Ermənistanın baş naziri seçki keçirələnə qədər istefaya getmək niyyətində deyil

JAMnews

Yerevan

Baş nazir Nikol Paşinyanın istefası Ermənistan mediasında və sosial şəbəkələrdə bir nömrəli mövzuya çevrilib. Praktiki olaraq hər gün onun gedişi haqda bildirməyə hazırlaşdığı ilə bağlı məlumatlar yayılır. Xalqa müraciətində baş nazir bildirib ki, seçki keçirilməyənə qədər vəzifədən getməyəcək.

Nikol Paşinyan Qarabağda vəziyyətin gərginləşməsi və Rusiya sülhməramlılarının rolu, o cümlədən də Ermənistan və Azərbaycan sərhədində həyəcanlı durum barədə danışıb. Baş nazir onu da bildirib ki, tezliklə əsirlərin dəyişdirilməsi prosesi başlayacaq.

Vəziyyət haqda

“Mən aydın şəkildə demişəm ki, xalqın mənə təqdim etdiyi statusdan ancaq xalqın iradə ifadəsinin dəqiq nəticələrinə əsasən tərk edə bilərəm. Belə iradə ifadəsi olmayana qədər mən baş nazir funksiyasını davam etdirəcəm , – Nikol Paşinyan bəyan edib.

O vurğulayıb ki, bugün əsas məsələ ölkədə və ətrafında vəziyyətin stabilləşdirilməsidir, onun hökuməti də getmək yox, bu məsələlərin həlli ilə məşğul olmaq niyyətindədir.

Baş nazir başqa fəal yayılan şaiyəyə də toxunub:

“Artıq bir aya yaxındır ki, Mənim övladlarımın, mənim ailə üzvlərimin Ermənistanı tərk etməsi haqda yalan şayiələr yayılır. Son aylar ərzində, xüsusən də müharibənin başladığı ilk gündən mənim ailəmin heç bir üzvü Ermənistandan çıxmayıb və bunu eləməyə də hazırlaşmır”.

Paşinyan son zamanlar sərhədlərin təhlükəsizliyinin təmin edilməsindən başqa hökumət informasiya təhlükəsizliyi problemi ilə üzləşib, “Ermənistan və Ermənistan xalqına qarşı əsl informasiya terrorizmi prosesi başlayıb”. Onun sözlərinə görə, məqsədi təşviş yaymaq olan və “xarici xüsusi xidmət orqanları ilə əlaqəsi istisna edilməyən” hər cür yalan məlumatlar yayılır.

Bununla əlaqədar olaraq baş nazir hökumət qarşısında rəsmi məlumatı daha intensiv yaymaq və baş verən prosesləri daha sürətli işıqlandırmaq vəzifəsi qoyub.

Qarabağda vəziyyətin gərginləşməsi haqda

Nikol Paşinyanın sözlərinə görə, Qarabağın Hadrut rayonunda dekabrın 11-dən gərginləşən vəziyyət Rusiya tərəfi, daha doğrusu, münaqişə zonasında yerləşdirilmiş sülhməramlı kontingent üçün ilk ciddi sınaq olub.

Söhbət ikinci Qarabağ müharibəsinin nəticələrinə əsasən Ermənistanın nəzarətində qalan iki kənddə baş verən hadisədən gedir. Bütün Hadrut rayonu Azərbayxanın nəzarəti altına keçdiyi üçün bu kəndlər eksklava çevrilib.

Azərbaycan SQ tərəfindən kəndlərə hücum və döyüşlər Ermənistanın baş nazirinin dəyərləndirməsinə görə, açıq təxribat xarakteri daşıyır və Rusiya sülhməramlılarının Qarabağdakı rolunu gözdən salmaq cəhdidir.

Ermənistan XİN-dən həmçinin bildirilib ki, “Azərbaycan Artsax respublikasının bu hissəsində sülhməramlı qüvvələrin yerləşmədiyindən istifadə edərək atəşkəs rejimini pozub […]”.

“Əlbəttə, sülhməramlıların niyə indiyə qədər bu kəndlərdə öz müşahidə məntəqələrini qurmadıqları haqda sual ayrıca müzakirə olunmalıdır. Amma indi vacib olan odur ki, onlar artıq oradadırlar”, – Paşinyan deyib.

Ermənistanın dövlət sərhədləri haqda

Baş nazir Ermənistanın Sünik vilayətinin Aqarak kəndi ətrafındakı vəzziyyəti də şərh edib, çünkiistirahət günlərində ölkədə Azərbaycanla sərhədin bu hissəsində vəziyyətin gərginləşməsi fəal müzakirə olunub.

Ermənistan mediasında Azərbaycan SQ-nin Ermənistanın Aqarak kəndi yaxınlığındakı postları istiqamətində atəş açdığı və bu mövqeləri tərk etməyi tələb etdikləri haqda məlumat yayılıb. Sünik qubernatoru Melikset Poqosyan dərhal bildirib ki, heç bir atışma olmayıb, amma azərbaycanlılar səsgücləndirici ilə öz səngərlərindən həqiqətən də geri çəkilməyi tələb edib.

Baş nazir izah edib ki, problem Ermənistanın Sünik vilyəti ilə sərhəddə yerləşən Zəngilan və Qubadlı rayonları ilə bağlıdır. Qarabağda hərbi əməliyyatlar nəticəsində rayonlar yenidən Azərbaycan SQ-nin nəzarəti altına keçib. İndi sərhədin həmin hissəsində delimitasiya və demarkasiya işi aparılmalıdır.

Baş nazirin sözlərinə görə, Azərbaycan SQ-nin fəallığı da bununla bağlı olub. Bu mövzu ilə bağlı fəal müzakirələr aparılır, çünki Qarabağ üzrə 9 noyabr tarixli üçtərəfli bəyanatda Zəngilan və Qubadlı məsələsi qeud olunmayıb.

“Amma bir daha vurğulamaq istəyirəm ki, Qarabağ üzrə razılaşmanın reallaşdırılmasının heç bir mərhələsində Ermənistanın sərhədləri pozulmayacaq. Sərhədlərin toxunulmazlığı prinsipi heç vaxt şübhə altına alınmayıb və alınmır”.

Əsirlərin qaytarılması haqda

Baş nazir bildirib ki, çox tezliklə “Azərbaycan və Qırmızı Xam tərəfindən əsir alındığı rəsmən təsdiqlənən” bir qrup əsirin qaytarılması gözlənilir.

Bundan sonra baş nazir söz verib ki, diqqətini itkin düşənlərin axtarışı üzərində cəmləyəcək, onlar da əsir düşmüş ola bilər.

Həlak olanların axtarışı və artıq tapılan meyitlərin kimliyinin müəyyən edilməsi prosesi də davam edir. Paşinyanın sözlərinə görə, bu prosesi ilin sonuna qədər yekublaşdırmaq mümkün olmayacaq.

Dekabrın 19-da müharibənin bitməsinin qırxıncı günündə Ermənistanda müharibədə həlak olanların xatirəsinə üç günlük matəm elan olunacaq. Yerevanda Respublika meydanından Yerablur döyüşçü panteonuna doğru memorial yürüş baş tutacaq.