Վրաստանում դատապարտվել է եվրոպամետ բողոքի ակցիաների 8 մասնակից, այդ թվում՝ մեկ ՌԴ քաղաքացի
Վրաստանում քաղբանտարկյալների դատավճիռները
Դատավոր Թամար Մչեդլիշվիլին ազատազրկման է դատապարտել 8 անձանց, որոնք ձերբակալվել են եվրոպամետ բողոքի ակցիաների ժամանակ: Երեքը դատապարտվել են երկու տարի և վեց ամիս ժամկետով ազատազրկման, հինգը՝ 2 տարվա:
Ռուսաստանի քաղաքացի Անտոն Չեչինը, որը ձերբակալվել էր եվրոպամետ բողոքի ակցիաների ժամանակ, դատապարտվել է ութ տարի և վեց ամիս ժամկետով ազատազրկման։ Որոշումը կայացրել է դատավոր Ջվեբե Նաչկեբիան:
Վասիլ Կաձելաշվիլիին, Վեփխիա Կասրաձեին և Զվիադ Ծեծխլաձեին սպասվում է երկու տարի և վեց ամիս ժամկետով ազատազրկում։:
Նրանց մեղադրանք էր առաջադրվել Վրաստանի քրեական օրենսգրքի 225-րդ հոդվածի 1-ին մասով նախատեսված հանցագործություն կատարելու համար, այն է՝ խմբային բռնի գործողությունների կազմակերպում և ղեկավարում:
Այնուհետև դատավոր Թամար Մչեդլիշվիլին մեղադրանքը վերաորակավորել է 226-րդ հոդվածով, որը պատասխանատվություն է նախատեսում զանգվածային անկարգությունների կազմակերպման կամ դրանցում մասնակցություն ունենալու համար:
Ինսաֆ Ալիևը, Թորնիկե Գոշաձեն, Նիկոլոզ Ջավախիշվիլին, Իրակլի Միմինոշվիլին և Գիորգի Գորգաձեն դատապարտվել են 2 տարվա ազատազրկման։
Նրանց մեղադրանք էր առաջադրվել Քրեական օրենսգրքի 225-րդ հոդվածի 2-րդ մասով նախատեսված հանցագործություն կատարելու համար, որը պատասխանատվություն է նախատեսում խմբային բռնի գործողությունների մասնակցելու համար:
Ռուսաստանի քաղաքացի և եվրոպամետ բողոքի ակցիաների ակտիվ մասնակից Անտոն Չեչինը դատապարտվել է ութ տարի և վեց ամիս ժամկետով ազատազրկման: Նա ձերբակալվել էր 2024 թվականի դեկտեմբերի 3-ին: Նրան մեղադրանք էր առաջադրվել Վրաստանի քրեական օրենսգրքի 260-րդ հոդվածի 6-րդ մասով, այն է՝ առանձնապես մեծ քանակի թմրամիջոցների ձեռքբերում և պահպանում։
Մեկնաբանություն
«Սոցիալական արդարության կենտրոն»-ի տնօրեն Թամթա Միքելաձե. «Անտոն Չեչինի գործով դատավճիռը չափազանց խիստ է: Ինքը՝ Անտոնը հայտարարել է, որ այս գործի հետևում կարող են կանգնած լինել Ռուսաստանի շահերն ու պահանջները: Հուսով եմ, որ նրան չեն արտահանձնի Ռուսաստանին: Այս հարցով մենք առանձին դատավարություն կունենանք:
Հիշեցնեմ, որ 2017 թվականից մինչև 2022 թվականի հուլիսը Ռուսաստանի Դաշնությունը 33 անգամ Վրաստանին դիմել է իր քաղաքացիների արտահանձնման խնդրանքով, և 29 դեպքում կամ 90 տոկոս դեպքերում Վրաստանը բավարարել է խնդրանքը:
Օրինակ՝ 2018 թվականին Վրաստանից Ռուսաստան է արտահանձնվել 4 անձ, 2019 թվականին՝ 12, 2020 թվականին՝ 9, իսկ 2021 թվականին՝ 4:
2022 թվականից հետո Արդարադատության նախարարությունը մեզ տվյալներ չի տրամադրում, և մենք չգիտենք՝ ինչպիսին է դինամիկան հիմա:
«Վրացական երազանք»-ի և Ռուսաստանի համագործակցության ամենաբաց ձևերից մեկը կարելի է նկատել հենց քրեական արդարադատության ոլորտում»:
Հետևեք մեզ — Facebook | Youtube
Վրաստանում քաղբանտարկյալների դատավճիռները
