Մարտեր Արցախում։ 2020 թ-ի հոկտեմբերի 3-ի ռեպորտաժները, տեսանյութերը, լուսանկարները

Հայաստանի և Արցախի պատգամավորները փոխանակվել են «թուրք-ադրբեջանական ագրեսիայի հետևանքով ստեղծված ռազմական, քաղաքական և դիվանագիտական իրավիճակի վերաբերյալ» տեղեկատությամբ,- հայտնում է Հայաստանի ԱԺ մամուլի ծառայությունը։

Նիկոլ Փաշինյանը ելույթ է ունեցել ուղիղ եթերով: Ժողովրդին ուղղված նրա կոչի հիմնական կետերը.

— Ադրբեջանի և Թուրքիայի հարձակման մասշտաբներն աննախադեպ են: Փորձագետների գնահատականներով՝ 21-րդ դարում այսպիսի բան դեռևս չի եղել

— Արդեն մեկ շաբաթ հայ ժողովուրդը պայքարում է ագրեսորի դեմ

— Հարյուրավոր տանկեր, ռազմական տեխնիկա, հրթիռներ, ինքնաթիռներ, ԱԹՍ-ներ գրոհում են արցախյան դիրքերը

— Ռազմական գործողություններին մասնակցում է Թուրքիան, թուրքական հրամանատարությունը ներգրավված է ռազմական գործողություններին: Կոնֆլիկտին ներգրավված են նաև Մերձավոր Արևելքից վարձկաններ և ահաբեկիչներ

— Կան բազմաթիվ զոհեր զինվորական և խաղաղ բնակչության շրջանում

— Բայց հակառակորդը այդպես էլ ի վիճակի չի եղել լուծել որևէ ռազմավարական խնդիր

— Ադրբեջանը կորցրել է մի քանի հազար զինվորական, շփման գծի ողջ երկայնքով նրանց դիակներն են

— Որոշ ուղղություններով մեր զորքերի դրությունը ծանր է, բայց բանակը հերոսաբար է պայքարում

— Ագրեսորը եկել է ոչ թե միայն տարածքների համար, նրանց նպատակը ժողովրդին ոչնչացնելն է, հայերի ցեղասպանությունը շարունակելը

— Մի քանի րոպե առաջ Արցախի Պաշտպանության բանակը իրականացրել է հակահարձակողական գործողություններ

— Հայաստանի և Արցախի յուրաքանչյուր քաղաքացի պարտավոր է ինքն իրեն նվիրել մեկ նպատակի, և այդ նպատակի անունն է Հաղթանակ

«Մեզնից յուրաքանչյուրը պետք է պատրաստ լինի գտնվելու այդ հաղթանակի առաջնագծում: Հաղթանակ, միայն հաղթանակ և անպայմանորեն հաղթանակ. սա այն է, ինչին մենք սպասում ենք արդյունքում»,- այս խոսքերով ավարտեց իր ելույթը Հայաստանի վարչապետ Նիկոլ Փաշինյանը:

Հայաստանի ազգային անվտանգության ծառայությունը տեսանյութ է տարածել, որում ​​ներկայացվում են ադրբեջանական կողմից ռազմական գործողություններին մասնակցող Մերձավոր Արևելքից եկած վարձկանների միջև խոսակցությունների ձայնագրությունները: Դրանք ուղեկցվում են հայերեն, ռուսերեն և անգլերեն լուսագրերով: Նույն տեսանյութում ներկայացված են հայկական հատուկ ծառայությունների ձեռքի բերած ապացույցները ռազմական գործողություններին թուրքական կողմի մասնակցության վերաբերյալ:

«Աշխարհը նախկինի նման ականատես է լինում դաժան գրոհների Լեռնային Ղարաբաղի դեմ. Ադրբեջանը հրթիռային և հրետանային կրակի է ենթարկել նրա մայրաքաղաք Ստեփանակերտը: Լեռնային Ղարաբաղը պատերազմում է միջազգային ահաբեկչության դեմ: Հայ ժողովրդին վտանգ է սպառնում: Այն սպառնում է նաև համաշխարհային խաղաղությանը և անվտանգությանը: Եթե տեղի ունեցողը այսօր չկանգնեցվի, այս իրավիճակը կարող է ծագել այլ վայրերում: Այսօր նշանառության տակ են մեր երեխաները, վաղը կարող են ձերը լինել», — ֆեյսբուքյան իր էջում գրել է Հայաստանի ֆուտբոլի հավաքականի ավագ Հենրիխ Մխիթարյանը՝ նշելով, որ կրակի տակ է նաև Հայաստանի տարածքը:

Նախարարությունն իր կոչը բացատրում է Ղարաբաղի քաղաքացիների կյանքի ու խաղաղ զարգացման իրավունքներն ապահովելու անհրաժեշտությամբ:

«Ստեղծված պայմաններում Արցախի միջազգային ճանաչումը տարածաշրջանում խաղաղության և անվտանգության վերականգնման միակ արդյունավետ մեխանիզմն է»:

ԼՂ ԱԳՆ հայտարարության մեջ նաև ասվում է, որ 2020-ի սեպտեմբերի 27-ից Ադրբեջանի զինված ուժերը՝ Թուրքիայի և Մերձավոր Արևելքի ահաբեկչական կազմակերպությունների աջակցությամբ, սանձազերծել են հարձակողական պատերազմ. Ադրբեջանի կողմից լայնամասշտաբ զինված հարձակումն ուղեկցվում է միջազգային հումանիտար իրավունքի լուրջ խախտումներով:

«Մասնավորապես, թուրք-ադրբեջանական զինված կազմավորումները դիտավորյալ կրակում են Արցախի քաղաքների, գյուղերի և քաղաքացիական օբյեկտների ուղղությամբ՝ նպատակ ունենալով ահաբեկել և ոչնչացնել խաղաղ բնակչությանը: Նրանց հանցավոր գործողությունների արդյունքում խաղաղ բնակիչների շրջանում բազմաթիվ զոհեր կան»:

ՀՀ պաշտպանության նախարարության մամուլի խոսնակ Շուշան Ստեփանյանը Facebook-ի իր էջում հայտնում է․

«ԱՀ պաշտպանության բանակին հաջողվել է կասեցնել այսօր հակառակորդի ձեռնարկած լայնածավալ հարձակումը։ Ուղղություններից մեկով մեր ուժերը հակահարձակման են անցել։ Մնացած թևերում պաշտպանական ծանր մարտեր են ընթանում»։

Այս մասին հաղորդում է ռազմական փորձագետ Արծրուն Հովհաննիսյանը: Facebook-ի իր էջում նա տեղադրել է արկի լուսանկարը թուրքական գրառմամբ: Կութ գյուղը գտնվում է Հայաստանի Վարդենիսի շրջանում: 

Սեպտեմբերի 29-ին պաշտոնական Երևանը արդեն հաղորդեց այն մասին, որ Ադրբեջանը թուրքական անօդաչուով հարված է հասցրել  հայկական Վարդենիսին:

Ադրբեջանը ԶՈՒ հեռահար խոցման միջոցներով անցել է քաղաքացիական այն ենթակառուցվածքների ոչնչացմանը,որոնք կարող են նաև բնապահպանական աղետ առաջացնել, — Facebook-ում գրել է ռազմական փորձագետ Արծրուն Հովհաննիսյանը:

Հոկտեմբերի 3-ի առավոտյան հայտնի դարձավ, որ Ադրբեջանը հրթիռային հարվածներ է հասցրել Ստեփանակերտին:

«Բաքուն խախտում է պատերազմի բոլոր գրված և չգրված օրենքները: Հակառակորդը հիմա օգտագործում է իր ողջ զինանոցը՝  հրթիռային զենքեր, ավիացիա, հրետանի: Գործնականում դաժան մարտեր են ընթանում ռազմաճակատի ողջ երկայնքով», — հաղորդել է Արցախի պաշտպանության բանակի ներկայացուցիչ Սուրեն Սարումյանը:

Մինսկի խմբի համանախագահներն ընդգծում են, որ արտաքին կողմերի ներգրավվածությունն էսկալացիային՝ խաթարում է տարածաշրջանում խաղաղության հասնելու ջանքերը: Նրանք կոչ են անում «անհապաղ դադարեցնել ռազմական գործողությունները և վերսկսել բովանդակային բանակցությունները բարեխղճորեն և առանց նախապայմանների»:

Հայտարարության մեջ նաև ասվում է.

