Qarabağ: kəndlər tamam işıqsız yaşayır. Bir hekayə, video
Müharibədən sonrakı həatın bütün çətinliklərə əlavə olaraq Dağlıq Qarabağ enerji böhranı ilə üzləşib. Sülh razılaşması imzalanandan sonta tanınmamış Dağlıq Qarabağ Respublikası SES-in böyük hissəsindən məhrum olub, 36-dan cəmi altısı qalıb.
Yerli hakimiyyətdən bildirilib ki, qalan su elektrik stansiyalarının gücü bütün əhalini işıqla təmin etmək üçün yetərli deyil.
Bəzi kəndlər həftələrlə elektriksiz yaşayır. Məsələn, Laçın dəhlizi [Dağlıq Qarabağ və Ermənistan arasında sülh razılaşmasına əsasən Rusiya sülhməramlılarının nəzarətində olan yol] üzərində yerləşən Ahavno [Azərbaycanda Zabuh adlanır] kəndində iki həftə işıq olmayıb.
“Bizim hökumətimiz söz verib ki, elektrik enerjisi pulsuz olacaq, qaz pulsuz olacaq, amma bütün bunlar bizdə yoxdur. Araik Harutyunyan [tanınmamış DQR-in de-fakto prezidenti] söz verib ki, insanlarla danışmaq üçün gələcək. İnsanlartoplaşıb, amma heç kim onların yanına gəlməyib”, – “Kavkazskiy uzel” nəşrinə bu kəndin sakini olan qadın deyib və adının açıqlanmamasını istəyib.
Yerli sakinlər odun toplamağa məcburdur.
- İkinci Qarabağ müharibəsinin hərbdən sonrakı qurbanları
- Şərh: Qarabağda hadisələrin üç ssenari üzrə inkişafı – Bakıdan baxış
- Qarabağ və Ermənistanın aqibəti necə olacaq?
De-fakto hakimiyyət həqiqətən də sakinlərə 2021-ci ilin sonuna qədər mövsümdən asılı olaraq ayda 60 kubmetrdən 180 kubmetrə qədər qazı, 300 kilovatdan 500 kilovata qədər elektriki pulsuz istifadə edə biləcəklərinə dair söz verib
Mobil rabitə abunəçilərinə ayda üç saat pulsuz danışıq haqqı vəd edilib.
Tanınmamış Dağlıq Qarabağın nəzarəti altında əsasən kiçik güclü SES-lər qaıb, bunun da nəticəsindəelektrik enerjisi çatışmazlığı yaranıb – yerli İqtisadiyyat Nazirliyinin məmuru Levon Qabrielyan deyib.
“Müharibəyə qədər 36 SES fəaliyyət göstərirdi. Ərazilərin itirilməsi nəticəsində altı fəaliyyətdə olan SES qalıb, onlardan biri 50 MVt gücü olan Sərsəng SES-dır. Qalan beş SES-in potensialı 25 MVt təşkil edir, amma çaylarda su səviyyəsinin çox aşağı olmasına görə indi hasilat gücü 5,5 MVt təşkil edir”, – “İnterfaks” onun sözlərindən sitat gətirib.
Qabrielyan əlavə edib ki, Ermənistandan elektrik təchizatı xətlərinin bərpası üzrə işlər başa çatır, bundan sonra SES-lərin yükü azalacaq və bütün Dağlıq Qarabağ əhalisinin elektrik enerjisinə olan tələbatın ödənəcəyi ehtimal olunur.
O, hazırda Dağıq Qarabağ əhalisinin neçə faizinin elektriksiz qaldığını dəqiqləşdirməyib.
“Stepanakertdə, Mardakertdə, Əskəran rayonunda işıq var, Martuni rayonunda çox az sayda kənddə var”, – Qabrielyan “ArmTimes” nəşrinə müsahibəsində deyib və əlavə edib ki, minalar təmizlənmədən kəndlərin yenidən elektriklə təminatı mümkün olmayacaq. Yeni SES-lər tikmək alınmayacaq – mürəkkkəb relyef üçündən bütün imkanlar praktiki olaraq tükənib.
