2020-ci il oktyabrın 11-də Qarabağda baş verən hərbi əməliyyatlarla bağlı xəbərlər

Ermənistan və Azərbaycan XİN rəhbərlərinin imzaladığı razılaşmaya əsasən, Azərbaycan və Ermənistan Beynəlxalq Qırmızı Xaç Komitəsinin vasitəçiliyi ilə əsirləri və həlak olanların cəsədlərini dəyişmək üçün atəşi dayandırmaq öhdəliyi götürüblər.

Amma Beynəlxalq Qırmızı Xaç Komitəsinin Ermənistan ofisinin kommunikasiya proqramlarının rəhbəri Zara Amatuni bildirib ki, təşkilat təmas xəttinin hər iki tərəfindən atəşin davam etdiyi haqda informasiya alır. Bütün münaqişə tərəfləri atəşkəs razılaşmasına əməl etməyincə, BQXK humanitar fəaliyyətinə başlamayacaq:

“Prosesin özünə və başlamaq mümkün olacaq tarixə gəlincə, bu, tərəflərin əlindədir. Biz ümid edirik ki, bu prosesi həyata keçirmək imkanı artıq yaranacaq, çünki biz hesab edirik ki, humanitar nöqteyi-nəzərdən və tərəflərin beynəlxalq humanitar hüququ çərçivəsində üzərlərinə götürdükləri öhdəliklər nöqteyi-nəzərdən bu, vacibdir”.

Azərbaycanın silahlı qüvvələri zirehli texnika və raket-artilleriya vasitələrindən istifadə edərək cənub istiqamətində hücum həyata keçirir. Ermənistan tərəfi qarşı tərəfin hücumlarını dəf edir – Ermənistanın Müdafiə Nazirlyinin mətbuat katibi Şuşan Stepanyan bildirib.

Roma Papası I Fransisk Qafqazda münaqişə edən Ermənistan və Azərbaycan xalqlarına münaqişənin sülh yolu ilə həll olunması üçün “konkret xoş niyyət addımları atmaları” çağırışı ilə müraciət edib – Vatican news məlumat verib.

O, liderləri “güc və silah tətbiq etməklə yox, dialoq və danışıqlar yolu ilə” məsələnin həllini tapmağa çağırıb və bütün xristianları onunla birlikdə regionda sülh üçün dua etməyə səsləyib.

Azərbaycan prezidenti lham Əliyev özünün “Twitter” hesabında Gəncəyə raket hücumu haqqında yazıb.

“Həmin raket hücumu Ermənistanın Vardenis rayonundan həyata keçirilib. Ümumilikdə Azərbaycanın 41 mülki şəxsi həlak olub, 200 nəfərdən çoxu isə yaralanıb. Ermənistan tərəfinin məqsədi işğaldan azad edilmiş əraziləri yenidən işğal etməkdir”, – o bildirib.

Həmin raket hücumu Ermənistanın Vardenis rayonundan həyata keçirilib. Ümumilikdə Azərbaycanın 41 mülki şəxsi həlak olub, 200 nəfərdən çoxu isə yaralanıb. Ermənistan tərəfinin məqsədi işğaldan azad edilmiş əraziləri yenidən işğal etməkdir.

— İlham Əliyev (@azpresident) October 11, 2020

Araik Harutyunyan hərbi əməliyyatlar başlayandan ilk böyük mətbuat konfransını  keçirib. O bildirib ki, indi atəşkəs rejiminə ümumilikdə riayət olunur, amma bu vəziyyətin nə qədər davam edəcəyi məlum deyil.

Çıxışının əsas tezisləri:

• Qarabağ özünümüdafiə haqqını həyata keçirir və Azərbaycanın bir hissəsi olmayacaq
• Qarabağ xalqına münasibətdə həyata keçirilən soyqırıma görə yalnız Azərbaycan və Türkiyə yox, həm də onları silahla təchiz edən İsrail cavabdehdir
• Qarabağ sivil dünyadan yalnız çağırışlarla və bəyanatlarla yox əməli dəstək gözləyir
• Azərbaycan Qarabağın dinc sakinlərinə qarşı “Smerç”, “Polonez” reaktiv sistemlərindən, hücum dronlarından və kasset bombalarından istifadə edir
• Cəsədlərin dəyişidirilməsi proseduru hələlik işə düşməyib
• “Artsax Azərbaycanın bir hissəsi olmayacaq” – Dağlıq Qarabağ prezidenti

Azərbaycanın Tərtər rayonunun Qapanlı kən qəbiristanlığında raket zərbəsi nəticəsində bir neçə qəbir dağıdılıb.

Bu barədə Qafqazinfo məlumat verib.

 

“Ermənistan silahlı qüvvələrinin 11.10.2020-ci il tarixdə gecə saat 02.00 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çoxmənzilli yaşayış binalarını raket atəşinə tutması nəticəsində 4 qadın olmaqla 9 nəfər həlak olub”, – Azərbaycan Baş Prokurorluğunun mətbuat xidmətinin məlumatında bildirilir.

Dağıntıların qeydə alındığı yerlərdə xilasetmə işləri davam etdirilir.

