Dünya karantindən çıxır: kim və necə. Robotlar insanların hərarətini ölçür və parklara nəzarət edir. Foto/video
Koronavirus pandemiyası həyatlara son qoymağa davam edir. 10 may tarixinə 4 milyon 103,539 yoluxan var. 280 mindən çox adam ölüb.
Avropa çox çətin vəziyyətə düşüb. İspaniya, İtaliya, Böyük Britaniya və Rusiya ən çox yoluxanların olduğu ölkələr sırasındadır, bir çox Avropa ölkələrində ölüm faizi çox yüksəkdir.
Lakin son iki həftə ərzində vəziyyət yaxşılaşmağa başlayıb, ümumdünya karantinindən sonra gəlmiş sərt iqtisadi böhran dünyanın bir çox ölkələrini mərhələli şəkildə məhdudiyyətləri aradan qaldırmağa məcbur edir.
- “Məhdudiyyətləri ancaq əhalinin böyük hissəsi mütəmadi test edildiyi təqdirdə aradan qaldırmaq olar” – Bill Qeyts pandemiyanın öhdəsindən gəlməyin yolları haqda
- Rusiya: koronavirus: yoluxmaların kəskin artması halında ölənlərin sayı təəccüblü dərəcədə azdır və ölənlərin çoxu tibb işçiləridir. Niyə?
- Koronavirus Uhan laboratoriyasından çıxıb, yoxsa məlumatlar gizlədilib? Qərb Çini nədə günahlandırır?
İspaniya: çimərlikdə biznes sinifli yerlər
Avropanın ən çox zərər görmüş ölkələrindəm biri olan İspaniya karantindən tədricən çıxış planı tərtib edib.
May ayının 10-na İspaniyada az qala 262 min nəfər yoluxub, 26 mindən çox insan ölüb.
İlk olaraq – mayın 11-dən kilsələr və məscidlər, həmçinin kafelər, restoranlar açılır. Lakin bunlar yalnız açıq teraslarda və özlərinin tutumunun 50%-dən çox olmamaq şərtilə işləyə bilərlər.
Bunlar İspaniyanın iki ən böyük şəhəri olan Madridlə Barselonaya şamil edilmir, orada hər şey bağlı olaraq qalır.
Mayın 26-dan Muzeylər və teatrlar, həmçinin kurortlar açılacaq, lakin sərt sosial məsafə qaydaları nəzərə alınmaqla.
“İndi çimərlikdə yeri əvvəldən tutmaq lazımdır, biznes sinfində olduğu kimi”, – Valensiyanın ətrafında yerləşən kurort şəhərlərindən birinin meri deyib.
Həmçinin mayın 26-dan uşaqlar qismən məktəblərə qayıdacaqlar – yalnız ibtidai siniflər.
Almaniya: Bundesliqa bərpa olunur
Avropanın futbol liqaları arasında ölkə çempionatının bərpa edilməsi barədə ilk olaraq Bundesliqa elan edib. Bu, mayın 16-da baş verməlidir.
İlk iki həftə ərzində oyunlar tamaşaçı olmadan keçiriləcək. Lakin mütəxəssislər bildirirlər ki, satılmamış biletlər üzündən zərər televiziya translyasiyalarının satışı və bukmeker kontorlarından gəlirlərlə dəfələrlə çox kompoensasiya olunacaq – azarkeşlər oyun üçün darıxıblar.
Mayın 10-u tarixinə Almaniyada 171 mindən çox adam yoluxub, 7 550 nəfər ölüb.
Almaniyada artıq hər yer açıqdır, lakin sərt məsafə və dezinfeksiya tələbləri tətbi olunur.
İtaliya: alıcılara robotlar nəzarət edir
İtaliyada – Avropada koronavirusdan xəstələnmələrin və ölümlərin sayına görə lider ölkələrdən daha birində – mağazaların işləməsinə icazə verilib, lakin iri ticarət mərkəzləri bağlıdır.
