Ավազակային հարձակում զբոսաշրջիկների վրա Աբխազիայում և միլիցիայի բարեփոխում սկսելու պահանջ

Աբխազիայի իրավապահ մարմինները երկրորդ օրն է՝ փնտրում են երկու հանցագործների, որոնք հանդուգն զինված հարձակում են կատարել ռուս զբոսաշրջիկների վրա Գուդաութիի շրջանի լողափերից մեկում:

Աբխազիայի մամուլի ծառայության հաղորդման համաձայն՝ Գուդաութիի շրջանում ռուս զբոսաշրջիկի սպանության մասնակիցների գտնվելու վայրի մասին արժանահավատ տեղեկատվության համար 1 մլն ռուբլի պարգևատրում է նշանակված:

Ինքը հանցագործությունը կատարվել է հուլիսի 11-ին ժամը 12:20-ին մոտ Գուդաութիի շրջանի Պրիմորսկոյե գյուղում (Նոր Աֆոն հանգստավայրից 5կմ հեռավորության վրա), որտեղ քննության կողմից չպարզած երկու դիմակավոր անձինք, զինված չպարզված նմուշի հրազենով և դանակով, ավազակային հարձակում են գործել Մոսկվայից եկած հանգստացողների խմբի վրա:

Հարձակման ժամանակ տուժածները՝ Կաբանովների և Չիժիկովների երկու ընտանիքները երեխաների հետ, հանգստանում էին լողափում: Միակ մեծ տղամարդը՝ Անդրեյ Կաբանովը, փորձել է դիմադրություն ցուցաբերել, սակայն կրծքի հատվածում դանակային երկու վիրավորում է ստեցել:

Ինչից հետո հարձակվողներն, առևանգելով երկու կանանց և 4 երեխաներին, փախչել են հանցանքի վայրից:

Տեղացիները, որոնք հավաքվել են ճիչերից, վիրավորին հիվանդանոց են տարել և կատարվածի մասին հաղորդել միլիցիային: Անմիջապես հանցագործներին բռնելու պլան է հայտարարվել:

Գուդաութիից մինչև Նոր Աֆոն ընկած հատվածը շղթայված է միլիցիայով: Մինչև գիշեր իրավապահ մարմինները խուզարկում էին տարածքը:

Հանցագործներին չի հաջողվել գտնել, այնուամենայնիվ, միլիցիայի ձեռնարկած արտակարգ միջոցները հանցագործներին ստիպել են բաց թողնել կանանց և երեխաներին: Այնուամենայնիվ, հեփի-էնդ չի եղել:

Երեկոյան Գուդաութիի հիվանդանոցում ստացած վիրավորումներից մահացել է Անդրեյ Կաբանովը:

Հ  անդուգն հարձակումը փոթորիկ է առաջացրել աբխազական հանրությունում: Սոցցանցերի աբխազական հատվածը լի է հանցագործության վերաբերյալ տարբեր մեկնաբանություններով:

Հայտնի լրագրող Անտոն Կրիվենյուկը կարծում է, որ բոլոր իրավապահ կառույցների ղեկավարությունը պետք է անհապաղ հրաժարական տա, իսկ Աբխազիայի նախագահ Ռաուլ Հաջիմբան՝ երկրում արտակարգ դրություն հայտարարի:

Հանցավորության աճն Աբխազիայում վերջին ժամանակներս իրոք մեծ է: Բազմաթիվ գողություններին զուգահեռ, որոնք քրոնիկ կերպով ուղեկցում են տեղական զբոսաշրջային բիզնեսը, աճել է նաև ծանր հանցագործությունների քանակը:

Այդպես, օրինակ, Պրիմորսկոյե գյուղում հանգստացողների վրա հարձակումից մեկ օր առաջ Սուխումում կողոպտել էին քաղաքի ամենախոշոր դեղատներից մեկը: Ծանր վիրավորվել էր պահակը:

Ավելի վաղ, կարճ ժամանակի ընթացքում մի շարք ավազակային հարձակումներ են կատարվել: Եվ այդ գործերից ոչ մեկը չի բացահայտվել:

Շատ փորձագետներ համարում են, որ ծանր քրեածին իրավիճակը վերջնականապես կփչացնի հանգստյան սեզոնը: Զբոսաշրջությունը բյուջետակազմ սեգմենտ է աբխազական տնտեսությունում:

Իշխանություններն արդեն անհանգստություն են հայտնել այս սեզոնում աբխազական հանգստավայրերի հանդեպ հետաքրքրության անկման վերաբերյալ: Մեկ ամիս առաջ նախագահ Ռաուլ Հաջիմբան անձամբ է հանձնարարել հեռացնել Պետավտոտեսչության 60 աշխատակիցների, որոնք գործադուլ են հայտարարել իբր այն բանի համար, որ նրանց արգելել են կանգնեցնել ռուս զբոսաշրջիկների մեքենաները:

Նախագահն անձամբ այցելել է ՆԳՆ կոլեգիա և հանրային կերպո կշտամբել Պետավտոտեսչության բողոքող աշխատակիցներին: Նա հայտարարել է, որ աբխազական Պետավտոտեսչության կոռումպացվածությունն առակ է դարձել ռուս զբոսաշրջիկների համար, և նրանցից շատերը YouTube-ի հերոսներ են դարձել:

Ս Սակայն աղմկահարույց հանցագործությունների համատեքստում որոշ աբխազ փորձագետներ ենթադրում են հանցավորության աճի մեկ այլ տեսանկյուն և այն կապում քաղաքական պահի հետ:

Մասնավորապես, ոմանք զուգահեռներ են անցկացնում մոտ ժամանակներս Սուխումում բացվող ռուս-աբխազական համատեղ տեղեկատվական-համակարգող կենտրոնի հետ:

Ի սկզբանե պլանավորվում էր, որ  տվյալ կառույցում կաշխատի 400 աշխատակից, նրանք լայն իրավասություններ կունենան, որոնք գրեթե կրկնում են իրավապահ աբխազական մարմինների գործունեությունը: Սակայն այդ նախագիծն անբարյացակամ վերաբերմունքի է արժանացել գրեթե ողջ աբխազական էլիտայի կողմից:

Արդյունքում, և՛ կառույցի թվային կազմը և իրավասությունները զգալիորեն կրճատվել են: Դրա աշխատակազմն այժմ չի գերազանցում 20 հոգին:

Հանցավորության աճի այս շարժառիթը պաշտպանող փորձագետները ենթադրում են, որ իշխանությունները, որոնք ակնհայտորեն չեն տիրապետում իրավիճակին, ստիպված են վերանայել պայմաններն ու ավելացնել կենտրոնի աշխատակազմը և գործունեության ոլորտները՝ դրանով իսկ ավելացնելով Աբխազիայում ռուս իրավապահների ազդեցությունն ու ներկայությունը:

Իրենց վարկածը նրանցից ոմանք ամրապնդում են նրանով, որ անգամ հանցագործ աշխարհի թագավորները, իսկ դա մոտ տասնյակ օրենքով գողեր են, վրդովված են ամենաթողությամբ և ոչ մի տեղեկատվություն չունեն հանցագործների մասին:

Հրապարակման մեջ տեղ գտած տերմինները, տեղանունները, մտքերը և գաղափարները պարտադիր չէ, որ համընկնեն JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրավունք է վերապահում հեռացնել հրապարկումների վերաբերյալ արված այն մեկնաբանությունները, որոնք կգնահատվեն որպես վիրավորական, սպառնալիք պարունակող, բռնություն հրահրող կամ այլ պատճառներով էթիկապես անընդունելի: