Վրաստանի վարչապետ. այն, ինչ կատարվում է օկուպացված տրածքներում, մարդասիրական աղետ է
«Այն, ինչ տեղի է ունենում Վրաստանի օկուպացված տարածքներում, մարդասիրական աղետ է»,- հայտարարել է Վրաստանի վարչապետ Մամուկա Բախտաձեն Մաքքեյնի ինստիտուտի կողմից կազմակերպված միջազգային համաժողովում:
Նրա խոսքով՝ հակամարտության խաղաղ կարգավորման համար անհրաժեշտ է Վրաստանում ստեղծել ուժեղ եվրոպական ժողովրդավարություն և ուժեղ տնտեսություն:
«Օկուպացումն ամենամեծ և ամենացավոտ մարտահրավերն է, որի առաջ մենք այսօր կանգնած ենք: Վրաստանի տարածքի 20 տոկոսն օկուպացված է Ռուսաստանի կողմից և այն, ինչ տեղի է ունենում այդ տարածքներում, մարդասիրական աղետ է:
Ես ցանկանում եմ հիշեցնել, որ նախքան պատերազմը Ցխինվալիի շրջանի բնակչությունը կազմում էր 120 հազար մարդ: Այժմ այդ թիվը 20 հազար է, և դրանից 7000-ը կազմում են ռուսական զորքերը:
Բացի այդ, նախքան պատերազմը Աբխազիայի բնակչությունը կազմում էր 550 հազար մարդ, այսօր՝ 120 հազար: Այդպիսով, այս ամենը շատ ցավոտ մարտրահրավեր է: Մենք փորձում են որոշակիորեն արձագանքել այդ մարդասիրական աղետին»,- հայտարարել է Բախտաձեն:
Նրա խոսքով՝ Վրաստանի կառավարությունն այդ հարցի վերաբերյալ շատ կարևոր նախաձեռնություն ունի՝ «Քայլ դեպի ավելի լավ ապագա»:
«Այդ նախաձեռնության գլխավոր գաղափարն է առողջապահության ու կրթության հասանելիություն օկուպացված տարածքներում ապրող մարդկանց համար: Չնայած, իհարկե, Ռուսաստանը դեմ է դրան»,- Մամուկա Բախտաձեի խոսքներն է մեջբերում «Ինտերպրեսսնյուզը»:
Վարչապետի խոսքով՝ դրա լավագույն պատասխանը կարող է լինել Վրաստանում ուժեղ եվրոպական ժողովրդավարության ստեղծումը:
«Մենք պատրանքներ չունենք: Այդ ճանապարհն իսկապես լի է մարտրահրավերներով, բայց մենք ամուր կերպով հավատում ենք այդ դիրքորոշմանը: Որպեսզի կարողանանք այդ հակամարտությունը խաղաղ ճանապարհով լուծել, մեզ անհրաժեշտ է եվրոպական ժողովրդավարություն և ամուր տնտեսական միջավայր, որտեղ բոլորը հնարավորութոյւն կունենան իրացնել իրենց ներուժը: Սրանք են հակամարտպւթյան խաղաղ կարգավորման երկու հիմնական նախապայմանները»,— ասել է Մամուկա Բախտաձեն:
Financial Times-ի խմբագրի հարցին՝ որքանով է սուր Վրաստանի համար ռուսական քարոզչության հարցը՝ Բախտաձեն պատասխանել է, որ Վրաստանում այդ թեման արդիական է:
Բախտաձեի խոսքով՝ Ռուսաստանը փորձում է ազդեցություն գործել Վրաստանում հասարակական կարծիքի վրա և փոխել վրացի ժողովրդի դրական վերաբերմունքը ՆԱՏՕ-ին և Եվրամիությանն անդամակցության հարցում:
«Մենք պետք է նվազեցնենք աղքատությունը, և դա կլինի լավագույն պատասխանը Ռուսաստանի կողմից եկող մարտահրավերներին: Ցավոք, աղքատությունը հաճախակի բարենպաստ ֆոն է ստեղծում ազգայնականության և քսենոֆոբիայի աճի համար: Ռուսական քարոզչությունը փորձում է օգտագործել այդ թուլությունները»:
Սակայն Մոսկվա հաջողության չհասավ, ասում է Վրաստանի վարչապետը: «Ռուսական քարոզչությունը երբեք հաջողության չի հասնում Վրաստանում: Եթե նայենք վերջին ընտրությունների արդյունքներին, ռուսամետ կուսակցությունները 5 տոկոսից ավել չեն հավաքում: Մեծամանսությունը պաշտպանում է ՆԱՏՕ-ին և Եվրամիությանը անդամակցությունը»,- հայտարարել է Մամուկա Բախտաձեն:
«Աշխարհը 2018թ.. գլխիվա՞յր» միջազգային համաժողովի գլխավոր թեման դարձել է Ռուսաստանը և նրա կողմից իրականացվող քարոզչությունը:
Համաժողովը կազմակերպվում է Մաքքեյնի ինստիտուտի կողմից և Վրաստանում անցկացվում է արդեն չորրորդ անգամ:
Ըստ կազմակերպիչների՝ ամեն տարի՝ սեպտեմբերին, համաժողովը հավաքում է անվտանգության հարցերով տարածաշրջանային փորձագետներին, վրացի քաղաքական գործիչների, քաղաքացիական ակտիվիստների և բիզնեսի ներկայացուցիչների: Համաժողովը նպատակ ունի նպաստելու Վրաստանի եվրատլանտյան ձգտումներին:
