Լոնդոնում հարյուր հազարվոր մարդիկ են բողոքում Եվրամիությունից Բրիտանիայի ելքի դեմ և Brexit-ի վերաբերյալ նոր հանրաքվե պահանջում
Լոնդոնում բազմահազարանոց ցույց է կայացել, որի մասնակիցները պահանջել են Եվրամիությունից երկրի ելքի հարցով նոր հանրաքվե անցկացնել, դա մի ակցիա է, որն արդեն Brexit հայտնի անվանումն է ստացել:
Ինչպես գրում է բրիտանական Guardian թերթը, ակցիային մասնակցել է ավելի քան 600 հազար մարդ, ինչն այն դարձնում է Իրաքի պատերազմից հետո՝ վերջին 10 տարում, Մեծ Բրիտանիայում բողոքի ամենախոշոր բողոքի ցույցը:
Ո՞րն է Brexit-ի էությունը: Առաջին հանրաքվեի մասին
2016թ-ի մայիսին Մեծ Բրիտանիայում Եվրամիությունից երկրի դուրս գալու վերաբերյալ հանրաքվե անցկացվեց: Դրանում նվազագույն առավելությամբ հաղթեցին այդ կազմակերպությունը լքելու կողմնակիցները:
Ինչպես ցույց տվեցին սոցիոլոգիական հետազոտությունները, ելքի օգտին այն ժամանակ քվեարկել են հիմնականում տարեցները, որոնք պահպանողական հայացքներ ունեն: Դեմ են քվեարկել հիմնականում երիտասարդներն ու բնակչության տնտեսապես ակտիվ մասը:
Այդ օրվանից Եվրամիության և Մեծ Բրիտանիայի միջև բաժանվելու պայմանների մասին բանակցություններ են ընթանում, որոնք այժմ փակուղում են:
Ո՞ր հարցի շուրջ չեն կարողանում պայմանավորվել Բրիտանիան և Եվրամիությունը
Եվրամիությունն ու Մեծ Բրիտանիան չեն կարողանում պայմանավորվածության գալ երկու հիմնական հարցի շուրջ.
• Ինչպե՞ս են երաշխավորվելու Եվրամիության անդամ-երկրների՝ Մեծ Բրիտանիայում բնակվող քաղաքացիների և Մեծ Բրիտանիայի՝ ԵՄ երկրներում բնակվող քաղաքացիների իրավունքները:
• Ի՞նչ անել Հյուսիսային Իռլանդիայի (Մեծ Բրիտանիայի մաս է կազմում) և Իռլանդիայի Հանրապետության սահմանը, որը Եվրամիության անդամ է:
Ի՞նչ են խոսել Լոնդոնում խորհրդարանի դիմացի հրապարակում հոկտեմբերի 20-ին կայացած ցույցի կազմակերպիչներն ու մասնակիցները, այսինքն նրանք, ովքեր կողմ են Բրիտանիայի և Եվրամիության հետագա միությանն ու դեմ են Brexit-ին:
«Լիբերալ դեմոկրատներ» կուսակցության առաջնորդ Վինս Քեյբլ. «Սա ողբերգություն է, որում մեր երկիրը բաժանվել է սերունդների»:
«Կանաչների կուսակցության» ներկայացուցիչ Քերոլայն Լուկաս. «[Բրեքսիթը] մեր շատ աղքատ համայնքներն էլ ավելի աղքատ և անզոր կդարձնի: Մենք պետք է քվեարկենք ժողովրդի օգտին, սակայն մենք պետք է նաև վերածրագրավորենք տնտեսությունը, որը հիմնված է անհավասարության վրա»:
Պահպանողական կուսակցության պատգամավոր Աննա Սոբորի. «Արդեն պարզ է, որ մենք շատ ենք, և մենք մեզ վրա կվերցնենք պատասխանատվությունն ու կարգի կբերենք այս խառնաշփոթը»:
Բողոքի ակցիային կարգախոսներ կային, որ կոչ էին անում վարչապետի պաշտոնի համար առաջադրել «Observer» պարբերականի լրագրող Քերոլ Քադվալլադրին: Brexit-ի թեմայով նրա հոդվածների շարքը հանգեցրել է Facebook-ի արժեթղթերի անկմանը:
Երգիծական թոք-շոուի հաղորդավար Դոմ Ջոլին Twitter-ի իր էջում տեղադրել է Լոնդոնի լուսանկարն՝ արված բարձրությունից, որում երևում են փողոց դուրս եկած հարյուր հազարավոր մարդիկ, և կատակել է այդ առթիվ՝ նկատի ունենալով բրիտանական մայրաքաղաքում վերջերս հնչած ազգայնական ելույթները.
«ՈՉ ռասիստների հսկայական բանդան դուրս է եկել Լոնդոնի փողոցներ, վանկարկում է ՈՉ ռասիստական կարգախոսներ և ՉԻ հետապնդում արտասահմանցիներին»:
Guardian-ի լրագրողները խոսել են ցույցի բազմաթիվ մասնակիցների հետ: Նրանց մեծ մասը խոսել է Իռլանդիայում փխրուն խաղաղության համար վտանգի, տնտեսության համար սպառնալիքի և ԼԳԲՏ-համայնքի ռիսկերի մասին: Ահա մի քանի տիպիկ մեկնաբանություն.
Մեթյու Քուք, 28 տարեկան. «Brexit-ն աշխատատեղեր չի տա, չի օգնի պաշտպանել աշխատողների իրավունքները, երկրի բնակիչներին ֆինանսական եկամուտներ չի բերի»:
60-ամյա Պյոտրը Քրուլիից. «Արդյո՞ք նորմալ երկիրը կարող է հրաժարվել խաղաղության պայմանագրից [պոտենցիալ կոնֆլիկտի գոտում]: Չի կարելի թույլ տալ Իռլանդիայում որևէ խիստ սահման: Ես հիշում եմ 1970-ականների խռովությունը: Մարդիկ շատ վաղ մոռացան այն ժամանակ ստորագրված համաձայնագրի մասին»:
Ջեյսոն Գիլլոթը, որը 43 տարեկան է, ասաց, որ հանրաքվեի ժամանակ կողմ է քվեարկել Եվրամիությունը լքելուն: “Սակայն, նշեց, որ «միտքը փոխել է հինգ օր անց»:
«Ես քաղաքական ագնոստիկ եմ և հավատում եմ փաստերին և իրողություններին: Մեզ մոտ հիմա կա թե մեկը, թե մյուսը»:
Գիլլոթն ակցիային մասնակցում է հետևյալ գրառմամբ պաստառով. «Երբ փաստերը փոխվում են, ես նույնպես փոխում եմ իմ կարծիքը: Իսկ դուք ի՞նչ եք անում, սըր»
Հեռանկարը
Մեծ Բրիտանիայի վարչապետ Թերեզա Մեյն արդեն հայտարարել է, որ իր կառավարման ժամանակահատվածում Բրեքսիթի շուրջ նոր հանրաքվե չի լինելու:
Դա նշանակում է, որ նրա հակառակորդներն ինչպես ընդդիմադիր կուսակցությունների, այնպես էլ իշխող Պահպանողական կուսակցության շարքերում խորհրդարանական նոր ընտրություններ անցկացնելու և Մեծ Բրիտանիայում նոր վարչապետ ունենալու համար կպայքարեն:
