Քանի դեռ չենք կանգնեցրել սպանությունների այս ինդուստրիան, չենք կարող մեզ մարդ կոչել

«Նովայա գազետա»-ի նյութը

Մոսկովյան ակտիվիստները թռչնաբուծական ֆերմայի կենդանիներին ազատելու ակցիա են իրականացրել: Առաջին անգամ Ռուսաստնաում կենդանիների պաշտպանները գործել են բաց և առանց դեմքը թաքցնելու: Պայքարի այս ձևը հայտնի է աշխարհում «open rescue» – «բաց փրկություն» անվանումով:

Կենդանիների պաշտպանությամբ զբաղվող ակտիվիստները Գոհաբանության օրը գնացել են Ռուսաստանի թռչնաֆաբրիկաներից մեկն առանց դեմքը թաքցնելու՝ թռչուններին ազատագրելու նպատակով: Անցնելով երկար ճանապարհ, նրանք տեղ են հասնում և փրկում ֆաբրիկայում առանց լույսի և որևէ խնամքի պահվող թռչուններից երեքին:

Նրանք այստեղից գողանում են հնդկահավերին՝ հասկանալով, որ իրենց գործողությունն անօրինական է, որ իրենց կարող են ձերբակալել: Նրանք գնում են այս քայլին, ի լուր աշխարհի հայտարարելով, որ համոզված են իրենց գործողությունների ճշմարտացիությանը:

Իրենց ակցիան ակտիվիստները համարում են ազատագրական շարժման նոր փուլ:  Վնասված կտուցներով, մաշկի խնդիրներով հնդկահավերը պահվում են փակ տարածաթյան մեջ, ինչպես ասում են, ակտիվիստները, «համակենտրոնացման ճամբարում»: Իրենց գողացած թռչուներին էլ համարում են Ռուսաստանում առաջին փրկվածներին, խոստանում են, որ կբուժեն և կպահեն համապատասխան պայմաններում, նրանք կապրեն այնքան, որքան կարող են ապրել, ոչ թե կսպանվեն, ինչպես իրենց հետ պահվող մնացած հնդկահավերը՝  մինչևառավելագույն քաշին հասնելը:

Անասնաբույժը վկայում է, որ ֆերմայից դուրս բերված երեք հնդկահավն էլ կարող են բուժվել, բայց իրենց նախկին տիրոջ համար նրանք միայն միս էին, իսկ միսը բուժելն անիմաստ է: Քանի դեռ կան անասնապահական ֆերմաներ, կա մսամթերք արտադրող ինդուստրիա, այսպիսի հիվանդ կենդանիներ դեռ շատ կլինեն և դեռ շատերը կսպանվեն, — ասում են կենդանիների պաշտպանությամբ զբաղվող ռուսաստանցի ակտիվիստները, իրենց գերնպատակը համարելով կանգնեցնել այս «բռնության ինդուստրիան»: