Amerika nəşri gürcü filmini 2017-ci ilin ən yaxşı filmləri siyahısına daxil edib

The Wrap Amerika nəşri Rejissorlar NanaEkvtimişvili və Simon Qrossun çəkdiyi “Mənim xoşbəxt ailəm” gürcü filmini 2017-ci ilin ən yaxşı filmləri siyahısına daxil edib.

12 filmin yer aldığı reytinq nəşrin redaktoru Alonso Duuralde tərəfindən tərtib edilib. “Mənim xoşbəxt ailəm” filmi 10-cu yeri tutub.

Reytinqdə birinci yeri italyan rejissor Luka Quadaninonun “Mən öz adınla çağır” (Call Me by Your Name). İkinci sırada amerikalı rejissor Qreta Qervinqin yeniyetmə qızın yetkinləşməsindən bəhs edən “Ledi Berd” (Lady Bird) filmi yer alıb.

Üçüncü yeri “Qızıl Qlobus” mükafatına nominasiyaların sayına görə liderlik edən rejissor Qilyermo del Toronun soyuq müharibə dövrünə aid “Suyun forması” (The Shape Of Water) fentezi melodramik trilleri tutub. Ən yaxşı filmlərin beşliyinə britaniyalı rejissor Lone Şerfinqin “Onların ən yaxşı anı” (Their Finest) və amerikalı rejissor Cordan Pilin “Uzaqlaşmaq” filmləri daxildir.

• Gürcüstan və Almaniyanın müştərək istehsalı olan “Mənim xoşbəxt ailəm” filmi rejissorlar Ekvtimişvili və Qrossun ikinci birgə işidir. Filmin premyerası 2017-ci il yanvarın 22-də “Sandens” Beynəlxalq Kinofestivalı çərçivəsində baş tutub və film tənqidçilərdən yüksək qiymət alıb. O zamandan bəri film müxtəlif beynəlxalq kinofestivallarda mükafatlar qazanıb.

• “Mənim xoşbəxt ailəm” filmi üç nəsli təmsil edən bir ailədən bəhs edir. Filmin əsas qəhrəmanı 52 yaşlı gürcü dili və ədəbiyyat müəlliməsi Marina Mxeidze (aktrisa İya Şuqliaşvili) günlərin birində öz yeknəsəq həyatını kökündən dəyişmək və ailəsini tərk etmək, yetkin övladlarını və əri Sosonu (aktyor Merab Ninidze) qoyub getmək qərarına gəlir. Marinann məşuqu və ya başqa gizli motivi yoxdur, o sadəcə sakit bir yerə gedib, kitab oxumaq, bitməyən analıq və qadınlıq vəzifələrindən azad olmaq və sadəcə özü ilə baş-başa qalmaq istəyir.