Mayın 10-u tarixinə İtaliyada 218 mindən çox adam yoluxub, bunlardan 30 mindən çoxu həlak olub.
Mağaza sahibləri fəal şəkildə tibbi ribitlardan istifadə edirlər ki. onlar hər bir alıcının temperaturunu ölçür və məsafəyə riayət olunmasına nəzarət edirlər.
Çox yaxın dairədən olanlardan başqa insanların da dəfn mərasimlərində iştirakına icazə verilib, lakin adamların sayəı 15-dən artıq olmamalıdır.
Restoranlar və kafelər yalnız iyunun 1-dən açılacaq.
Sakinlərə qonşuları ilə ünsiyyətdə olmaq icazəsi verilib, lakin eyni zamanda dörd nəfərdən artıq olmamaq şərtilə. Yaşadığın şəhərdən və kənddən də çıxmaq olar – lakin regionun sərhədlərini keçməz olmaz.
Tədris müəssisələri sentyabr ayına kimi açılmayacaq.
Fransa: xüsusi icazə olmadan hərəkət etmək olar
Fransada artıq 100 kilometrə qədər məsafəyə maşınla səfərlərə icazə verilir. Daha uzun səfərlər üçün xüsusi icazə tələb olunur.
Həmçinin Parisdə pik saatlarında yalnız bu cür xüsusi icazə olduqda nəqliyyatla hərəkət etmək mümkündür.
Regionlarda parklar ziyarət üçün açıqdır, lakin Parisdə 11 yaşdan 18 yaşına qədər uşaqlara parklara və bağlara getmək qadağandır.
Mayın 11-dən aşağı sinif şagirdləri üçün tədris bərpa iolunur və uşaq bağçaları açılır. 15 yaşından 18 yaşına qədər uşaqlar üçün məktəblər iyun ayına qədər açılmayacaq.
Yeni limit tətbiq edilib – sinifdə eyni zamanda 15 uşaqdan çox şagird ola bilməz.
Bütün mağazalar, bərbərxanalar işləyir, yenidən qəbiristanlıqlara getmək olar. Lakin rstoranlar və kafelər bağlı olaraq qalır.
Sakinlərə yenidən bir-biri ilə ünsiyyətdə olmaq icazəsi verilib, lakin 10 nəfərdən çox olmamaqla və məsafəyə ciddi riayət etməklə.
İsveç: yalnız iki qadağa – 50 nəfərdən çox bir yerə toplaşmaq və qocalar evlərini ziyarət etmək olmaz
Bütün pandemiya dövründə İsveçdə ciddi məhdudiyyətlər olmayıb.
Restoranlar, məktəblər və biznes yerləri işləməkdə davam edir. Yalnız 50 nəfərdən çox adamın bir yerə toplaşması qadağası qüvvədə qalır.
Həmçinin qocalar evləri ziyarət üçün qapalıdır.
Əhalinin böyük hissəsi köpnüllü olaraq lap əvvəldən özünütəcrid rejiminə keçib. Bir çoxları evdən işləyirlər və yaşadıqları şəhərlərdən çıxmaqdan imtina ediblər.
İnsanlar həmçinin hər yerdə bir-birindən iki metr aralı məsafəyə çox ciddi riayət edirlər.
İsveçdə 3 mindən çox plüm faktı qeydə alınıb, bu, Şimali Avropanın yerdə qalan ölkələri ilə müqayisədə adambaşına düşən ən yüksək göstəricidir. Mayın 10-u tarixinə burada az qala 26 min nəfər yoluxub.
Cənubi Koreya: uğursuz çıxış cəhdi
Cənubi Koreyada – pandemiya ilə mübarizədə dünya ölkələri arasında ən uğurlu ölkələrdən birində – xəstələnmənin yenidən yayılması qeydə alınıb.
Bunun mənbəyinin restoranlar və gecə klubları olması aydınlaşan kimi hakimiyyət onları dərhal bağladı.
Mayın 10-u tarixinə Cənubi Koreyada 10,874 nəfər yoluxub, bunlardan 256-sı ölüb.
