Azərbaycanda karantinin ləğvini tələb edirlər. Səhiyyə məmurları isə əbəs yerə sosial məsafə saxlamağı tövsiyə edirlər
Azərbaycanda virusun ikinci dalğası ərəfəsində baş epidemioloq vəzifəsindən istefa verib, sosial şəbəkədə aktivistlər “Karantin bitsin” şüarı ilə kampaniya başladıblar, eyni mövzuda açıq məktublar yazılır. Polis insanları maska taxmağa və məsafə gözləməyə məcbur edə bilmir.
Bununla belə koronavirusa yoluxanların sayı artmaqda davam edir. Mayda Azərbaycanda gündəlik yoluxmalar onlarla idi, iyunun əvvəlində 400-ə çatıb, iyulda isə 600-ü aşıb.
Xəstəxanalarda yer yoxdur, təcili yardım çağırışlara gəlmir, onlarla həkim virusa yoluxur – bu kimi xəbərlər Azərbaycanda dəyişməyən gündəmə çevrilib.
İyulun 9-a qədər Azərbaycanda cəmi 22,464 nəfər koronavirusa yoluxub, son sutka ərzində yoluxanların sayı 548 nəfər olub. Epidemiya başlayandan bəri 284 nəfər ölüb, 13 591 nəfər isə sağalıb.
Koronavirus testinin nəticəsini gözləyərkən xəstəxanaya yerləşdirilmədən doğmalarını itirən vətəndaşlar da az deyil.
İnsanlar nədən narazıdır?
“Heç nədən xəbərim yoxdur, kənddə oturmuşam, nə televizorum, nə internetim var.
Mən baş epidemioloq olanda nə olar?! Yas yerinə gəlmişəm”.
2020-ci il iyulun 8-də, səs yazısı yayılandan bir neçə gün sonra baş epidemioloq İbadulla Ağayev istefa verib.
Baş epidemioloq vəzifəsi formal olsa da, sosial şəbəkələrdə yayılan şərh insanların qəzəbinə səbəb olub.
Əsas ictimai qınaq obyekti isə Tibbi Ərazi Bölmələrinin İdarəetmə Birliyi (TƏBİB) və Operativ Qərargahdır (OQ).
TƏBİB-i tənqid edən jurnalist və bloger Azər Qəribin statusunu 20 mindən çox istifadəçi bəyənib və 10 min dəfə təkrar paylaşılıb.
“Bəli, payızda daha da pis olacaq” – Azərbaycanda jurnalistin açıq məktubunda hakimiyyətin Azərbaycandakı pandemiyaya məsuliyyətsiz münasibətindən bəhs olunur.
Azər Qəribin koronavirusla mübarizədə irəliləyiş olmadığı, hakimiyyət orqanlarının hərəkətlərindəki məsuliyyətsizliklə bağlı yazdığı açıq məktubu 20 mindən çox insan bəyənib
Bir müddət əvvəl başqa bir jurnalist Seymur Kazımovun atasını koronavirus testi etmədən xəstəxanaya yerləşdirməkdən imtina edilməsiylə bağlı bir açıq məktub müzakirə mərkəzində idi.
Seymur Kazımov TƏBİBi atasının ölümündə məsuliyyətli olduğunu qeyd edib. Digər oxşar hadisələr mütəmadi olaraq sosial şəbəkədə görünür.
Azər Qəribin koronavirusla bağlı mübarizədə heç bir irəliləyişin olmadığı, hakimiyyət orqanlarının arasında koordinasiyanın qurulmadığı haqda sözləri 18 mindən çox bəyənilib
Bundan bir qədər əvvəl koronavirus testinin nəticəsi gələnə qədər xəstəxanaya qəbul edilmədiyi üçün atası vəfat edən tanınmış jurnalist Seymur Kazımovun açıq məktubu diqqət mərkəzinə gəlmişdi.
Kazımov atasının ölümünə görə məsuliyyətin TƏBİB-in üzərində olduğunu bildirmişdi. Buna bənzər hekayələr sosial şəbəkələrdə tez-tez yayılır.
Azərbaycanlı jurnalist Seymur Kazımov açıq məktubda koronavirusla mübarizə aparan dövlət qurumunu atasının ölümündə ittiham edir
Nazirlər Kabineti yanında Operativ Qərargahın tətbiq etdiyi ardıcıl olmayan və effektsiz tədbirlər tənqid edilir – bu struktur karantini gah yumşaldıb, gah sərtləşdirir.
Sosial təması azaltmalı olan tədbirlər çox vaxt bu təması daha da artırır.
