Londonun mərkəzində furqon adamların üstünə sürüb, həm də yolda gəzişənlərin üstünə bıçaqla hücum edilib
İlkin məlumata görə bazar günü, iyun 4-nə keçən gecə Londonun mərkəzində terror aktı nəticəsində təxminən altı nəfər ölüb. 48 nəfər xəstəxanaya çatdırılıb.
Furqon London Körpüsünə çıxaraq (London bridge), yüksək sürətlə qəsdən bir neçə piyadanı vurub, nəticədə bəziləri həlak olub. Bu hadisədən dərhal sonra 3 nəfər naməlum şəxs “Boro Market” rayonu yaxınlığında yoldan keçənlərə bıçaqla hücum edib.
Polis bildirib ki, şübhəli şəxslər üç nəfər idi və hamısı hadisə yerinə gələn polislər tərəfindən öldürülüb. Londonda terror aktı: şahidlərin söylədikləri.
Londondakı hücumların ehtimal olunan iştirakçısının fotosu yayılıb.
London polisi təsdiq edib ki, Boro-market və London Bricdə baş vermiş hadisələr terror aktı kimi qiymətləndirilir.
BBC hücum şahidlərinin dediklərini təqdim edir:
“Adamı mənim gözümün qabağında bıçaqlayırdılar”
Natali və Ben “Borou Hay-Strit” metrosuna yaxınlaşarkən çox sayda harasa qaçan insan görüblər.
Ər-arvadın gözü qarşısında adama bıçaqla hücum ediblər.
“Mən qırmızı paltarlı, əlində çox böyük bıçaq olan kişini gördüm, bıçağın tiyəsi hardasa 10 dyüm idi [25 sm], – Ben danışır. – O başqa bir insana hücum edib və ona heç bir emosiya göstərmədən üç bıçaq zərbəsi endirdi”.
Öz işini bitirdikdən sonra o sakitcə gözdən itdi. Ben düşünür ki, onun yanında başqa adam da varıydı.
“Bıçaqlı adama kimsə stul atdı, başqa bir nəfər isə butulka. Sonra mən xanımımla üç güllə səsi eşitdik və qaçdıq”.
“Mən boynundan yaralanmış qadın gördüm”
Aleks Şellam həmin an öz sevgilisi və iki dostuyla London körpüsünün altındakı pabda idi.
“Axşam saat 10-da paba kömək istəyən yaralı bir qadın qaçaraq girdi. Onun boynundakı yarasından qan axırdı – sanki boğazı kəsilmişdi. Ətrafdakılar qanaxmanı dayandırmağa çalışırdılar. Pabı bağladılar.
Çöldə təcili yardım əməkdaşları başqa bir adamı reanimasiya etməyə çalışırdılar. Orada silahlı polislər var idi və onlar getməyimizi istədilər”.
Polislər bizə dedilər ki, ətrafı yoxlayana qədər mətbəxdə gözləyək. Sonra da restoranı tərk etməyimizi istədilər və qaçaraq bizi təhlükəli zonadan çıxardılar”.
“Bizi 50 nəfər polis nişan almışdı”
Kumi de Kosta və onun iki rəfiqəsi Borou market rayonu ərazisindəki hücumun şahidi oldular.
“Taksi sürücüsü bazara tərəf döndü və biz atışmanın episentrinə düşdük. Küçə birtərəfli idi və biz dönə bilmirdik.
Çoxlu atəş səsi eşidilirdi. Kilsənin arxasında iki nəfər yerə sərilmişdi, başqa iki üç nəfər onların üstündən əyilmişdi.
Bir-iki dəfə atışmaya görə biz taksinin döşəməsinə uzanmalı olduq.
Bizi əlliyə yaxın polis nişan almışdı. Bir lazer nişanı taksi sürücüsünün üzərində idi. Biz əllərimizi qaldıraraq taksidən çıxmağa çalışdıq. Və onlar [polislər] bizə qışqırıb oradan qovdular.
Restorandan bir kişi çıxırdı, onun boynunda altından qan axan salfet var idi. Başqa bir kişi yerdə uzanmışdı. Bilmədim, o kömək gözləyirdi ya ölmüşdü.
Biz yan dar küçələrlə oradan çıxdıq. Oradan polis bizi Blackfriars körpüsünə göndərdi. Gördük ki, insanlar parapetin arxasına boylanırdılar. Ola bilsin, kimsə körpüdən tullanmışdı”.
Donald Tramp baş verənlərə münasibət bildirərək, milli təhlükəsizlik naminə xaricilərin ölkəyə girişinə qadağa qoymağa çağırıb. ABŞ prezidentinin “tvit”ini sosial şəbəkə istifadəçiləri aktiv şəkildə tənqid edir. Bundan sonra da o yazıb: “ABŞ London və Böyük Britaniyanın yanındadır və kömək etməyə hazırdır, Tanrı sizi qorusun”.
