“Bütün DQ sakinlərini Ermənistana təxliyyə etmək. Başqa çıxış yolu yoxdur”. Şərh
DQ ermənilərinin təxliyyəsi
Qarabağlı jurnalist, Stepanakert (Xankəndi) Press-klubunun rəhbəri Qeqam Baqdasaryan tanınmamış “DQR” hakimiyyətinə bütün sakinlərin Ermənistana təxliyyəsi çağırışı ilə müraciət edib. O hesab edir ki, təxliyyəni dərhal beynəlxalq strukturların vasitəçiliyi ilə həyata keçirmək lazımdır.
Facebook-da yazdığı statusda o, Dağlıq Qarabağ ermənilərinin niyə qalıb Azərbaycan dövlətinə inteqrasiya ola bilməyəcəyini izah edib.
- “Peşəkarca və ən qısa müddətdə” Bakıdan şərh
- Azərbaycanda “müharibə əleyhdarı” fəalların həbsi
- “Bu etnik təmizləmə deyil”. Bakıdakı ekspertlər antiterror əməliyyatının nəticələri haqda
Qeqam Baqdasaryan, jurnalist
“Başqa çıxış yolu yoxdur: Artsax hakimiyyəti beynəlxalq ictimaiyyətə, BMT və Avropa İttifaqına müqaciət etməli, insanların onların himayəsi altında təxliyyəsini təklif, tələb etmək lazımdır. Ermənistan buna getməyəcək. İstənilən halda, bu cür bəyanatla Artsax rəhbərliyinin çıxış etməsi daha doğru olar – həm hüquqi, həm siyasi, həm də bütün aspektlərdə. Qoy dünya da, Ermənistan da reaksiya versin.
Artsax sakinlərinin normal həyat fəaliyyəti üçün heç bir şərait yoxdur, tamamilə heç bir. Azərbaycan höərbçiləri bütün yaşayış məntəqələrinin kandarındadırlar, bütün əsas yol qovşaqları onların nəzarətindədir. Hətta BMT qətnaməsi olsa belə, qətiyyən geri çəkilməyəcəklər.
Bu mövzuda Azərbaycandan şərh:
Hər tərəf ac, çarəsiz insanlarla doludur. Təxliyyənin alternativi yoxdur.
Hətta əgər kiçik ehtimal Avropa İttifaqının Artsaxa yüzlərlə müşahidəçi gönəcəyini təsəvvür etsək, girova çevrilmiş insanların həyatında bir şey dəyişməyəcək. Hətta əgər BMT və ya NATO-nun Artsaxa sülhməramlı qüvvələr göndərəcəyi və hər evin qarşısında bir əsgər dayanacağı kimi fantasmaqorik versiya təsəvvür etsək belə, bu halda da normal həyat olmayacaq. Cəhənnəmin light versiyası olacaq.
Başqa fikirdə olanlar aşağıdakıları təsəvvür etmək lazımdır. Artsaxda qalan insanlar Azərbaycan vətəndaşlığını qəbul etməyə məcbur olacaqlar. Onları Azərbaycan dilini – onilliklərcə antierməni təbliğatının aparıldığı nifrət dilini öyrənməyə məcbur edəcəklər. Onları məktəblərdə ermənilərə ifrət və ermənilərə aid hər şeyin alçaldılması ilə dolu olan “Azərbaycan tarixi” fənnini öyrənməyə məcbur edəcəklər.
Artsaxdan olan ekspert Anuş Qavalyan ilk baxışdan fantasmaqorik görünən başqa bir vəziyyət haqda yazıb, amma təəssüf ki, əslində bu vəziyyət həddindən artıq realdır.. Məsələ bax bundadır.
Artsax gəncləri hansı orduda xidmət edəcəklər? Təbii ki, Azərbaycan ordusunda.
Siz bizim gənclərin bu ordudakı vəziyyətini təsəvvür edirsiz? İndi başqa bir şeyi təsəvvür edin: Azərbaycan Ermənistana müharibə elan edir və bizim erməni əsgərlər bu müharibədə iştirak etməlidirlər. Biz bax belə dəhşətli və faciəli vəziyyətə düşmüşük.
Ruslar Artsax xalqının ərazini tərk etməsini istəmir. Rusiya istəyir ki, bu ərazidə qalmasını şərtləndirmək üçün əhalinin böyük hissəsi burada qalsın.
Azərbaycan isə artsaxlıları müvəqqəti saxlamaq istəyəcək. Bakı “sivil vitrin” yaratmağa və ölkəsində “tolerantlıq” haqda danışmaq, bununla da bütün bədxahlıqlarını və vəhşiliklərini üzərində silmək istəyir. Sonra isə uyğun bir zamanda yenə qanlı qırğına başlayacaq.
Qərb də hələlik təxliyyə ideyasına yanaşmır, çünki gözü qarşısında keçirilən etnik təmizləməni və öz biabırçı “gücsüzlüyünü” etiraf etməli olacaq.
Amma hər şey bizdən asılıdır. Əgər Artsax hökuməti ağıllı, ardıcıl və cəsarətli olsa, o zaman biz məqsədimizə nail ola bilərik. Artsax rəhbərliyi də tələdədir, onları təhdidlərlə azərbaycanlıların və rusların planını qəbul etməyə məcbur edirlər. Amma Artsax sakinlərinin başqa seçimləri yoxdur, onlar öz hakimiyyətlərini beynəlxalq ictimaiyyətə müraciət etməyə məcbur etməlidirlər.
Yenidən insanların həyatını geosiyasi oyunlara qalmaq lazım deyil, biz buna imkan verməməliyik. Üç müharibə görmüş, qorxunc itkilər, aclıq və məhrumiyyətlər yaşamış insanların nəhayət, insan kimi yaşamaq imkanları olmalıdır. Biz uşaqlarımıza yaradıcı və ləyaqətli yaşamaq şansı verməliyik.
Mütəşəkkil təxliyyənin daha bir üstünlüyü də var: biz daşınan mənəvi və mədəni dəyərlərimizi, dövlət arxivlərimizi apara və xilas edə biləcəyik”.
Qarabağlı jurnalist Siranuş Sarqsyanın sosial şəbəkədə “Doqquz aylıq aclıqdan sonra biz indi zirzəmilərdəyik. Dünənə qədər çörək arzulayan, indi isə səhər oyanmaq xəyalı quran uşaqlarla birlikdə yatırıq”, yazısı ilə paylaşılmış fotosu.
