Azərbaycanda 16 yaşından vaksinasiyaya icazə verildi
Azərbaycanda istisna hallarda 16 yaşdan 18 yaşa qədər uşaqların koronavirusa qarşı vaksinasiyasına icazə verilib. Bunun üçün valideynlərin razılığı tələb olunur. Qeyd olunan yaşda yeniyetmələrə ölkədə mümkün olan dörd peyvənddən biri vurulacaq.
- Vaksinin bir, yoxsa iki dozası? Azərbaycanda yeni məhdudiyyətlər qüvvəyə minib
- Gürcüstan kilsəsinin yeparxiyası: din xadimlərinin vaksinasiyaya qarşı çağırışları yolverilməzdir
- Şəxsi vaksinasiya təcrübəsi – bütün təfərrüatları ilə. Ermənistandan videobloq
Azərbaycanın Səhiyyə Nazirliyi 16 yaşdan yuxarı uşaqların vaksinasiyasına başlamaq qərarı alıb. Amma hamısının yox və yalnız Pfizer peyvəndi ilə.
Nazirliyin mətbuat xidmətinin məlumatına əsasən, uşaqların vaksinasiyası istisna hallarda həyata keçliriləcək qeyd olunur ki, bu qərar qəbul edilərkən Azərbaycan hakimiyyəti hazırkı epidemioloji vəziyyəti, o cümlədən də Avropa Dərman Vasitələri Agentliyinin və Ərzaq Məhsulları və Dərmanlara Nəzarət üzrə ABŞ Administrasiyasının yeiyetmələrə Pfizer peyvəndinin vurulmasına rəsmi icazələrini nəzərə alıb.
16 yaşdan yuxarı və 18 yaşdan aşağı şəxslərin vaksinasiyası üçün valideynlərdən birinin səbəbin qeyd olunması ilə yazılı ərizəsi və hər iki valideynin yazılı icazəsi tələb olunur – Səhiyyə Nazirliyinin məlumatında deyilir.
Yeniyetmələrin vaksinasiyası ilə ancaq bir tibb müəssisəsi – Bakı Sağlamlıq Mərkəzi məşğul olacaq.
Ölkənin qalan vətəndaşları kimi yeniyetmələr də vaksinasiya üçün xüsusi yaradılmış randevu.its.gov.az portalında növbə tutmalıdırlar.
Səhiyyə Nazirliyindən həmçinin əlavə ediblər ki, xaricdə təhsil alan və xroniki xəstəlikləri olan 16-18 yaşlı ölkə vətəndaşlarına peyvənd vurulacaq.
Şərhlər
Bu xəbər sosial şəbəkələrin Azərbaycan seqmentində müzakirə mövzusuna çevrilib. Bir neçə xarakterik şərhi təqdim edirik:
“Mən özüm peyvənd vurdurmamışam. Uşağıma heç imkan vermərəm ki, bu mənşəyi məlum olmayan peyvənd vurulsun”.
“Uşağımın peyvənd nəyinə lazımdır ki, hətta xaricdə oxusa da? Axı getdiyi həmin ölkədə 18 yaşına qədər şəxslərdən vaksinasiya haqda arayış tələb olunmur”.
“Yaxşı qərardır. Ümid edirəm ki, tezlikdə 12 yaşdan yuxarı uşaqların da vaksinasiyasına icazə veriləcək. Onsuz da koronavirusa qarşı peyvənddən qaça bilməyəcəyik. Bu, bütün planetin bəlasıdır”.
Azərbaycanda vaksinasiya
Azərbaycanda ölkə vətəndaşları dörd növ peyvənd vurdura bilər – Sinovac (Çin), Sputnik V (Rusiya), AstraZeneca (Cənubi Koreya) və Pfizer (ABŞ-Almaniya).
Sentyabrın 7-i səhərə olan məlumata əsasən ölkə əhalisinin 28,8%-i peyvəndin hər iki dozasını vurdurub, ancaq bir dozanı vurduranlar isə 43,6%-dir.
