Ռուսաստանը մարդասիրական օգնություն է ուղարկել Ադրբեջանի սահմանամերձ գոտի

Շինանյութով, տեխնիկական և կենցաղային սարքավորումներով բեռնված ինը վագոն․ Ռուսաստանից ուղարկված հերթական մարդասիրական օգնությունն Ադրբեջանի ԱԻՆ-ն ընդունել է Բարդայի շրջանում։

• Հայաստանի ընդդիմությունն առաջարկում է ռուսական ևս մեկ ռազմաբազա ստեղծել
• Լեռնային Ղարաբաղ․ ի՞նչ է սպասվում «նոր» ու «հին» փախստականներին

Ռազմական գործողություններից հետո Ռուսաստանն ընդհանուր առմամբ Ադրբեջան է ուղարկել հումանիտար օգնությամբ բեռնված 54 վագոն և 25 բեռնատար։

Այն նախատեսված է մարտական գործողություններից դուրս գտնվող գոտու բնակավայրերում վերանորոգման աշխատանքների և խաղաղ բնանկիչների գույքի վերականգնման համար, որը տուժել է արցախյան երկրորդ պատերազմի ժամանակ արկակոծությունից և հրթիռակոծությունից։

Արցախում 2020թ․ սեպտեմբերի 27-ից նոյեմբերի 10-ը տևած ռազմական գործողությունների ժամանակ Ադրբեջանի սահմանամերձ գոտում զոհվել է 100 խաղաղ քաղաքացի, ևս 416 մարդ վիրավորվել է։

Արցախյան երկրորդ պատերազմը, որը տևել է 44 օր, դադարեցվել է Հայաստանի վարչապետի, Ադրբեջանի և Ռուսաստանի նախագահների ստորագրած եռակողմ հայտարարությամբ։ Լեռնային Ղարաբաղի՝ հայկական կողմի վերահսկողության տակ գտնվող հատված են մտցվել ռուսական խաղաղապահ ուժեր։ Ռուս խաղաղապահները վերահսկում են նաև Լաչինի միջանցքը՝ միակ ճանապարհը, որը կապում է մայրաքաղաք Ստեփանակերտը Հայաստանի տարածքի հետ։