Məsələn ilk karantin tədbirində metro ancaq 4 saat işləyirdi, bu da dəhşətli tıxac əmələ gətirirdi.
Bir çox tədbirlər qısamüddətli, bir növ eksperiment kimi tətbiq olunurdu – ikigünlük lokdaun kimi, bu zaman hətta apteklər də işləmirdi və evdən yalnız həyati təhlükə olduğu zaman çıxmaq mümkün idi.
2020-ci il iyunun 21-dən Bakı və Azərbaycanın bir neçə digər şəhər və rayonunun sakinləri faktiki evlərinə qapadılıblar. Onlar evdən yalnız ərzaq almaq və ya həkimə getmək üçün sms-icazə ilə iki saatlıq çıxmaq mümkündür. Beş nəfərdən artıq bir yerdə toplana bilməz.
Qaydaların pozulmasına görə 200 manat [117 dollara yaxın] cərimə təyin olunub – bu, dövlətin karantin üzündən işini itirənlər üçün təyin etdiyi 190 manatlıq kompensasiyadan daha çoxdur.
Bu “yardım” da tənqid mövzusuna çevrilib, çünki bunu ehtiyacı olan heç də hər kəs ala bilməyib. Üstəlik bu məbləğlə Azərbaycanda bir ay dolanmaq mümkün deyil.
Hakimiyyət nə deyir?
Aprel ayında hökumət yoluxma hallarının azaldığı, hər gün təxminən 40-a düşdüyü üçün hökumət karantin rejimini bir qədər yumşaltdı, metronun fəaliyyəti bərpa edildi.
Hakimiyyətyönlü mediada prezidentin ünvanına təşəkkür məktubları və video-müraciətlər yayılmağa başladı. Məmurlar koronavirus üzərində qələbə çalındığını bəyan edərək İlham Əliyevə minnətdarlıq bildirdilər.
Karantin rejiminin yumşalmasından sonra virusa yoluxanların sayı artdığı zaman isə dövlət qurumlarının nümayəndələri, eləcə də dövlət başcısı vətəndaşların virusa inanmadığını və məsuliyyətsiz yanaşdığını əsas gətirərək vəziyyətin pisləşməsində onları günahlandırdılar.
Sumqayıtda qoruyucu kombinezonların istehsalı müəssisəsinin açılışında İlham Əliyev deyib:
“Vətəndaşlar bir çox hallarda məsuliyyətsizlik göstərirlər, onlara tövsiyə olunan qaydalara əməl etmirlər, maska taxmırlar, məsafə saxlamırlar, dezinfeksiya vasitələrindən istifadə etmirlər. Beləliklə, öz həyatlarını və onlarla təmasda olan yüzlərlə insanın həyatını risk altına atırlar”.
“Kim qorxmursa, yoluxmayacaq”
Bir çox Azərbaycan sakinləri karantin tədbirlərinin ən başından hakimiyyətlə əməkdaşlıq etmək istəməyib. Əsasən də sosial məsafəni gözləmək və qaydalara ciddi yanaşmaq tələbi ilə bağlı.
Bakı küçələrində keçirilən sorğu zamanı respondentlərdən bunları eşitmək olar: “kim qorxmur, o yoluxmaz” və “Azərbaycanda virusun olduğuna inanmıram”.
Nəqliyyatda və mağazalarda insanlar nadir hallarda maska taxır və məsafə gözləyir.
Vaxtaşırı olaraq hələ də karantin pozucularını yaxalamağa çalışan polislə toqquşmalar baş verir.
“İkigünlük lokdaunların” birində bu cür toqquşmanın ardınca 11 nəfərin kobud şəkildə həbsi ilə nəticələnən cəza əməliyyatı həyata keçirilib.
- Polis reydləri, aqressiya və depressiya – Azərbaycanda “həftəsonu karantini” necə keçdi?
- “Yaşa Azərbaycan – yaşa Azərbaycan polisi” Bakı Polisi qurama flaşmob təşkil edib?
Baş Dövlət Yol Polisi İdarəsinin Yol Patrul Xidmətinin şöbə rəisi Kamran Əliyev bildirib ki, koronavirusla mübarizə müddətində karantin rejimini pozanlar 70 min nəfərdən çoxdur.
Cərimələrə və küçələrdəki motivasiya plakatlarına, evdən çıxmaq üçün sms-icazə alınması məcburiyyətinə və digər əzablı məhdudiyyətlərə baxmayaraq, əksər yerli sakinlər karantini yan ötmək üçün vasitələr axtarmaqdadır.
Mediada mütəmadi olaraq polisin “yeraltı” kafe və ya qanunsuz toplantılar aşkar etməsi haqda məlumatlar yayılır.
