Գլոբալ տաքացում․ 12 տարի՝ մինչ աղետը, զգուշացնում են գիտնականները

Եթե մարդկությունը միասնական չգործի, 2030թ-ին կյանքը Երկրի վրա իր ներկայիս տեսքով կավարտվի։ Այս մասին ասված է ՄԱԿ հովանու ներքո ստեղծված Կլիմայական փոփոխությունների հարցերով միջկառավարական խմբի զեկույցում, հաղորդում է CNN-ը։

Խնդիրը

«Մասշտաբային համատեղ քայլեր են անհրաժեշտ», որոնց նպատակը Երկրի վրա նախաինդուստրիալ դարաշրջանի համեմատ միջին ջերմաստիճանի 1.5 տոկոս աճը կանխելն է, ասված է զեկույցում։

Եթե դա չարվի, 2030թ-ին մարդկությունտ կրիտիկական շեմին կհասնի։ Որի հետևանքը կլինեն մասշտաբային երաշտներն, ավերիչ փոթորիկներն ու ջրհեղեղները, որոնք կսպառնան տասնյակ միլիոն մարդկանց կյանքին։

Լուծումը

Այժմ մեկ աստիճանի մակարդակին ենք հասել։ Գլխավոր պատճառը «ջերմոցային էֆեկտն» է, որն առաջանում է մթնոլորտ արտանետվող ածխաթթու գազի պատճառով։

Որպեսզի գլոբալ տաքացումը չգերազանցի 1.5 աստիճանն, ածխաթթու գազի արտանետումներն անհրաժեշտ է մինչև 2030թ-ը կրճատել 45 տոկոսով, իսկ 2040-ն զրոյի հասցնել։

Այդ խնդրի իրագործումը նշանակում է արմատական փոփոխություններ էներգետիկայում, տրանսպորտում և կենսաձևում։

Ըստ Միջկառավարական խմբի փորձագետների՝ «դա ահռելի ծախսեր և բոլոր երկրների համակարգված աշխատանք կպահանջի», սակայն աղետը դեռ հնարավոր է կանխել։