İlham Əliyev UNESCO-nu münasibətləri yenidən nəzərdən keçirməklə hədələyib
Azərbaycan prezidenti İlham Əliyev “beynəlxaq statusunu saxlamazsa” və “hansısa ölkənin filialı olmağa” son qoymazsa, UNESCO-nu münasibətləri yenidən nəzərdən keçirməklə hədələyib.
- Ermənistan-Azərbaycan: “Yeni-köhnə sərhəd”, niyə onun müəyyən edilməsi bu qədər problemlidir?
- Türkiyə həbçilərinin Qarabağda yerləşdirilməsi Azərbaycanın nəyinə lazımdır? – Bakıdan şərh
Bu haqda İlham Əliyev yeni mədəniyyət naziri Anar Kərimovla video-formatda görüşü zamanı bildirib. Kərimov artıq bir neçə aydır ki, mədəniyyət nazirinin birinci müavini idi və qurumun keçmiş rəhbəri Əbülfəz Qarayev işdən azad edildikdən sonra narizin səlahiyyətlərini yerinə yetirirdi. Nazir müavini təyin edilənə qədər isə Anar Kərimvov Azərbaycanın UNESCO-dakı nümayəndəsi olub.
“Kim bizi ittiham edə bilər ki, Azərbaycanda başqa dinlərin abidələri təhlükə altındadır? Naşı siyasətçilər, populistlər, bizim bölgəmizdən xəbəri olmayan, ancaq erməni lobbisinin sifarişini yerinə yetirən, ya da ona çalışan bəzi dırnaqarası siyasətçilər bizə hansısa irad tuta bilərlər.
Bu iradların əsası varmı? Yoxdur. Mənim sözümü sübut edən bizim bax, bir neçə cildlik işlərimizdir. Getsinlər baxsınlar, ermənilər müsəlman abidələrini nə günə qoyublar?!”, – Azərbayan prezidenti bildirib.
“Niyə 30 il ərzində bu məsələ ilə bağlı UNESCO məsələ qaldırmayıb? Biz dəfələrlə müraciət etmişik, dəfələrlə. Bu müraciətlər məktublar formasında sənədləşdirilib. İki il əvvəl UNESCO-nun yeni rəhbərliyinə də belə təklif verildi ki, missiya göndərin. İşğal edilmiş torpaqlara missiya gəlsin, baxsın ki, nə günə qoyublar bizim tarixi abidələrimizi?
Nə oldu UNESCO-nun rəhbərliyinin cavabı? Dedilər ki, biz məsələni siyasiləşdirmək istəmirik. Yaxşı, iki il bundan əvvəl məsələni siz siyasiləşdirmək istəmirdiniz, bəs indi niyə siyasiləşdirmək istəyirsiniz? Cavab versinlər, çox sadə bir cavab, məntiqli bir cavab. Cavab yoxdur”, – o, sözünə davam edib.
“Dedim açın gözünüzü baxın nə günə salıblar ermənilər bizim məscidimizi. Bir reaksiya gəldimi oradan? Yox! Budur ermənilərin dağıtdığı. Yaxşı biz nəyi dağıtmışıq? Biz nə etmişik? Ancaq təmir etmişik, qorumuşuq. Ona görə, bilirsiniz, biz belə əsassız yanaşmanı, sadəcə olaraq, diqqətsiz qoya bilmərik.
Biz UNESCO ilə bundan sonra da əməkdaşlıq etməyə hazırıq. Ancaq bir şərtlə ki, UNESCO öz beynəlxalq statusunu saxlasın. UNESCO hər hansı bir ölkənin filialı deyil. Əgər bu yanaşma bizim münasibətlərimizdə üstünlük təşkil edərsə, əməkdaşlıq olacaq. Əgər yox, olmayacaqsa, bu əməkdaşlığa yenidən baxmaq olar”, – Əliyev qeyd edib.
