վիզաների ազատականացում

Անջեյ Դուդայի այցը Հայաստան

«ԵՄ-ն ուզում է հասկանալ ՀՀ առաջնահերթությունները»․ կարծիք Անջեյ Դուդայի այցի մասին

Հայաստան-ԵՄ

27 Նոյեմբերի, 2024

Երկօրյա այցով Հայաստանում էր Լեհաստանի նախագահ Անջեյ Դուդան։ Ի՞նչ հանդիպումներ են եղել, ի՞նչ հարցեր են քննարկվել, քաղաքական վերլուծաբանի կարծիքը

ՀՀ ԱԳ նախարարը` արտաքին քաղաքականության մասին

«Զգուշավոր լավատեսություն կա»․ ՀՀ ԱԳ նախարարը՝ խաղաղության պայմանագրի մասին

Հայաստան

31 Հոկտեմբերի, 2024

Արտգործնախարար Արարատ Միրզոյանն ԱԺ-ում անդրադարձել է հարևան երկրների, ինչպես նաև Ռուսաստանի և Եվրամիության հետ Երևանի հարաբերություններին։

ՀՀ քաղաքացիների մուտքը Բուլղարիա արգելվել է

«Վիզա ունենք, բայց Շենգենյան գոտի մուտքն արգելում են»․ ի՞նչ են պատմել ՀՀ քաղաքացիները

Հայաստան-ԵՄ

27 Օգոստոսի, 2024

Հայաստանցիները Բուլղարիա են մեկնել և հայտնվել մեկուսարանում։ ԱԳՆ-ն պարզաբանում է տարածել, սակայն այս ահազանգերին չի անդրադարձել։