 «Համանախագահները խստորեն դատապարտում են Ղարաբաղյան հակամարտության գոտում շարունակվող բռնությունները, ինչպես նաև Հայաստանի և Ադրբեջանի՝ շփման գծից հեռու գտնվող քաղաքացիական օբյեկտների դեմ ուղղված հարձակումները և անհանգստություն հայտնում խաղաղ բնակչության շրջանում զոհերի թվի աճի մասին հաղորդագրությունների կապակցությամբ: Քաղաքացիական անձանց դեմ հարձակումները կամ սպառնալիքներն անընդունելի են ցանկացած պարագայում»:

Իրավիճակը սահմանում մնում է լարված: Գիշերվա ընթացքում սահմանի տարբեր ուղղություններում հակառակորդի մարտական ​​գործողությունները ճնշվել են ու ջախջախիչ հարված հասցվել նրան, հայտնում են Ադրբեջանի ՊՆ մամուլի ծառայությունից:

 «Դաժան մարտերը շարունակվում են ռազմաճակատի ողջ երկայնքով»,- նշել են Պաշտպանության նախարարությունից:

Արայիկ Հարությունյանը հայտարարել է, որ զորքի հետ մեկնում է առաջնագիծ հայրենիքի պաշտպանության համար:

«Ավելի օգտակար կլինեմ ճակատում, քան թիկունքում: Սա սուրբ պատերազմ է»:

Նա կոչ է արել բոլորին անհապաղ ոտքի կանգնել հայրենիքի պաշտպանության համար:

Հեռախոսազրույցի ընթացքում Ֆրանսիայի ղեկավարը մտահոգություն է հայտնել Լեռնային Ղարաբաղում առաջնագծում շարունակվող մարտերի կապակցությամբ, կոչ է արել զինադադար հաստատել և շուտափույթ վերսկսել բանակցային գործընթացը:

Ի պատասխան Ալիեւը հայտարարել է, որ Ադրբեջանի բնակավայրերը հրթիռակոծության են ենթարկվում, որի արդյունքում զոհվել է 19 խաղաղ բնակիչ, վիրավորվել է ավելի քան 60 մարդ, ավերվել են հարյուրավոր տներ:

Իլհամ Ալիևը ասել է, որ ադրբեջանական բանակն իրականացնում է հակագրոհ և օկուպացումից ազատագրել է միջազգայնորեն ճանաչված իր տարածքի մի մասը:

Նա նաև նշել է, որ խաթարելով բանակցային գործընթացը, Հայաստանը շոշափելի հարված է հասցրել հակամարտության լուծման խաղաղ գործընթացին: Ալիևը շփման գծում լարվածության աճի ողջ պատասխանատվությունը դրել է հայկական կողմի վրա:

• Սկսվեց ռազմական գործողությունների յոթերորդ օրը Ղարաբաղում:
• • Հայ սպանված զինվորների ընդհանուր թիվը հասել է 156-ի: Քանի ադրբեջանցի զինվոր է մահացել՝ չի հաղորդվում: Միակ տեղեկությունը մնում է սեպտեմբերի 27-ին հրապարակված «Խազար» կենտրոնի հաղորդագրությունը՝ 11 զոհ զինվորականների շրջանում: Փորձագետները ենթադրում են, որ շատ զինվորներ են զոհվել՝ հաշվի առնելով մարտերի ինտենսիվությունը, որոնք շարունակվում են արդեն յոթ օր:
• • Երկու կողմից կան զոհված տասնյակ խաղաղ բնակիչներ:
• • Ադրբեջանը հայտարարել է, որ իր բանակը հսկողություն է սահմանել Ղարաբաղի Մատաղիս գյուղի վրա:
• Ադրբեջանի զինված ուժերը հոկտեմբերի 2-ին ամբողջ օրը շատ ծանր հրթիռային հարվածներ են հասցրել Ղարաբաղի մայրաքաղաք Ստեփանակերտի վրա: Բազմաթիվ շենքեր վնասվել են, տեղի տասնյակ  բնակիչներ վիրավորվել են (ուղիղ ֆոտոռեպորտաժ Ստեփանակերտից հոկտեմբերի 2-ին):
• • Հայաստանը Ղարաբաղ մեկնելու սահմանափակումներ է մտցրել. հնարավոր է տեղափոխել միայն մարդասիրական օգնություն:
• • Կրկին տեղի են ունեցել քաղաքների և գյուղերի փոխադարձ հրետակոծություններ Հայաստանի և Ադրբեջանի տարածքում, և ոչ միայն Ղարաբաղում:
• • Երկու երկրների իշխանությունները կրկին հայտարարել են, որ մեկը մյուսին են համարում ողջ պատասխանատուն ռազմական գործողությունների բռնկման համար:
• Երկու երկրներն էլ միմյանց մեղադրում են օտարերկրյա վարձկան զինյալներ ներգրավելու մեջ, և յուրաքանչյուրը հերքում է իր կողքին օտարերկրյա ռազմական անձնակազմ ունենալը:

• Նորություններ, լուսանկարներ/տեսանյութեր 2020 թ-ի հոկտեմբերի 2-ին Ղարաբաղում ընթացող ռազմական գործողություններից