Բիձինա Իվանիշվիլին (ծն. 1956 թ.) միլիարդատեր է, Վրաստանի նախկին վարչապետը (2012 թ. հոկտեմբեր — 2013 թ. նոյեմբեր): Նա «Վրացական երազանք» քաղաքական կուսակցության հիմնադիրն ու առաջնորդն է։ Այս քաղաքակամ ուժը 2012 թվականի հոկտեմբերի 1-ին կայացած խորհրդարանական ընտրություններում հաղթելուց ի վեր Վրաստանում իշխող կուսակցությունն է հանդիսանում:
Իվանիշվիլին դեռևս ոչ մի պաշտոն չի զբաղեցրել 2013-ի նոյեմբերից, երբ նա հրաժարական տվեց վարչապետի պաշտոնից: Այնուամենայնիվ, Վրաստանում և արտերկրում նա համարվում է երկրի ստվերային առաջնորդը: Վրաստանի բարձրաստիճան պաշտոնյաներն ու «Վրացական երազանքի» ներկայացուցիչները բացահայտորեն խորհրդակցում են նրա հետ նախքան կարևոր որոշումներ կայացնելը:
Բիձինա Իվանիշվիլին միակ վրացի միլիարդատեր է Forbes- ի համաշխարհային ցուցակում: 2019 թվականին նրա ակտիվները կազմել են 4,9 միլիարդ դոլար: Հիմնական կապիտալը Իվանիշիվիլին վաստակել է Ռուսաստանում 90-ականներին:
