Rusiyanın humanitar yükü Qarabağa ilk dəfə Azərbaycan ərazisindən çatdırılıb

Rusiya FHN Qarabağa humanitar yardımın növbəti partiyasını göndərib. Yardım yük maşınlarında Azərbaycan ərazisindən çatdırılıb.

• Qarabağ: Rusiya və Türkiyə sülhməramlıları, Azərbaycan və Ermənistan hərbçiləri – kim hansı mövqelərdədir? Xəritələrlə izah

RF Fövqəladə Hallar Nazirliyi tərəfindən Qarabağa göndərilən humanitar yardım kolonu Azərbaycanın FHN əməkdaşları tərəfindən Rusiya ilə sərhəddəki “Samur” keçid məntəqəsində qarşılanıb və mənzilbaşına qədər müşayiət olunub.

İnşaat materiallarından ibarət olan yardımın yarısının Şuşaya, digər yarısının isə Xankəndinə (Stepanakert) çatdırılması planlaşdırılıb.

Bu, Rusiyadan Qarabağa yükün Azərbaycan ərazisindən çatdırıldığı ilk hadisədir. Rusiyanın münaqişə zonasında sülhməramlı fəaliyyəti başlayandan bəri bu işlər Ermənistan ərazisindən görülürdü.