də döyüşlər başlayandan rəsmi məlumata görə, Ermənistan tərəfdən 400 nəfərdən çox hərbçi həlak olub, dinc sakinlər arasında 22 nəfər ölüb, 95 nəfər yaralanıb. Azərbaycan tərəfdən 31 nəfər dinc sakin həlak olub, 168 nəfər yaralanıb. Həlak olan Azərbaycan hərbçilərinin sayı haqda məlumat verilmir. Ekspertlər 14 gün davam edən döyüşlərin intensivliyini nəzərə alaraq hər iki tərəfdən itkilərin daha çox olduğunu ehtimal edirlər.

• Oktyabrın 10-a keçən gecə tərəflər atəşkəs haqda qərar qəbul ediblər. 2020-ci il 9-10 oktyabrda Moskvada Azərbaycan, Ermənistan və Rusiya xarici işlər nazirlərinin üçtərəfli görüşünndə Dağlıq Qarabağ hərbi əməliyyatlar zonasında atəşkəs və sülh danışıqlarının əvvəlki formatda davam etdirilməsi haqda razılaşma əldə edilib.

• Azərbaycan prezidenti İlham Əliyev xalqa proqram müraciəti ilə çıxış edib və deyib ki, “Əvvəlcə məsələ hərbi yolla həll olunur, sonra isə danışıqlar masasında diplomatik yolla”. O həmçinin bildirib ki, “Ermənistana dərs verib”. Onun Moskvada çıxışı zamanı Azərbaycan, Ermənistan və Rusiya XİN rəhbərlərinin görüşü artıq davam edirdi.

• Tərəflərin məlumatına görə, oktyabrın 9-da bütün günü bütün cəbhə xətti boyunca gərgin döyüşlər davam edib. Ermənistan tərəfinin informasiyasına görə cənub istiqamətində döyüşlər güclənib.

• Oktyabrın 9-da bütün günü Stepanakert (Qarabağ) və Azərbaycanın yaşayış məntəqələri raket atəşinə tutulub.

• Azərbaycan bəyan edib ki, onun ordusu Qarabağda daha 9 yaşayış məntəqəsini nəzarət altına götürüb, ümumilikdə 37 məntəqə sadalanıb. Ermənistan Azərbaycan hərbçilərinin Cəbrayıl və Hadrut şəhərlərini nəzarət altına götürdüyünü təkzib edib.

• Yerevanda Rusiyanın liderliyi altında fəaliyyət göstərən Avrasiya İqtisadi İttifaqını şurasının iclası keçirilib. Orada Rusiyanın baş naziri Mixail Mişustin də iştirak edib. Onun Ermənistanın baş naziri Nikol Paşinyanla ikitərəfli görüşü də baş tutub.

• 2020-ci il oktyabrın 9-də Qarabağda baş verən hərbi əməliyyatlarla bağlı xəbərlər, reportajlar, foto/video