 

“Ermənistan silahlı qüvvələrinin 11.10.2020-ci il tarixdə gecə saat 02 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çoxmənzilli yaşayış binalarını raket atəşinə tutması nəticəsində 3 qadın olmaqla 7 nəfər həlak olub, 16 qadın, 6 azyaşlı olmaqla 34 nəfər yaralanıb, həmçinin 10-dan artıq çoxmənzilli binaya və 100-dən çox müxtəlif təyinatlı obyektlərə ziyan dəyib”, – Azərbaycan Baş Prokurorluğunun mətbuat xidməti məlumat verir.

Oktyabrın 11-də Dağlıq Qarabağın müdafiə ordusu məlumat dərc edib:

“Müdafiə ordusunun Moskvada əldə olunan humanitar atəşkəs haqda razılaşmaya əməl etməsinə və atəş açmamasına baxmayaraq, Azərbaycan tərəfi Stepanakert, Hadrut, Martuni və Artsax Respublikasının digər yaşayış məntəqələrini atəşə tutmağa davam edir”.

Stepanakert Ermənistan tərəfinin Gəncəyə zərbələr endirməsi haqda məlumatı təkzib edib.

“Humanitar atəşkəs rejiminə əməl etməyən Ermənistan silahlı qüvvələrinin bölmələri itirdikləri mövqeləri geri qaytarmaq məqsədilə canlı qüvvə və döyüş texnikasını cəmləşdirərək yenidən kiçik qruplarla cəbhənin Hadrut və Cəbrayıl istiqamətlərində hücuma keçməyə cəhd göstərib. Gecə ərzində düşmənə atəş zərbəsi vurulmaqla onun bütün hücum cəhdlərinin qarşısı alınıb”, – Azərbaycan Müdafiə Nazirliyinin mətbuat xidmətinin məlumatında bildirilir.

Qarabağda döyüşlərin başlanmasının 15-ci günü.

• Saat 12-dən etibarən elan olunmuş atəşkəsə baxmayaraq, hər iki tərəf Qarabağda və Azərbaycanın rayonlarında yaşayış məntəqələrinin atəşə tutulduğu haqda bildirir.

• Qarabağ ombudsmeni sentyabrın 27-dən oktyabrın 9-a qədər Azərbaycan silahlı qüvvələrinin Qarabağdakı əməlləri haqda ikinci hesabat hazırlayıb. Ümumilikdə 20 nəfər dinc sakin öldürülüb, 101 nəfər xəsarət alıb.

• Azərbaycanın Müdafiə Nazirliyinin məlumatına əsasən, Ermənistan silahlı qüvvələri Azərbaycanın Gəncə şəhərini atəşə tutub, 8 nəfər həlak olub, 33 nəfər yaralanıb.

• Yerevan bildirib ki, Azərbaycan hərbçiləri Ermənistanın Sünik vilayətində Qafan şəhərinə zərbə endiriblər. Bakı bunu qətiyyətlə təkzib edib.

• Qarabağda Hadrut şəhəri hadisələrin mərkəzindədir. Bakının məlumatına əsasən, şəhər Azərbaycan hərbçilərinin nəzarəti altındadır. Ermənistan tərəfi bunu təkzib edib.

• Qarabağ ombudsmeni bildirib ki, “Azərbaycanın diversiya qrupu Hadrutda bir qadını və əlil oğlunu öldürüb”. Azərbaycan bu informasiyanı təkzib edib.

• Qarabağ prezidenti xalqa müraciət edib və bildirib ki, “Artsax heç vaxt Azərbaycanın bir hissəsi olmayacaq”.

• Qarabağ XİN yenə də Qarabağın müstəqilliyini beynəlxalq səviyyədə tanımağa çağırıb və bildirib ki, “yalnız bu yolla Azərbaycan, Türkiyə və beynəlxalq terrorçuların üçlü ittifaqının qarşısını almaq olar”.

• Azərbaycan prezidenti bəyan edib ki, “günü sabah” ATƏT-in Minsk Qrupunun dəstəyi ilə danışıqlar masasına oturmağa hazırdır. Danışıqların nəticəsini o belə görür: “Ermənistan bu ərazilərin Azərbaycana məxsus olduğu ilə barışmalı və onları hərbi yolla geri qaytarmağa cəhd göstərməməlidir”.

• Ermənistanın müdafiə naziri və Beynəlxalq Qırmızı Xaç Komitəsinin Ermənistandakı rəhbərliyi əsirlərin və həlak olanların cəsədlərinin BQXK vasitəçiliyi ilə münaqişə tərəfləri arasında dəyişdirilməsi mexanizmini müzakirə ediblər.

• Oktyabrın 10-a keçən gecə Moskvada Azərbaycan, Ermənistan və Rusiya xarici işlər nazirlərinin üçtərəfli görüşündə tərəflər atəşkəs haqda qərar qəbul edib. Dağlıq Qarabağda hərbi əməliyyatlar zonasında atəşin dayandırılması və sülh danışıqlarının əvvəlki formatda davam etdirilməsi haqda razılaşma imzalayıblar.

• 2020-ci il oktyabrın 10-də Qarabağda baş verən hərbi əməliyyatlarla bağlı xəbərlər, reportajlar, foto/video