Brexit: Վրաստան, սթափվիր

Վրաստանի համար, որը Եվրամիությունից մոտակա ժամանակներս պատասխան է սպասում առանց վիզային ռեժիմ հաստատելու վերաբերյալ, ԵՄ-ը լքելու Մեծ Բրիտանիայի որոշումը հատկապես արդիական է: Հունիսի 23-ին կայացած հանրաքվեին բրիտանացիները քվերակեցին ԵՄ-ից դուրս գալու օգտին:

Ի՞նչ են այդ մասին խոսում Թբիլիսիում 

Փորձագետների ու քաղաքական գործիչների կարծիքը

Գիա Նոդիա, քաղաքագետ.

Կարճաժամկետ հեռանկարում բրիտանական հանրաքվեի արդյունքները Վրաստանի համար անբարենպաստ են. Եվրամիությունը շոկային վիճակում է, և այժմ չի կարող կենտրոնանալ ուրիշների վրա:

Վրաստանում, ի տարբերություն Մեծ Բրիտանիայի (սակայն աշխարհամասի այլ ազգերի պես), եվրասկեպտիկն առաջին հերթին Ռուսաստանի կողմնակիցն է, այդ պատճառով էլ նրանք խոսելու առիթ կունենան: Կարճաժամկետ հեռանկարում Ռուսաստանը նույնպես շահեկան դիրքում է, քանի որ ԵՄ թուլացումը մեխանիկորեն Ռուսաստանին ձեռնտու է դառնում (սակայն ուժեղցնում է նրան, թե թուլացնում երկարաժանկետ հեռանկարում, այլ հարց է):

Սակայն, եթե դրան ավելի լայն նայենք ու փիլիսոփայորեն մոտենանք, դա զանգվածների մեծ հաղթանակ է էլիտաների հանդեպ. Բրեքսիթը հաղթեց բրիտանական էլիտաների կոնսենսուսի հետ պայքարում: Նույն տենդենցն է նկատվում նաև առաջատար երևմտյան ժողովրդավարություններում՝ Ատլանտիկ օվկիանոսի երկու կողմերում (օրինակ, Թրամփի ու Սանդերսի ֆենոմենները նույնպես զանգվածների ընդվզում է): Հենց այդ պատճառով է այս ամենը Եվրամիության ընդհանուր նախագծի համար վտանգ ներկայացնում, քանի որ այս նախագիծն ի սկզբանե այդ էլիտաների նախագիծն է եղել զանգվածների դեմ:




Սալոմե Զուրաբիշվիլի, Վրաստանի նախկին արտգործնախարար.

Մեծ Բրիտանիան հեռանում է Եվրոպայից: Ֆինանսական կորուստն ակնհայտ է: Սակայն գլխավորն այլ բան է. սա էգոիզմի, անմտության, սահմանափակ մտածողության, վախի ու անհանդուրժողականության հաթանակ է… Նրանց հաղթանակն, ովքեր մտածում են, որ ապագայի հրամայականների վրա աչք փակելով անցյալ վերադառնալը և ինքնամեկուսանալը կօգնի պաշտպանվել գլոբալ սպառնալիքներից: Նրանք մեծապես սխալվում են: Այսօր Մեծ Բրիտանիան չկարողացավ ներկայի աչքերին նայի և հրաժարվեց ապագայից: Մեծ Բրիտանիան կրկին կղզի դարձավ:

Ելենե Խոշտարիա, «Միասնական ազգային շարժում»

Անկասկած Բրեքսիթը հստակ և, հնարավոր է, տհաճ փոփոխությունների առիթ կդառնա, և Ռուսաստանը տեղի ունեցածը կփորձի Եվրոպայի թուլացում հռչակել:

Պարզ է նաև, որ դրանից կօգտվեն ազգայնականները:

Սակայն.

•  Մեծ Բրիտանիան Եվրամիության պատմության մեջ առանձնահատուկ դեպք է: Այն անդամակցել է կառույցին միայն 1973թ-ին և չի մասնակցել մի շարք ինտեգրացիոն գործընթացների (չի ընդունել միասնական արժույթ և Շենգեն գոտի չի մտել):

•  Բրեքսիթը չի կարելի չգիտակցված հակաեվրոպական գործընթաց անվանել, որի ետևում կանգնած են արմատական ազգայնականները: Այն, առաջատար կուսակցությունների և քաղաքական գործիչների կողմից շատ պրագմատիկ հարցերի, ինչպիսիք են տնտեսությունը, ներդրումնեըը, միգրացիան, լուրջ քննարկման արդյունք է:

•  Եվրամիությունից դուրս գալու որոշում ընդունելով՝ Մեծ Բրիտանիան հարցականի տակ չի դնում եվրոպական արժեքները և չի ձգտում փոխել վերաբերմունքը Ռուսաստանին (ինչպես դա եղավ Ֆրանսիայի և Եվրոպայի այլ երկրների ազգայնական տրամադրություններ ունեցող ուժերի դեպքում):

•  Եվրամիության համար Մեծ Բրիտանիայի հեռանալը պետք է լուրջ ազդակ լինի ավելորդ բյուրոկրատիայի և կարգավորումների բարեփախման համար:

Մեծ Բրիտանիայում Վրաստանի նախկին դեսպան Գիորգի Բադրիձե.

