Տնային կարանտին՝ ուղիղ օդանավակայանից․ Իտալիայից ժամանած Հայաստանի քաղաքացիները կմեկուսացվեն

Հայաստանի քաղաքացիները շտապ հայրենիք են վերադառնում Իտալիայից։ Հայաստանի բնակիչների մեծ մասի համար այդ երկրում մնալու հնարավորություն և իմաստ չկա՝ բացի ծայրահեղ անհրաժեշտությունը, ելնելով ինչ-որ հանգամանքներից։ Իտալիայում լուրջ պայքար է սկսվել կորոնավիրուսի տարածման դեմ, որոշում է ընդունվել սահմանափակել ողջ բնակչության տեղաշարժը՝ առանց անհրաժեշտության և «հարգելի պատճառի»։ Փակվում են թանգարանները, կինոթատրոններն, անգամ ռեստորաններն ու սրճարանները։

Մարտի տասի ցերեկն արդեն վայրէջք է կատարել չվերթը, որը Հայաստանի քաղաքացիներին բերել է տուն Միլանից, երեկոյան՝ Հռոմից։

Երևանի «Զվարթնոց» օդանավակայանում բոլոր չվերթների ուղևորները զննում են անցնում հենց օդանավակայանում այն պահից, երբ կորոնավիրուսը սկսեց տարածվել աշխարով մեկ։

Ինչ վերաբերում է Հայաստանի՝ Իտալիայից ժամանած քաղաքացիներին, ապա նրանք բոլորն օդանավակայանում զննում անցնելուց հետո տնային կարանտինի մեջ կլինեն։

• Տեսանյութ․ ինչպե՞ս խուսափել կորոնավիրուսից և ո՞րն է դրա սպառնալիքը

• Կորոնավիրուս․ Իտալիան ճգնաժամի մեջ է։ Ինչպե՞ս են պայքարում վարակի դեմ աշխարհում և Կովկասում

Ի՞նչ գործողություններ են ձեռնարկվել

Հայաստանի  ԱԳՆ–ն հայտարարություն–կոչ է արել իր քաղաքացիներին․

«Կոչ ենք անում խստագույնս ձեռնպահ մնալ Իտալիա այցելությունից, իսկ ներկայումս Իտալիայում գտնվող ՀՀ քաղաքացիներին՝ անհապաղ ընդհատել ուղևորությունը և վերադառնալ ՀՀ»։

Արտաքին գերատեսչության մամուլի քարտուղար Աննա Նաղդալյանի խոսքով՝ Իտալիայում Հայաստանի դեսպանատան հետ մշտական կապի մեջ է 200 մարդ։ Եվ նրանցից ոչ ոք դեռ չի հաղորդել առողջական որևէ խնդրի մասին։

«Զվարթնոց» օդանավակայանում անվտանգության հատուկ միջոցներ են ձեռնարկվել։ Արվել է ամեն ինչ Միլանից և Հռոմից ժամանածների շփումն այլ չվերթների ուղևորների հետ բացառելու համար։

 Ի՞նչ է խորհուրդ տալիս առողջապահության նախարարությունը

Հայաստանի առողջապահության նախարարության ֆեյսբուքյան պաշտոնական էջում տեղադրված են խորհուրդներ կորոնավիրուսից պաշտպանվելու համար։

Մարդկանց կոչ են անում զերծ մնալ այն երկրներ այցելել, որտեղ կորոնավիրուսով վարակվելու ռիսկ կա․

«Եվրոպայում դա Իտալիան է, Ֆրանսիան, Գերմանիան և Իսպանիան, Ասիայում՝ Իրանը, Չինաստանը, Հարավային Կորեան, Ճապոպնիան»։

Բոլոր նրանց, ովքեր վերադառնում են այդ երկրներից, խորհուրդ է տրվում «շփումներից զերծ մնալ 14 օր և ինքնամեկուսանալ»։ Գործատուներին խստորեն հրահանգվում է «այդ աշխատակիցներին տնից հեռահար աշխատանքով ապահովել»։

Ինչ վերաբերում է ընդհանուր առմամբ երկրի բնակիչներին, ապա նրանց խորհուրդ է տրվում «գրիպի ախտանշանների դեպքում ինքնաբուժմամբ չզբաղվել և բժշկի դիմել»։

Իրավիճակը Հայաստանում այս պահի դրությամբ

Հայաստանում վարակման դեռևս միակ դեպքի մասին հայտնի է դարձել մարտի 1–ին։ Վարակվածը ժամանել է Իրանից։ Հայաստանի սահմանն այդ երկրի հետ փակ է փետրվարի 23–ից։ Հայաստանի  29-ամյա քաղաքացին ժամանել է հատուկ չվերթներից մեկով, որոնք Հայաստանի և Իրանի քաղաքացիներին թույլ են տալիս հայրենիք վերադառնալ։

Նրա հետ շփում ունեցած բոլոր անձինք մեկուսացված են։ Թե նրանք, թե ինքը վարակված քաղաքացին լավ են զգում իրենց։ Վարակվածը նույնիսկ բուժում չի ստանում, քանի որ հիվանդության ախտանշաններ և ջերմություն չունի։

Իրավիճակը երկրում ընդհանուր առմամբ հանգիստ է։ Խուճապ չկա։