Ermənistanda dövlət işləyən tələbələrə universitetlərdə təhsil haqqını ödəməyə kömək edəcək

Ermənistanda dövlət işləyən ali məktəb tələbələrinin təhsil haqqını kompensasiya edəcək – maaşlarından tutulan gəlir vergisini geri qaytarmaqla.

Hökumətin ölkənin inkişafı üçün vacib saydığı 80 ixtisas üzrə təhsil alan tələbələrə vergi güzəştləri tətbiq ediləcək. 

İyunun 2-də Təhsil Nazirliyi artıq magistrlara və aspirantlara təhsil haqqının kompensasiya ediləcəyi ixtisasların siyahısını açıqlayıb. İndən belə bakalavr tələbələrin də bu proqrama qoşulacağı ehtimal olunur.

• Ermənistanda ümumi inklüziv təhsil. Əsaslı islahat, yoxsa düşünülməmiş eksperiment?
• Adi və xüsusi uşaqlar eyni sinifdə. Ermənistanda belə etmək istəyirlər

Kim imtiyazdan yararlana biləcək?

Vergi kompensasiyası haqda Qanun layihəsi 2020-ci il yanvarınn 15-də  Milli Məclisin İqtisadi Məsələlər Komissiyası tərəfindən təsdqilənib.

Layihənin həmmüəllifi, parlamentin “Mənim addımım” iqtidar fraksiyasının rəhbəri Lilit Makunts qanun layihəsinin konsepsiyasını izah edib:

“Çox vaxt bizdə tələbənin təhsili üçün onun ailə üzvləri, valideynləri ödəniş edir. Amma tələbələrə, xüsusən də magistratura dövründə özlərinin pul qazanması üçün dəstək olmaq lazımdır. Bu, onlarda təhsilə və işə yeni yanaşma da formalaşdıracaq”.

Martda Milli Məclisin deputatları ikinci oxunuşda qanun layihəsini qəbul ediblər.

Bu imtiyazdan yalnız Ermənistan vətəndaşları və yalnız bir dəfə, yəni yalnız bir ixtisasa yiyələndikləri zaman yararlana biləcəklər.

Gəlir vergisi təhsil, humanitar elmlər, incəsənət, tarix, fəlsəfə, kimya, informatika, maşınqayırma, sənaye, inşaat, tibb sahələrinə aid ixtisaslara yiyələnən tələbələrin təhsil haqqının ödənilməsinə sərf ediləcək.

Təhsil Nazirliyində hesab edirlər ki, “hazırda iş axtaranların müvafiq təhsili və bilikləri olmadığı üçün əmək bazarında vakant qalan peşələr var”. Layihə müəlliflərinin ideyasına görə, bu qanun universitetlərlə əmək bazarı arasında əlaqəni nizamlayacaq.