Gürcüstanda yeni koronavirus – 2021-ci il yanvarın sonuna qədər yeni məhdudiyyətlər

Gürcüstanda koronavirusa yoluxma hallarının kəskin artması səbəbilə yeni məhdudiyyətlər tətbiq olunur. Yeni qaydalar noyabrın 28-dən qüvvəyə minəcək və iki ay – 2021-ci il yanvarın 31-ə qədər davam etməsi gözlənilir.

Noyabrın 26-da Gürcüstanda koronavirusa 3801 yeni yoluxma halı qeydə alınıb, 39 nəfər vəfat edib. Pandemiya başlayandan 118690 nəfər yoluxub, onlardan 1124 nəfər vəfat edib, 98781 nəfər sağalıb. Hazırda 18759 nəfər xəstədir.

Noyabrın 28-dən nələr qadağan olunub?

● Əsas məhdudiyyət – Tbilisidə və daha yeddi böyük şəhərdə: Telavi, Batumi, Kutaisi, Rustavi, Qori, Poti və Zuqdididə ictimai nəqliyyatın hərəkəti tamam dayandırılacaq: metro, avtobuslar, marşrutlar.

Taksilər adi rejimdə işinə davam edəcək – sərnişin arxa oturacaqda əyləşməlidir və mütləq maskada olmalıdır.

● Bütün şəhərlərarası ictimai nəqliyyatın – avtobuslar, marşrutlar və qatarların hərəkəti dayandırılır. Amma maşınlarla, o cümlədən də yaksi ilə hərəkətə qadağa yoxdur.

● Komendant saatı 21:00-dan 05:00-a qədər qüvvədə olacaq (indiyə qədər 22:00-dan 05:00-a qədər idi). Bu məhdudiyyət iki gecə – 31 dekabr gecəsi və Milad əraəfəsində, 6 yanvar gecəsi istisna olmaqla yanvarın 31-ə qədər qüvvədə olacaq. Bu iki gecədə hərəkət məhdudiyyəti olmayacaq.

● Bütün iri ticarət obyektləri – yarmarkalar, ticarət mərkəzləri, inşaat mağazaları və sairə işini dayandırır. Onlayn-satışa və mallaın çatdırılmasına icazə verilir.

● Aqrar bazarlar və ərzaq, heyvan qidası, məişət kimyası və gigiyena vasitələri satılan mağazalar,normal və veterinar aptekləri bağlanmayacaq və normal işinə davam edəcək. Qəzet köşkləri də işləyəcək.

● Üzgüçülük hovuzları, fitnes mərkəzlər və trenajor zalları bağlanacaq.

● Gözəllik salonları vəspa-salonlar işinə davam edə bilər.

● Restoranlar, kafe və barlar məkan daxilində müştəri qəbul edə bilməz və yalnız satışla və evlərə çatdırılma ilə məşğul ola bilərlər.

● İstənilən konfranslar, treninqlər, mədəni və əyləncəli tədbirlər qadağandır. Onlar onlayn rejimə keçirilməlidirlər.

● İstənilən idman, mədəniyyət, yadadıcılıq  mərkəzləri/studiyaları/dərnəkləri bağlanmalıdır.

● Kommunal xidmətlərmaksimum məsafədən iş rejiminə keçəcək. Bu məhdudiyyət yanvarın 3-ə qədər qüvvədə olacaq. Yanvarın 3-dən 15-ə qədər isə kommunal xidmət ofisləri məzuniyyətə göndəriləcək.

● Özəl müəssisələr maksimum məsafədən iş rejiminə keçəcək. Ehhtiyac olduğu zaman ofislər yalnız 15:00-a qədər açıla bilər.

● li və orta məktəblərdə və uşaq bağçalarında dərs prosesi distant rejimdə davam edəcək.

● İnşaat sektoru üçün heç bir məhdudiyyət yoxdur – inşaat və infrastruktur layihələri davam etdiriləcək.

Yeni il günləri necə olacaq?

● Məhdudiyyətlər yalnız Yeni il günlərində – dekabrın 24-dən yanvarın 2-ə qədər (daxil olmaqla) qismən dayandırılacaq.

● Bu on gün müddətində ticarət mərkəzləri, açıq və qapalı yarmarkalar işləyəcək, şəhərdaxili və şəhərlərarası ictimai nəqliyyatın hərəkəti də bərpa olunacaq.

● Yanvarın 3-dən 15-ə qədər bütün dövlət və özəl müəssisələr üçün – banklar və strateji əhəmiyyətli xidmətlərdən başqa – istirahət günləri elan olunur.

● İstirahət günləri başa çatdıqdan sonra – yanvarın 16-dan 31-ə qədər bəzi məhdudiyyətlər aradan qaldırılacaq, o cümlədən də şəhərdaxili və şəhərlərarası ictimai nəqliyyatın, ticarət obyektlərinin, açıq və qapalı yarmarkaların işi bərpa olunacaq.

Amma istirahət günləri nəqliyyat, mağazalar və yarmarkalar işləməyəcək, bu qayda yanvarın 31-ə qədər davam edəcək.

Qış kurortları hansı rejimdə yaşayacaq?

Qış kurort mövsümünü artıq faktiki baş tutmamış saymaq olar.

İstisnasız bütün qış kurortlarında kanat yollarının hərəkəti qadağan edilib, dağ-xizək yolları açılmayacaq, otellər yalnız təsdiqlənmiş koronavirus diaqnozlu insanların təcrid rejimində qalması üçün istifadə olunacaq.  

Qış kurortlarında restoranlar, mağazalar və qila məntəqələri ölkə ərazisindəki digər obyektlərlə eyni rejimə keçəcək.