CNN-ը հարց է տվել. «Արդյո՞ք կարելի է Պուտինին աշխարհի ամենահզոր մարդն անվանել»
Ռուսաստանում և Ուկրաինայում Դոնալդ Թրամփի վարչակազմի առանցքային անձանց շփումների և կապերի սխեման, CNN
«Արդյո՞ք կարելի է Պուտինին աշխարհի ամենահզոր մարդն անվանել». այսպես է հարցը ձևակերպում լրագրող, քաղաքական վերլուծաբան և Newsweek ամսագրի խմբագիր Ֆարիդ Զաքարիան: Իր «Աշխարհի ամենահզոր մարդը» նոր ֆիլմում, որը հենց նոր ցուցադրել է CNN հեռուստաալիքը, նա այդ հարցին դրական է պատասխանում:
Ռուսաստանի առաջնորդի քաղաքական կարիերայի պատմությունը լրագրողը սկսում է Բեռլինյան պատի անկումից, երբ Պետանվտանգության կոմիտեի աշխատակից Վլադիմիր Պուտինը գտնվում էր կոմիտեի Դրեզդենի գրասենյակում, որը շրջապատված էր ցուցարարների ամբոխով: Դա համատարած վախ էր, որը նրա հետ մնաց ընդմիշտ, ասում է Զաքարիան, և «նա որոշեց այդ վախը համատարած վերահսկողությամբ հաղթել»:
Լրագրողի կարծիքով, ԱՄՆ ընտրություններին ենթադրյալ միջամտության հետ կապված ողջ վերջին պատմությունը և ընդհանրապես ռուս-ամերիկյան հարաբերությունների ճգնաժամը գալիս է Հիլարի Քլինթոնի երբեմնի ասված խոսքերից. «Պուտինը Պետանվտանգության կոմիտեի գործակալ է, հետևաբար, նա չի կարող հոգի ունենալ»: Պուտինը չներեց վիրավորանքն, ասում է Ֆարիդ Զաքարիան, և ԱՄՆ նախագահական ընտրություններին ենթադրաբար միջամտելու նրա անձնական հրահանգը Թրամփին օգնելու ցանկություն չէր, այլ Հիլարի քլինթոնին խեղդելու ցանկություն:
Ֆիլմի հեղինակը պնդում է, որ ամերիկացիներն ու ամերիկյան կառավարությունը լավ չի հասկանում Ռուսաստանն ու ռուսների վերաբերմունքը նախագահին, և դա մեծ ու վտանգավոր սխալ է: Իսկ Ամերիկայում հասկանում են, որ Ղրիմի բռնակցումն իրոք հասարակության բացարձակ մեծամասնության հպարտության առիթ է: Եվ որ Պուտինն իրոք հասարակությունում սատարման հազվագյուտ վարկանիշ ունի, որը ոգևորությամբ աջակցեց ազգային հզորության վրա արված խաղադրույքին: Այդ աջակցությանը հասնելու գործիքներ դարձան նպատակաուղղված հակաարևմտյան պրոպագանդան մտածված զանգվածային տեղեկատվական աջակցության միջոցով և շնորհիվ լրատվամիջոցների հանդեպ գրեթե լիակատար վերահսկողության:
Այո, օրինակ, ԱՄՆ-ն և Չինաստանը կարելի է շատ ավելի ուժեղ երկրներ համարել, քան Ռուսաստանն է, եզրակացնում է Ֆարիդ Զաքարիան, սակայն, ասում է նա, հզորությունը որոշում են ոչ միայն համաշխարհային ազդեցությամբ, այլ խոշոր հաշվով երկրի ներսում ունեցած աջակցության և առանց խոչընդոտների սեփական ներքին քաղաքականությունը վարելու հնարավորությամբ:
Այդ պատճառով էլ հարկ է հիշել այն մասին, որ այսօր աշխարհը, հնարավոր է, գործ ունի ամենահզոր առաջնորդի հետ:
Ֆարիդ Զաքարիան հարցարզրույց է անցկացնում Ռուսաստանի այն ժամանակվա նախագահ Դմիտրի Մեդվեդևի հետ: 2009թ-ի սեպտեմբեր, լուսանկարը՝ ՌԻԱ Նովոստիի
