Azərbaycan hakimiyyəti tibbi göstəricilər və həkim tövsiyəsi əsasında koronavirusa qarşı vaksinin dördüncü buster dozasına icazə verib. Üçüncü dozaya qeydiyyat sistemi avtomatik olaraq vaksinin dördüncü dozasının tarixini müəyyən edir.
COVID-19 infeksiyasına qarşı vaksinin dördüncü buster dozası həkim tövsiyəsi və tibbi göstəricilər əsasında vurulur – Azərbaycan Nazirlər Kabineti yanında İcbari Tibbi Sığorta üzrə Dövlət Agentliyindən bildirilib.
“İki doza vaksin vurulandan altı ay sonra prqanizmin virusa qarşı müqaviməti azalır. Bu səbəbdən vaksinin üçüncü buster dozasının vurulması tövsiyə olunur. Bu tədbir bu xəstəliyə orqanizmin immunitetini gücləndirir”, – agentlikdən qeyd olunub.
Azərbaycanda koronavirusa qarşı peyvənd vurdurmaq üçün qeydiyyat mərkəzləşdirilmiş formada xüsusi yaradılmış portalda həyata keçirilir. Üçüncü buster dozasına qeydiyyat zamanı sistem bunu birinci dozaya qeydiyyat kimi göstərir və avtomatik ikinci (əslində isə dördüncü) dozanın vurulması üçün tarix təyin edir.
“Bundan çıxış edərək dördüncü dozanın vurulması üçün əlavə qeydiyyata ehtiyac yoxdur”, – qurumdan əlavə edilib.
COVID-19 infeksiyasının Azərbaycan, Ermənistan və Gürcüstanda yayılması ilə bağlı operativ vəziyyətlə buradan tanış olmaq mümkündür.
Azərbaycanda vaksinasiya
Azərbaycanda ölkə vətəndaşları dörd növ vaksin – Sinovac (Çin), Sputnik V (Rusiya), AstraZeneca (Cənubi Koreya) və Pfizer (ABŞ-Almaniya) vurdura bilər.
Oktyabrın 27-ə olan rəsmi məlumata əsasən, ölkədə mövcud vaksin növlərindən birinin hər iki dozasını vurduranlar əhalinin 43,5 faizini, ancaq bir doza vurduranlar isə 51,2 faizini təşkil edir.