Կարծիք ԵՄ-ՀՀ գործակցության մասին Եվրամիությունը Հայաստանի դաշնակիցն է խաղաղության օրակարգի հարցում, կառույցի հետ հարաբերությունների զարգացումն ունի կենսական նշանակություն։ Այս կարծիքին է քաղաքագետ Ռուբեն Մեհրաբյանը։ Քաղաքագետի փոխանցմամբ՝ ԵՄ-ն Հայաստանին տրամադրում է «խաղաղության աջակցության համապատասխան գործիքներ», բայց Երևանը պետք է անվտանգության ոլորտում սերտորեն աշխատի նաև առանձին մայրաքաղաքների հետ։ Մեհրաբյանը նաև ասել է, որ Երևանը պետք է կատարի նախապատրաստական բոլոր քայլերը, որոնք հնարավորություն կստեղծեն, որպեսզի «Հայաստանն ի զորու լինի լիիրավ անդամակցության հայտ ներկայացնել ԵՄ-ին՝ սկսելով բանակցություններ անդամակցության վերաբերյալ և բարեփոխումներին հաղորդելով պրոեվրոպական ուղղվածություն»։ «ԵՄ-ն Հայաստանի թիվ 1 դաշնակից է բարեփոխումների օրակարգի իրագործման հարցում» Նման արձանագրում է արել քաղաքագետ Ռուբեն Մեհրաբյանը։ «Արմենպրես»-ի հետ զրույցում նա նկատել է՝ Հայաստանի ու Եվրամիության միջև հարաբերությունները հետևողականորեն զարգանում են և այժմ ստացել են ռազմավարական բնույթ։ Նրա խոսքով՝ Եվրամիության աջակցությունն անչափ կարևոր է Հայաստանը եվրոպական տիպի պետություն դարձնելու առումով, բայց ոչ միայն։ «ԵՄ-ն չափազանց կարևոր դերակատարում ունի մեր անվտանգության ապահովման հարցում՝ տարածաշրջան ուղարկելով եվրոպացի դիտորդներին, ովքեր ամենօրյա առաքելություն են իրականացնում հայ-ադրբեջանական սահմանին»,- ասել է Մեհրաբյանը։ Քաղաքագետը կարևորել է տարբեր ուղղություններով աշխատանքը ոչ միայն Բրյուսելի, այլև «առանցքային մայրաքաղաքների»՝ Փարիզի, Բեռլինի և Հռոմի հետ։ Դա, ըստ նրա, «ԵՄ-ի ողնաշարը հանդիսացող մեծ եռյակն» է։ «ՀՀ եվրաինտեգրումը միայն օգուտ կբերի Իրանին» Մեհրաբյանի դիտարկմամբ՝ Հայաստան-Եվրամիություն հարաբերությունների սերտացումն ուղղված չէ որևէ երկրի, այդ թվում՝ Իրանի Իսլամական Հանրապետության դեմ։ Կարծում է՝ այն պահից սկսած, երբ Հայաստանը կդառնա ԵՄ-ի լիիրավ անդամ, դա Թեհրանին օգուտից բացի այլ բան չի բերի։ «Այսօր իրանական տնտեսությունը կազմում է Թուրքիայի տնտեսության կեսը, մինչդեռ նախորդ դարի 70-ական թվականներին ռուսական տնտեսությունն էր կազմում իրանական տնտեսության 70 տոկոսը։ Դիսբալանսը, որ ստեղծվեց վերջին կես դարի ընթացքում, ձեռնտու չէ ոչ միայն Իրանին, այլև Հայաստանին։ Դա ուղղելու հնարավորությունը ձեռք է բերվում հենց ԵՄ-ի հետ հարևանությամբ և այդ հանգամանքի հմուտ օգտագործմամբ»,- պարզաբանել է նա։ Քաղաքագետի գնահատմամբ՝ ՀՀ եվրաինտեգրման հարցում Երևանի և Իրանի «շահերի բախումն անհնար է»։ Չի բացառել, սակայն, երրորդ կողմերի սադրիչ գործողությունների հնարավորությունը, երկրներ, որոնք կփորձեն խոչընդոտել ՀՀ-ԵՄ հարաբերությունների հետագա զարգացումը։ Մեհրաբյանի խոսքով՝ պետք է կարողանալ նման գործընթացների հակազդել դիվանագիտությամբ։ «Եվրոպական տնտեսությանն ինտեգրվելուն դեռևս պատրաստ չենք» Անդրադառնալով Եվրամիության հետ տնտեսական համագործակցությանը՝ քաղաքագետը նկատել է՝ այսօր Հայաստանը պատրաստ չէ եվրոպական տնտեսությանն ինտեգրվելուն, թեև ի զորու է իր առջև նման խնդիր դնել։ Խնդիրը ձևակերպելուց հետո, ըստ նրա, պետք է դա դարձնել «ռազմավարական, համազգային նպատակ»․ «Եթե այս պահին մենք ինչ-որ բանի պատրաստ չենք, դեռ չի նշանակում, որ պետք է քաշվենք մի կողմ և ասենք՝ դժվար է։ Այո, միշտ էլ դժվար է լինելու, բայց պետք է հենց այսօրվանից մեր առջև դնենք այդ խնդիրն ու գնանք առաջ»։ Մեհրաբյանի գնահատմամբ՝ եվրաինտեգրումը ենթադրում է հետևողական աշխատանք։ Ընդգծել է՝ նույնիսկ ԵՄ անդամ հանդիսանալու պարագայում անհրաժեշտ է շարունակաբար զարգացնել ենթակառուցվածքները, ապահովել առնվազն միջին եվրոպական չափանիշներ։ Խոսել է նաև ԵՄ երկրների և ՀՀ միջև վիզաների ազատականացման գործընթացի մասին։ Կարծում է՝ կա երկու կարևոր գործոն՝ • ինչպես կկատարենք մեր «տնային աշխատանքը», • ինչպես դա կներկայացնի մեր դիվանագիտությունը։ «Անհրաժեշտ է աշխատանքներն իրականացնել այնպիսի ռեժիմով, որ վիզաների ազատականացման գործընթացը մեկնարկի հնարավորինս շուտ»,- ամփոփել է քաղաքագետը։ Կարծիք ԵՄ-ՀՀ գործակցության մասին

«ԵՄ-ն Հայաստանի դաշնակիցն է խաղաղության օրակարգի հարցում»․ հայ քաղաքագետ

Հայաստան-ԵՄ

22 Մայիսի, 2024

Ռուբեն Մեհրաբյանի մեկնաբանությունը՝ Հայաստանի եվրաինտեգրման, Իրանի և տնտեսության դիվերսիֆիկացիայի մասին

ԵՄ ԱԳ նախարարների խորհրդի նիստի մանրամասները

Բորելը «ծանր հետևանքներ» խոստացավ․ ԵՄ դիրքորոշումը կզսպի՞ Բաքվին

Եվրամիություն

14 Նոյեմբերի, 2023

ԵՄ արտգորխնախարարների նիստի մանրամասները, մեկնաբանություն ընդունված որոշումների և Բորելի ուղերձի մասին

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա

Follow @JamnewsArmenian