Ermənistanın baş naziri fransız kanalına müsahibəsində istefa vermək niyyətində olduğunu bildirib

“Frans 24” telekanalına müsahibəsində Ermənistanın baş naziri Nikol Paşinyan bildirib ki, oktyabrın 16-dək istefa verməyə hazırlaşır.

«Əslində, mən ilkin olaraq deyə bilərəm ki, növbədənkənar parlament seçkiləri bir neçə gün xətası ilə 9-10 dekabrda keçiriləcək. Bu səbəbdən də, mən oktyabrın 16-dək istefa verməliyəm».

Baş nazirin tərəfdarları onun istefasına qarşı çıxırdılar, belə ki, onların gümanına görə, bundan sonra keçmiş iqtidar Respublikaçılar Partiyası əvəz çıxaraq yenidən hakimiyyətə gələ bilər. Və bu müsahibəyə kimi Paşinyanın istefaya gedəcəyi ilə bağlı əminlik yox idi.

Paşinyan nəyə görə istefaya gedir

Nikol Paşinyanın istefa vermək qərarı növbədənkənar parlament seçkilərinin keçirilməsi istəyi ilə bağlıdır. İstefa Milli yığıncağın buraxılması prosesinin başlanğıcı deməkdir.

Ermənistan Konsitusiyasına görə, əgər dövlət başçısının istefasından sonra iki həftə ərzində ölkə deputatları yeni baş naziri seçə bilməzlərsə, parlament buraxılır və yeni parlament seçkiləri təyin edilir. Onlar baş nazirin istefasından 30 gündən tez və 45 gündən gec olmayaraq keçirilməlidir.

Növbədənkənar seçkilər zərurəti niyə yarandı

İş burasındadır ki, yazdan başlayaraq Ermənistan bütünlüklə dövlət idarəçiliyinin parlament sisteminə keçib. Lakin bundan dərhal sonra ölkədə məxməri inqilab baş verib. Hakimiyyətə parlamentdə çoxluğa malik olmayan siyasi qüvvə gəlib. Onun lideri Nikol Paşinyan hökumətə başçılıq edir, lakin parlamentin onun qərararını ləğv etmək imkanı mövcuddur.

Ümumilikdə, ekspertlər ölkədəki vəziyyəti bu cür qiymətləndirirlər: “parlament xalqın iradəsini əks etdirmir”. Bu nəticə ona əsaslanır ki, 2017-ci ilin parlament seçkilərində Ermənistan Respublikaçılar Partiyası qalib gəlib. Lakin 2018-ci ilin yazında məxməri inqilabın gedişində müxalifətlə birgə küçələrə çıxmış on minlərlə insan onun hakimiyyətinə qarşı çıxdı.

Seçkilər ətrafında mübahisələr

Növbədənkənar parlament seçkilərinin keçirilməsi zərurətini bütün siyasi qüvvələr tanıyır.

Lakin Nikol Paşinyan onların 2018-ci ilin dekabr ayının birinci yarısında keçirilməsinə çalışır. Ölkə parlamentinin dörd fraksiyasından üçü əvvəlcədən buna qarşı çıxıb.

Keçmiş iqtidar Respublikaçılar Partiyasının təşəbbüsü ilə hətta parlamentdə Milli yığıncağın buraxılmasını qeyri-mümkün edən qanun layihəsi qəbul edilib. Bu çoxminlik mitinqə və ölkədə siyasi böhrana gətirib çıxarmışdı. Nikol Paşinyanın çağırışı ilə insanlar küçələrə çıxmış və parlamentin binasını mühasirəyə almışdılar. Onlar yenidən “inqilabçı” baş naziri dəstəkləmişdilər.

Bundan sonra baş nazirin parlament gücləri ilə danışıqları başladı və bu “Çiçəklənən Ermənistan” partiyasının lideri ilə dekabrda növbədənkənar parlament seçkilərinin keçirilməsi haqqında memorandumun imzalanması ilə başa çatdı. Seçkilərin keçirilməsi tarixi ilə əlaqədar Daşnaksütun partiyasının deputatları, həmçinin Respublikaçılar Partiyasının onlarla deputatı şifahi razılıq verdilər.

Bu faktiki olaraq o deməkdir ki, baş nazir lazım olan qədər səs əldə etdi və dekabrda seçkilərin keçirilməsi üçün hər hansı maneə qalmır.

Nəyə görə məhz dekabrda

Növbədənkənar parlament seçkilərinin dekabrda keçirilməsi qərarını Nikol Paşinyan iqtisadi səbəblərlə izah edir. Baş nazir deyir ki, investorlar Ermənistanda sabitliyi gözləyirlər, biznes üçün əlverişli şərait isə yalnız seçkilərin keçirilməsindən sonra bərqərar ola bilər.

Politoloqlar və Nikol Paşinyana qarşı çıxanlar burada reytinqin çox yüksək olmasından istifadə edərək qanunverici hakimiyyəti öz əlinə almaq cəhdini sezirlər. Bir neçə həftə öncə Yerevan Ağsaqqallar Şurasına, başqa sözlə, paytaxt parlamentinə seçkilər nümayiş etdirdi ki, Nikol Paşinyanın reytinqi çox yüksək səviyyədə qalmaqda davam edir. Onun dəstəklədiyi “Mənim addımım” bloku seçicilərin səslərinin 80 faizindən çoxunu qazandı və Yerevan meri postunu özününküləşdirdi.

Baş nazirə qarşı çıxanlar nəyə ümid edirlər

Keçmiş hakim partiya və onun tərəf müqabilləri iddia edirlər ki, seçkilərə hazırlaşmaq və ədalətli seçkilərin keçirilməsi üçün müəyyən qanunverici baza yaratmaq lazımdır. Və seçkilərin gələn ilin may ayına təxirə salınması istəyi məhz bununla izah olunur.

Lakin Ermənistan politoloqları güman edirlər ki, burada məqsəd hazırkı baş nazirin reytinqinin aşağı düşəcəyinə ümidlə bağlıdır. İş burasındadır ki, korrupsiya ilə mübarizəyə və hazırkı hakimiyyətin digər müsbət addımlarına baxmayaraq, insanların sosial vəziyyəti dəyişmir.