Koronavirus, Qafqaz: region üzrə faktlar və rəqəmlər. 19 Mart, 2020

19 Mart, 2020

22.30

Gürcüstanda martın 19-dan ərzaq mağazalarından və apteklərdən başqa bütün ticarət obyektləri bağlanacaq. Baş nazir Giorgi Qaxariya izah edib ki, karantin tədbirlərinin sərtləşdirilməsi Gürcüstanın koronavirus epidemiyasının yayılma mərhələsində olması ilə bağlıdır.

Onun sözlərinə görə, yoluxanların sayının artacağı gözlənilir.

18.00

Azərbaycanda 10 yeni koronavirusa yoluxma halı aşkar edilib. Yoluxanlar müxtəlif zamanlarda Almaniya, Fransa, Türkiyə və İrandan Azərbaycana qayıdıb – Report xəbər verir.

Beləliklə, hazırda ölkədə xəstələnənlərin sayı 44 nəfərə çatıb.

Onlardan on nəfər sağalıb, bir nəfər ölüb.

14.00

Ermənistanda beş yeni koronavirusa yoluxma halı qeydə alınıb. Xəstələrin ümumi sayı 122 nəfərə çatıb. Bir nəfər sağalıb və xəstəxanadan evə buraxılıb.

Martın 19-da yoluxduğu aşkarlananlardan biri tibb bacısıdır.

Ölkədə martın 16-da elan olunan fövqəladə halın üçüncü günü davam edir. Səhiyyə Nazirliyinin məlumatına görə, Ermənistanda qeydə alınan yoluxma hallarından 99-u ilk iki koronavirus halı ilə əlaqədardır.

• Ermənistan: 26 yeni koronavirusa yoluxma halı, ümumilikdə 78 nəfər oldu. Fövqəladə vəziyyətin ilk günü

Onlardan biri Eçmiadzin (Yerevanın 20 kilometrliyində) şəhərində İtaliya səfərindən yoluxaraq qayıdan, amma xəstəlik əlamətləri olsa da, insanlarla ünsiyyətini davam etdirən yerli qadındır.

İkinci yoluxma mənbəyi Yerevandakı müəssisələrin birində əməkdaşlara konsultasiya verən italiyalı mütəxəssis olub. Yoluxmuş insanlar bu şəxs Ermənistanı tərk edəndən sonra aşkarlanıb. Bu haqda televiziya müsahibəsində baş nazir Nikol Paşinyan bildirib.

14.00

Gürcüstanda  40 nəfər xəstələnib. Bir nəfər sağalıb və xəstəxanadan evə buraxılıb.

1300 nəfərdən çox insan karantində saxlanılır. Təcrid tələbinə mütləq əməl olunmasına polis nzarət edir. Son günlərdə 127 nəfər məcburi karantinə alınıb.

12.00

Azərbaycanda  34 koronavirusa yoluxma halı qeydə alınıb. Onlardan bir nəfər ölüb, 10 nəfər sağalıb.

• Qafqazda koronavirus epidemiyası: region üzrə faktlar və rəqəmlər. Mart 17-18, 2020

• Qafqazda koronavirus epidemiyası: region üzrə faktlar və rəqəmlər. 15-16 mart, 2020

Koronavirus epidemiyası ilə əlaqədar olaraq Qafqazın müxtəlif yerlərində qəbul edilən təhlükəsizlik tədbirləri

Azərbaycan

Azərbaycanda təhsil müəssisələri, uşaq bağçaları, əyləncə mərkəzləri bağlıdır. Restoran və kafelər üçün məhdudiyyətlər tətbiq olunub – onlar işlərini 21.00-dan gec olmayaraq bitirməlidirlər.

Bütün qonşu ölkələrlə quru sərhədləri bağlanıb. Bir çox aviareyslər dayandırılıb.

Ermənistan

Koronavirus epidemiyası ilə bağlı Ermənistanda fövqəladə vəziyyət elan edilib. Fövqəladə vəziyyət 2020-ci il aprelin 14-ə qədər qüvvədə olacaq.

Əsas yoluxma ocağı Eçmiadzin (Yerevandan 20 kilometrlik məsafədə) şəhəri olub.

Ermənistan bütün quru sərhədlərini bağlayıb. Məhdudiyyətlər yükdaşımalara şamil edilmir.

Hava əlaqəsi hələlik açıqdır, hərçənd aviaşirkətlər Ermənistana uçuşları məhdudlaşdırıb və ya tamam dayandırıblar. Nəzarət məntəqələrində bütün gələnlərin temperaturu yoxlanılır.

Ermənistan vətəndaşları istənilən sərhəddən, o cümlədən də quru yolla evlərinə qayıda bilərlər.

Gürcüstan

Gürcüstanda bütün təhsil müəssisələri bağlıdır. Sərhəddə fövqəladə rejim elan edilib. Ölkəyə yalnız Gürcüstan vətəndaşları buraxılır, sərhəddə onların temperaturunu yoxlayırlar və onlar 14 gün özünütəcrid rejimində keçirməyə məcburdurlar. Bu tələbin yerinə yetirilməsinə polis nəzarət edir, qaydanı pozanlar karantinə yerləşdiriləcək.

Başqa heç kimi ölkəyə buraxmırlar. Məhdudiyyətlər yükdaşımalara, o cümlədən də poçtla göndərilən bağlamalara şamil edilmir.

Sosial şəbəkələrdə çoxları fövqəladə halın tətbiqini və bütün ticarət və əyləncə mərkəzlərinin bağlanmasını tələb edirlər.