Azərbaycan məktəblərindən birində səkkiz müəllim koronavirusa yoluxub

Azərbaycanın Quba rayonunun Qam-qam kənd məktəbinin səkkiz müəllimində koronavirus aşkarlanıb. Məktəbdə əyani tədris dayandırılıb və onlayn rejimdə davam etdiriləcək.

• Abxaziya: niyə həkimlər koronavirus xəstələrini müalicə etmək istəmir?

• Gürcüstan məktəbləri virus və təcrid arasında seçim edir

Azərbaycanın Təhsil Nazirliyi müəllimlərin yoluxma faktını təsdiqləyib. Qurumun məlumatına əsasən, məktəbin müəllimləri karantin rejimi qaydalarının pozulması nəticəsində yoluxublar. Onlar sosial məsafə gözləmək qaydasını pozublar.  Həmçinin nazirlik təhsil müəssisəsində şəxsi müdafiə vasitələrindən istifadə olunmamasından şübhələnir.

Təhsil Nazirliyinin məlumatına əsasən, Azərbaycanda tədris ili başlanandan orta ümumtəhsil məktəblərinin 95 şagirdində və müəllim heyətinin 26 nümayəndəsində koronavirus aşkarlanıb. Hazırda COVID-19 virusuna yoluxan həmin şəxslərlə ünsiyyətdə olan 326 nəfər təcrid rejimindədir.

Pandemiya başlayandan Azərbaycanda 39 280 nəfərin koronavirusa yoluxması halı qeydə alınıb. Onlardan 576 nəfər ölüb, 1868 nəfərin müalicəsi davam edir.