Ermənistanda artıq koronavirusa görə fövqəladə vəziyyət rejimi uzadılmayacaq

Ermənistan hökuməti qanunvericiliyə dəyişikliklər paketi qəbul edib, bu da fövqəladə vəziyyət uzatmamağa imkan verəcək.

Layihə ölkə ərazisində infeksion xəstəliklərin yayılması, o cümlədən də hər hansı epidemiya partlamasının baş verməsi və yayılması təhlükəsi halında karantin tətbiq etməyə imkan verir. Üstəlik karantini bütün ölkə ərazisində yox, konkret şəhərlərdə və ya kəndlərdə, hətta ayrı-ayrı təşkilatlardatətbiq etmək mümkün olacaq.

Layihə ədliyyə və səhiyyə nazirlikləri tərəfindən birgə hazırlanıb. Layihənin qüvvəyə minməsi üçün parlament də onu təsdiqləməlidir. Amma deputatların layihəni dəstəkləyəcəklərinə dair şübhə ola bilməz, çünki həm iqtidar blokunun üzvləri, həm də müxalifət çoxdan bu qanunvericilik dəyişikliklərinin qəbul edilməsinin vacibliyi haqda danışırdı.

Ermənistanda fövqəladə vəziyyət rejimi martın 16-dan tətbiq edilib və beş dəfə müddəti uzadılıb. Sonuncu uzatmadan sonra rejim sentyabrın 11-ə qədər davam etməlidir. Odur ki, parlamentdə müzakirələr bu tarixə qədər olmalıdır.

● Maskada, tənəffüssüz və yeməkxanasız: Ermənistan yeni dərs ilinə hazırlaşır

● Koronavirusdan zərər çəkən turizm sahəsi Ermənistan hökumətindən yardım alacaq

● Koronavirus şərabçılara və üzümçülərə qarşı

Nə dəyişəcək?

Ədliyyə naziri Rustam Badasyan bildirib ki, qanunvericilik layihəsi fövqəladə vəziyyət rejimi elan etmədən pandemiyaya qarşı effektiv mübarizə aparmağa imkan verir.

Üstəlik karantin həm hökumət tərəfindən bütün ölkə ərazisində, həm də Yerevan meri və qubernatorlar tərəfindən konkret ərazilərdə və ya hətta qurumlar daxilində elan edilə bilər.

“Karantin qubernatorlar və ya Yerevan meri tərəfindən elan edildiyi halda aşağıdakı tədbirlər görülə bilər: epidemiya zonasına növbəli giriç və çıxışların tətbiqi, dövlət sərhədindən gediş-gəlişin dayandırılması və ya məhdudlaşdırılması, insanların və nəqliyyat vasitələrinin azad hərəhət hüququnun məhdudlaşdırılması”, – ədliyyə naziri Rustam Badasyan bildirib.

Karantin hökumət tərəfindən elan ediləcəyi eyni hallarda isə daha sərt tədbirlərin görülməsi mümkündür. Söhbət mitinqlərin, izdihamlı aksiyaların keçirilməsi və orada iştirak hüququnun məhdudlaşdırılması, konkret müəssisələrin işində sanitar-epidemioloji təhlükəsizlik qaydalarının tətbiqi, malların daşınmasının məhdudlaşdırılması, ali və orta məktəblərin fəaliyyətinin dayandırılmasından gedir.

Ədiyyə nazirinin sözlərinə görə, yeni rejim fövqəladə vəziyyətdən hüquqların məhdudlaşdırılması dərəcəsi, görülən tədbirlərin sərtliyi və məhdudlaşdırılmalı olan hüquqların dəqiq müdafiəsi mexanizmləri ilə fərqlənir: 

“Məsələn, artıq elektron müşahidə sistemi ilə insanların yerinin müəyyən edilməsi sistemi işləməyəcək, iqtisadi fəaliyyətlə bağlı qadağalaq olmayacaq. Yəni iqtisadi fəaliyyətə məhdudiyyət gətirmək olacaq, amma iqtisadi fəaliyyəti qadağan etmək mümkün olmayacq”.