Ermənistan hökuməti nazirlərin sayının azaldılması haqda qərar qəbul edib. Dəyişikliyin məqsədi hökumət strukturunu Konstitusiyanın yeni tələblərinə uyğunlaşdırmaqdan ibarətdir.
2015-ci il referendum nəticələri ilə təsdiqlənən Konstitusiya dəyişikliklərinə uyğun olaraq baş nazirin müavinlərinin sayı üçdən, nazirlərin sayı isə 18-dən çox olmamalıdır.
Bununla bağlı olaraq hökumət aparatının nazir-rəhbəri siyasi vəzifəsini ləğv edib, onu hökumət aparatının rəhbəri vəzifəsi ilə əvəz etmək qərara alınıb.
Hökumət aparatının nazir-rəhbəri vəzifəsi keçmiş baş nazir, hazırda Avrasiya İqtisadi Komissiyasının sədri olan Tiqrane Sarqsyan zamanında yaradılıb.