Moskvada məbədi üzərində Putinin və Stalinin simalarının əksi olan mozaikalarla bəzədilər
Moskva vilayətində (Vətənpərbər parkında) tikilən Rusiya Silahlı Qüvvələrinin əsas məbədinin divarları Rusiya prezidentinin və hakimiyyətin başqa nümayəndələrinin rəsmləri olan mozaikalarla bəzədilib.
Bu haqda ilk olaraq «MBX media» xəbər verib və başa çatdırılmamış mozaikaların fotolarını dərc edib. Onları adı açıqlanmayan abunəçi yollayıb – məbədin özünə heç kim buraxılmır.
Daha sonra «Novaya qazeta» bu rəsmlərin tam halda əkslərini tapa bilib.
Böyük pannoda prezident Putinlə və müdafiə naziri Sergey Şoyqu ilə yanaşı aşaöldakılar əks etdirilib: Federasiya Şurasının sədri Valentina Matviyenko, Dövlət Dumasının sədri Vyaçeslav Volodin, FTX-nin direktoru Aleksandr Bortnikov və Silahlı Qüvvəlırin Baş qərargahının rəisi Valeri Gerasimov.
Ayrıca bir panno 2014-cü ildə Krımın Rusiyaya birləşdirilməsinə həsr edilib (bunu Ukrayna və beynəlxalq ictimaiyyət qanunsuz ilhaq kimi qiymətləndirirlər) – burada da Krımın sevincli sakinləri və rusiyalı hərbçilərlə yanaşı, Rusiyanın ali rəhbərlərini görmək mümkündür.
Məbədin divarlarında İosif Stalinə də yer tapılıb – İkinci Dünya müharibəsindəki qələbəyə həsr edilmiş freskada. Burada sovet marşalları və əsgərləri Qırmızı meydanda əks etdiriliblər və onlar sovet rəhbərinin əksi olan plakatı əllərində tutublar.
Stalinin freskada əks olunmasını Rusiyanın xalq rəssamı Vasili Nesterenko “Novaya qazeta”ya belə izah edib:
“Fikir bundan ibarətdir – bu, Böyük Vətən müharibəsi zamanı əhəmiyyətli fiqurdur, ona tarixi qiyməti isə bizim nəsil deyil, sonrakı nəsillər verər”.
Məbədin divarında Putinin və Rusiyanın digər rəsmi şəxslərinin əks olunmasını rəssam “xristian ənənəsi” ilə izah edib ki, məbədin freskalarında bu məbədin tikintisinə öz şəxsi vəsaitlərini ianə etmiş insanların rəsmləri olur.
Rusiya Silahlı Qüvvələrinin əsas məbədinin açılışı 2020-ci ilin may ayının 9-na, Böyük Vətən müharibəsində qələbənin 75-ci ildönümünə planlaşdırılıb. Müdafiə Nazirliyinin iddiasına görə, məbəd toplanmış ianələr hesabına tikilib.
