ՀԱՅԵՐԵՆ arrow icon
Աջակցեք մեզ
Աջակցեք մեզ
ՀԱՅԵՐԵՆ arrow icon
messenger vk-black email copy print

Ամենամեծ ՀԷԿ-ը, որ կարևոր է Վրաստանի համար և ամբողջությամբ ապահովում է Աբխազիան էլեկտրաէներգիայով, դադարեցրել է աշխատանքը

messenger vk-black email copy print
  • Ինգուր/ի ՀԷԿ [վրացական և աբխազական գրելաձև — խմբ.] երկու շաբաթով դադարեցրել է աշխատանքը: Այս ժամանակն անհրաժեշտ է էներգետիկներին կայանի հետազոտության և հետագա վերականգնողական գործողությունների պլանավորման համար:

    Այս ՀԷԿ-ը բացառիկ օբյեկտ է. այն տեղակայված է հակամարտության գոտում և վրաց-աբխազական միակ համատեղ նախագիծն է: Կողմերը համատեղ են կառավարում ՀԷԿ-ը և կիսում արտադրվող  էլեկտրաէներգիան:

    «Ինգուրի ՀԷԿ-ը դադարեցրել է աշխատանքը դերիվացիոն թունելի մոնիթորինգի իրականացման համար: Աշխատանքները կշարունակվեն մինչև մարտի սկիզբ», — նշել է Աբխազիայի ՉեռնոմորԷներգո էներգետիկ ընկերության ղեկավար Ասլան Բասարիան: Վրացական և աբխազական կողմերի միջև համապատասխան պայմանավորվածությունը ձեռք է բերվել հունվարի վերջին:

    «Այս պահին ռուսական, աբխազական և վրացական էներգետիկների համագործակցության շրջանակներում որոշում է կայացվել Ռուսաստանի Դաշնության կողմից Սալխինո-Պսոու գծով 200 ՄՎտ չափով էլեկտրաէներգիայի ստացման մասին: Բացի այդ, վրացական կողմը կապահովագրի մեզ, քանի որ առկա է երկկողմանի հետաքրքրվածություն վերանորոգման աշխատանքների իրականացման հարցում,  որպեսզի էլեկտրաէներգիա արտադրող կայանների հզորույթյունը ավելանա», — Apsnypress լրատվական գործակալության հետ զրույցում նշել է Բասարիան:

    Այս կապակցությամբ Վրաստանի էներգետիկայի նախարարության կողմից արված հայտարարության մեջ նշվում է, որ «ՀԷԿ-ի աշխատանքի դադարեցման ժամանակահատվածում Աբխազիային էլեկտրաէներգիա կմատակարարի հիմնականում ռուսական էներգահամակարգը, իսկ դեֆիցիտը, որը այս ժամանակահատվածում մասամբ պայմանավորված է Աբխազիայի տարածքում սպառման մակարդակի աճով, կլրացնի Վրաստանի էներգահամակարգն իր աղբյուրներով»:

    Ինգուրի ՀԷԿ-ը դադարեցրել է աշխատանքը փետրվարի 19-ին: Վրաստանի էներգետիկայի նախարար Կախա Կալաձեն հայտարարել է, որ ՀԷԿ-ի ամբողջական վերականգնումը նախատեսված է 2018 թ-ին: Ըստ Ասլան Բասարիայի՝  «միայն մոնիթորինգից հետո հնարավոր կլինի պատասխանել հարցին, թե 2018 թ-ի մինչև որ ժամանակահատվածն է դադարեցվելու էլեկտրաէներգիայի արտադրությունը»:

    Go to top

    Աբխազիան գրեթե ամբողջությամբ կախված է Ինգուրի ՀԷԿ-ի  արտադրած էլեկտրաէներգիայից: Կայանի 270-մետրանոց բետոնե ամբարտակը գտնվում է Թբիլիսիի կողմից վերահսկվող տարածքում, իսկ հինգ գեներատորներն՝ Աբխազիայի Գալի շրջանում: Ըստ Թբիլիսիի և Սուխումի միջև ոչ պաշտոնական համաձայնության՝ ՀԷԿ-ում արտադրվող էլեկտրաէներգիայի 40%-ը սպառում է Աբխազիան, իսկ 60%-ը՝ Վրաստանը:

    Go to top

    Խորհրդային ժամանակներում Աբխազիայում կառուցվել է 24 մինի-հիդրոէլեկտրակայան, որոնցից այսօր գործում են միայն երեքը՝ մնացածի համար անգամ հիդրոկառույցներ չկան:  JAMnews- ի անդրադարձը՝ Աբխազիայում էներգետիկայի խնդիրներին:

    Հոդվածում արտահայտված կարծիքները  փոխանցում են հեղինակի տերմինաբանությունը և հայացքները և պարտադիր չէ, որ համընկնեն խմբագրության դիրքորոշման հետ:

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա