Azərbaycanın Səhiyyə Nazirliyi ölkə vətəndaşlarının bəzi qruplarını koronavirusa qarşı üçüncü doza peyvənd vurdurmağa çağırıb. Bu doza mütləq deyil, COVID-pasportun alınmasında heç bir qayda dəyişikliyi də nəzərdə tutulmayıb
“Koronavirusun daha yoluxucu “delta” ştamının gündəmdə olması virusla daha ciddi mübarizə aparılmasını zəruri edir. Bundan əlavə, mövsümlə əlaqədar havanın dəyişməsi də epidemiyanın daha geniş yayılması riskini artırır”, – Səhiyyə Nazirliyinin oktyabrın 11-də yaydığı məlumatda deyilir.
Qurumdan bildirilir ki, koronavirusa qarşı istifadə olunan peyvəndlərin effektinin müəyyən müddətdən sonra azaldığı da araşdırmalarla sübuta yetirilib.
“Xəstəliyə qarşı immuniteti artırmaq üçün 3-cü (buster) dozanın vurulması ehtiyacı yaranır. Qeyd edək ki, Türkiyə, Çin, Avstriya, Belçika, Finlandiya, Macarıstan, Rusiya, İspaniya və İsveçrədə də artıq üçüncü gücləndirici doza ilə vaksinasiyaya start verilib.
Son elmi tədqiqatların nəticələrini və COVID-19 virusunun mutasiya uğramasını nəzərə alaraq, Səhiyyə Nazirliyi hər 2 doza vaksin almış risk qrupuna daxil olan vətəndaşları, xroniki xəstəliyi olanları, bütün tibb işçilərini və yaşı 50-dan yuxarı olan əhalini üçüncü doza (“buster” doza) ilə peyvəndlənməyə çağırır”, – Səhiyyə Nazirliyindən bildirilib.
Nazirliyin məlumatında o da lavə plunub ki, üçüncü doza üçün Azərbaycanda təsdiq olunan bütün vaksinlər istifadə oluna bilər.
Üçüncü doza mütləq deyil
2021-ci il oktyabrın 1-dən bütün Azərbaycan ərazisində qapalı məkanlarda yerləşən müəssisələrə yalnız COVID-pasportu olanlar buraxılır.bu elektron sənəd koronavirusa qarşı tam vaksinasiyadan (iki doza) keçənlərə və ya son altı ayda infeksiyaya yoluxub, sağalanlara verilir.
Bu qaydaları pozan vətəndaşlar və müəssisə sahibləri böyük həcmdə cərimələrə məruz qalırlar.
Səhiyyə Nazirliyinin yeni bəyanatındaCOVID-pasportun alınması qaydalarında hər hansı dəyişiklikdən söhbət getmir və vaksinin üçüncü, buster dozası tam könüllüdür.
Azərbaycan, Ermənistan və Gürcüstanda COVID-19 infeksiyasının yayılması ilə bağlı vəziyyətlə burada tanış ola billərsiz.
Azərbaycanda vaksinasiya
İndi Azərbaycanda dörd preparatla vaksinasiyadan keçmək mümkündür – SinoVac, Pfizer, Sputnik V və AstraZeneca. AstraZeneca peyvəndini ancaq 60 yaşdan yuxarı vətəndaşlar vurdura bilər.
2021-ci il 10 oktyabra olan məlumata əsasən, ölkə əhalisinin 48,9 faizi vaksinin bir dozasını vurdurub. əhalinin 41,1 faizi tam vaksinasiyadan keçib.
