2020-ci il noyabrın 1-də gün ərzində Qarabağ münaqişəsi zonasında nələr baş verib?

2020-ci il noyanrın 1-də gün ərzində Qarabağ münaqişəsi zonasında hadisələrin icmalı – Azərbaycan və Ermənistan tərəflərinin məlumatları əsasında.

Sentyabrın 27-dən Azərbaycan və Ermənistan orduları Qarabağ münaqişəsi zonasında zirehli texnika, artilleriya və dronlardan istifadə edərək amansız döyüşlər aparırlar. Hər iki tərəfdən həm hərbçilər, həm də dinc sakinlər arasında artıq minlərlə insan həlak olub. Bu müddət ərzində üç dəfə atəşkəs elan olunub – 10, 18 və 26 oktyabrda, amma hər dəfə razılaşma dərhal pozulub. Tərəflər bir-birini atəşkəsi pozmaqda günahlandırır.

Döyüşlər və ərazilərin atəşə tutulması

Bakıdan informasiya:

• Ermənistanın Berd, Çəmbərək və Qoris rayonlarının ərazilərindən Azərbaycan ordusunun Tovuz, Gədəbəy və Qubadlı rayonlarındakı mövqeləri atəşə tutulub. Raket və artilleriyada istifadə olunub – Azərbaycanın Müdafiə Nazirliyindən bildirilib.

• Döyüşlər əsasən cəbhənin Ağdərə, Ağdam, Xocavənd və Qubadlı istiqamətində davam edib – Azərbaycanın Müdafiə Nazirliyi xəbər verib.

• Noyabrın 1-də 10:00-dan başlayaraq Ermənistanın silahlı qüvvələri Tərtər şəhərini, Şıxarx qəsəbəsini, Qapanlı, Əskipara, Səxləabad kəndlərini, o cümlədən də Ağcabədi rayonunun Yuxarı Kiyaməddinli kəndini intensiv artilleriya atəşinə tutub – Azərbaycanın Müdafiə Nazirliyi məlumat yayıb. 

Yerevandan informasiya:

• Azərbaycan Cenevrə razılaşmalarına əməl etmir və dinc yaşayış məntəqələrini atəşə tutmağa davam edir. Qarabağın Martuni, Şuşa şəhərlərinə və yaxınlıqda yerləşən yaşayış məntəqələrinə də zərbələr endirilib, hərbi aviasiyadan istifadə olunub – Qarabağın Fövqəladə Hallar üzrə Dövlət Xidmətindən bildirilib. Çox sayda dağıntılar var, sakinlər ziyan çəkməyib.

• Azərbaycan ordusu hücumu davam etdirib, o cümlədən də Çanaqçı-Sığnax hissəsində irəliləmək cəhdləri də olub, amma geri oturdulublar.

Ermənistanın Müdafiə Nazirliyinin nümayəndəsi Artsrun Hovannisyan bundan sonra  Facebook səhifəsində yazıb: “Bu çox önəmli xəbərdir, amma heç də hər şey gözəl deyil […] Müharibə gedir, biz bütün potensialımızı səfərbər etməliyik”.

• Qarabağ prezidentinin köməkçisi David Babayan Azərbaycan hərbçilərinin Qarabağ prezidenti Araik Harutyunyanın kortejini atəşə tutduğu haqda şayiəni təkzib edib. Bu haqda məlumat Telegram kanallarında yayılıb.

• Azərbaycan Şuşada mədəniyyət və təhsil obyektlərini hədəfdə saxlayır, bu dəfə Gövhər Ağa məscidi və Texnoloji Universitet zərbə altında qalıb – Vahid İnformasiya Mərkəzindən bildirilib.

Bəyanatlar və rəsmi səfərlər

• Noyabrın 1-də səhər Türkiyə XİN rəhbəri Mövlud Çavuşoğlu Bakıya gəlib. Azərbaycan prezidenti İlham Əliyevlə görüş baş tutub.

• Ermənistanın baş naziri Nikol Paşinyan Facebook səhifəsində bildirib ki, tezliklə suriyalı muzdluların müharibədə Azərbaycan tərəfindən Qarabağa qarşı iştirakı ilə bağlı yeni sübutlar olacaq: “Beynəlxalq cinayətkar şəbəkə mövcuddur və onun ifşa olunması nəticəsiz baş tuta bilməz”.

• Baş nazirin bəyanatından sonra Qarabağ müdafiə ordusunun Yusuf Alaabet Əl-Xəc adlı suriyalı muzdlunun əsir götürüldüyü haqda məlumatı yayılıb. Qarabağ prezidentinin mətbuat katibi Vahram Poqosyan bildirib ki, əsir bunları danışıb:

“O, böyük qruplaşmanın tərkibində olub, onun sözlərinə görə onları əvvəlcə Suriyadan Türkiyəyə, sonra isə Bakıyaya gətiriblər. O, danışıb ki, azərbaycanlılar və türklər onlara çoxlu pul vəd ediblər, amma hələ bir qəpik də ödəməyiblər”.

Qarabağ müdafiə ordusunun yaydığı video-dindirmədə suriyalı əsir deyib ki, Qarabağda müharibədə iştirak üçün ona ayda 2000 dollar və hər kəsilmiş başa görə 100 dollar vəd ediblər.

• Al Jazeera telekanalına müsahibəsində Azərbaycanın nəzarət altına aldığlnı elan etdiyi əraziləri Ermənistan tərəfi qaytara bilərmi sualına cavab verərkən, Ermənistanın baş naziri bildirib:

“Azərbaycan hakimiyyəti […] artıq çoxdan gözləyir ki, […] müharibə qəti qələb ilə biləcək. Amma onlar bu xəbəri gözləyə-gözləyə qalacaqlar. Və onlar getdikcə daha çox batacaqlar [məyusluğa, bu planların yerinə yetirilməsinin mümkünsüzlüyünə], nə qədər ki, Dağlıq Qarabağ xalqının qanuni müqəddaratını təyinetmə hüququnu tanımayacaqlar, nə qədər ki, biz hamımız səmimi şəkildə diplomatik həllə nail olmaq üçün səy göstərməyəcəyik”.

• “Atəş və hərbi əməliyyatlar nəticəsində Qarabağda 200 məktəb və 60 məktəbəqədər təhsil müəssisəsi bağlanıb, 24 min uşaq təhsil hüququndn məhrum olub – təhlükəsizlik baxımından onlar Ermənistana gedib”, – Qarabağ ombudsmeni Artak Beqlaryan “RİA Novosti” agentliyinı müsahibəsində deyib.

• Azərbaycan hərbçilərinin atəşi nəticəsində ümumilikdə 61 nəktəb və 10 uşaq bağçası dağılıb – Qarabağ informasiya mərkəzi təhsil, elm və mədəniyyət naziri Lusine Kaqramanyana istinadən məlumat verib.

“Beynəlxalq aləm Dağlıq Qarabağda baş verənlərə cinayətkar laqeydlik nümayiş etdirir”, – Kaqramanyan deyib.