Չկա ոչ մի երաշխիք, որ ԵՄ-ից դուրս գալով և հրաժարվելով եվրոպական կանոնակարգերից, Մեծ Բրիտանիան կստանա առավելություններ, որոնց վրա հույս է դրել:

Ինչ վերաբերում է Եվրամիությանը, ապա խնդիրներն իրենց հետ բերում են նաև հստակ հնարավորություններ, և ԵՄ-ը դրանցից օգտվելու հնարավորություն ունի:

Եվրամիությունը կարող է այս հանրաքվեն ընդունել որպես բարեփախումներ սկսելու լուրջ ազդակ: Հակառակ դեպքում ԵՄ-ն առանց Մեծ Բրիտանիայի շատ ավելի թույլ կլինի: Եվ եթե արմատական փոփոխությունների չգնա, միակն, ով դրանից կշահի, Ռուսաստանը կլինի: Ռուսաստանի համար թույլ ԵՄ և թույլ Մեծ Բրիտանիան այն են, ինչ պետք է:
Ինչ վերաբերում է Վրաստանին, ապա ԵՄ-ից Բրիտանիայի դուրս գալու հետևանքով Վրաստանն այդ կառույցում կարևոր կողմնակից կորցրեց:

Ի՞նչ են խոսում Ֆեյսբուքում

«Մենք արթնացանք այլ դարաշրջանում», — գրում են այսօր Ֆեյսբուքի վրացական սեգմենտում:

#brexit հաշթագն անսպասելի տարածվել է վրացական սոցցանցերում: 



Թրենդ առաջին. «Միգուցե հիմա՞ Եվրոպան ուշքի գա»

«Սա սառը ցնցուղ է Մերկելի ու եվրապաշտոնյաների՝ բյուրոկրատների համար, ովքեր Եվրամիության գաղափարին ավելի շատ վնաս հասցրին, քան այդ կառույցի երդվյալ թշնամիները»:

«Նման քաղաքականությամբ ու բյուրոկրատիայով Եվրամիությունը միևնույն է հեռանկարներ չուներ: Հուսով եմ, որ հիմա նրանք ուշքի կգան և կփորձեն ինչ-որ բան փոխել»:

«Դրան դրական տեսանկյունից նայենք. այժմ Եվրամիությունում ինչ-որ ժամանակով կմոռանան վարունգների չափի կարգավորումների մասին»:

«Երբ մենք արդեն Եվրամիություն մտնենք, այնտեղ կմնան միայն Մոլդովան և Ուկրաինան: Եվ կսկսենք միմյանց մոտ առանց վիզայի մեկնել»:

«Եվրամիությունը բյուրոկրատիա է»:

«Բրիտանացիները համաշխարհային շուկայական տնտեսության հիմնադիրներն են: Այդ պատճառով էլ նրանց մոտ չարմատավորվեց եվրոպացիների բյուրոկրատական և սոցիալիստական համակարգը»:

«Ուշքի՛ եկ, Եվրո՛պա: Եվրամիության նման քաղաքականության պարագայում Ռուսաստանը հեշտությամբ կուլ կտա Վրաստանին և Ուկրաինային, իսկ Թուրքիան իսլամիստական պետություն կդառնա»:

Թրենդ երկրորդ. «Եվրասկեպտիկները կշատանան, իսկ դրանից օգուտ կքաղի Ռուսաստանը»

«Հիմա Եվրամիությունը Վրաստանի պես երկրների ժամանակը դեռ երկար չի ունենա: Շոկից ազատվելու համար տարիներ կպահանջվեն»:

«Հիմա կսկսվի. և սա ձեր Եվրամիությո՞ւնն է: Նույնիսկ բրիտանացիներին այն պետք չէ…»:

«Այժմ Ռուսաստանն իրեն ավելի վստահ կզգա: Իսկ դա շատ վտանգավոր է և՛ Վրաստանի, և՛ ամբողջ աշխարհի համար»:

«Ռուսական լրատվամիջոցներն իրենց չեն կորցնում՝ անթաքույց ուրախանում են, որ բրիտանացիները դուրս են եկել Եվրամիությունից: Բաժանել թշնամուն հետո ավելի հեշտ հաղթելու համար. դա մեդիայի (և իհարկե այդ երկրի ղեկավարության) վաղեմի երազանքն է»:

Հրապարակվել է 24.06.2016