“Ermənistana kömək edək” – Gürcüstan vətəndaşları hökumətə petisiya ilə müraciət ediblər

Petisiya müəllifləri Gürcüstan hökumətini hazırda çətin vəziyyət yaranan Ermənistanda koronavirus pandemiyası ilə mübarizəyə yardım etməyə çağırırlar. Ermənistanda yoluxanların sayı 11 mini keçib, hədsiz yüklənmə səbəbilə xəstələri artıq klinikalara yerməşdirmək müşkülə çevrilib.   

“Biz Gürcüstan hökumətindən xahiş edirik ki, belə çətin zamanda qonşu ölkəyə yardım imkanlarını gözdən keçirsin. Biz Ermənistana onların xəstələrinin Gürcüstanda müalicə edilməsindı yardım tklif etmək istəyirik. Biz hesab edirik ki, regionda epidemioloji vəziyyəti həll etmək üçün bu, doğru addım olacaq”, – məlumatda deyilir.

İyunun 4-də Ermənistanda koronavirusa 697 yeni yoluxma halı qeydə alınıb. Pandemiya başlayandan ölkədə ümumilikdə COVID-19 virusundan 176 nəfər ölüb.

• Transgenderə sığınacaq verən kilsə. Video
• Gürcüstanda 30 minə yaxın uşağın sabundan istifadə etmək və evdə yuyunmaq imkanı yoxdur – UNICEF

Ermənistanın baş naziri Nikol Paşinyanın sözlərinə görə, ölkədə vəziyyət pisləşir və xəstəxanaya yerləşdirilməli olan, amma klinikaların hədsiz dolu olması üzündən stasionara qəbul edilməyən insanlar var.

Gürcüsyanın Xəstəliklərə Nəzarət Milli Mərkəzinin rəhbəri Amiran Qamkrelidze mayın 28-də bildirib ki, əgər Ermənistanın Xəstəliklərə Nəzarət Mərkəzi kömək üçün gürcüstanlı həmkarlarına müraciət etsələr, onlar yardım etməyə hazır olacaqlar.