Gürcülər vizasız Avropanın ən çox hansı ölkələrinə səyahət edir? Statistika
Gürcüstan DİN-i 2018-ci ilin dekabr ayını əks etdirən statistikanı dərc edib. Bu statistikaya müvafiq olaraq, Almaniyaya bu müddətdə 7914 Gürcüstan vətəndaşı yollanıb.
İkinci yeri 4039 nəfərin səfər etdiyi İtaliya, üçüncü yeri isə Polşa (3679) tutur.
•Niyə Gürcüstan vətəndaşlarını Avropa ilə vizasız rejim sevindirib?
•Avropa İttifaqı və Gürcüstan arasında vizasız rejim üçün heç bir təhlükə yoxdur
•Gürcüstan: bir il əvvəl Avropa ilə vizasız rejim qəbul edilib. Rəqəmlər və problemlər
Ümumilikdə 29 ölkə üzrə statistika dərc olunub. O cümlədən də 2018-ci ilin dekabrında Gürcüstan vətəndaşlarını sərhəddən geri qaytarmayan “problemsiz” ölkələr də qeyd olunub. Belə ölkələrin sayı 12 olub. Onların sırasında Hollandiya, Litva, Rumıniya, Portuqaliya, Bolqarıstan, Malta, Norveç, Xorvatiya, Slovakiya, Finlyandiya, Lüksenburq və Sloveniya var.
Gürcüstan vətəndaşları ən çox rədd cavabını İtaliyadan – 46, o cümlədən də Kipr (35) və İspaniyadan (33) alıb.
• Gürcüstan vətəndaşları 2017-ci il martın 28-dən Şengen zonası ölkələrinə vizasız səyahət edir.
• 2014-cü ildə həyata keçirilən siyahıyaalmaya əsasən, gürcüstanlı emiqrantların ən çoxu Rusiya, Yunanıstan və Türkiyədə yaşayır.
1. Rusiya Federasiyası – 21%
2. Yunanıstan – 15,9%
3. Türkiyə – 11,2%
4. İtaliya – 10,9%
5. Almaniya – 7,1%
6. ABŞ – 5,7%
7. İspaniya – 4,1%
8. Fransa – 3,7%
9. Ukrayna – 3,7%
10. Azərbaycan – 2%