Վրաստանի վարչապետի հատուկ ներկայացուցիչ. տարածաշրջանի անվտանգության մասին Լավրովի խոսքերը Վրաստանին չեն վերաբերում

Ռուսաստանի հետ հարաբերությունների հարցով Վրաստանի վարչապետի հատուկ ներկայացուցիչ Զուրաբ Աբաշիձեն արձագանքել է Վրաստանում և Հարավային Կովկասում անվտանգության վիճակի մասին Ռուսաստանի ԱԳ նախարար Սերգեյ Լավրովի հայտարարությանը, ինչը, նրա խոսքով, խանգարում է Վրաստանի հետ վիզային ռեժիմի ազատականացմանը:

Աբաշիձեի խոսքով, նախորդ տարի Ռուսաստանից մոտ մեկ միլիոն զբոսաշրջիկ է Վրաստան այցելել: Նա նշել է, որ “այդ թիվն, ինչպես նաև այն, որ արտասահմանցի զբոսաշրջիկներն իրենց շատ հարմարավետ են զգում Վրաստանում, հաստատում է, որ մեզ մոտ անվտանգության որակը բարձր է, ինչի մասին են խոսում նաև միջազգային կազմակերպությունների բազմաթիվ հետազոտությունները”:

“Այդ պատճառով էլ Լավրովի խոսքերն այն մասին, թե Հարավային Կովկասը զինյալների, ահաբեկիչների և ծայրահեղականների երթուղի է դառնում, ոչ մի կերպ Վրաստանին չեն վերաբերում: Մենք ոչ մի կերպ չենք կարող դրա հետ համաձայնել”, — հայտարարել է Աբաշիձեն:

Փետրվարի 18-ին անվտանգության հարցերով մյունխենյան համաժողովին վրացի լրագրողների հետ զրույցում Սերգեյ Լավրովը հայտարարել է, որ Վրաստանի համար վիզային ռեժիմի պարզեցման պայման է համարում իրավապահ գերատեսչությունների “լիարժեք համագործակցությունը”:

Նախարարը Վրաստանի հետ առանց վիզային ռեժիմին վերադառնալու հնարավորությունը բարդ հարց է անվանել և նշել, որ այն “մի փոքր տարօրինակ է քննարկել” Թբիլիսիի հետ դիվանագիտական հարաբերությունների բացակայության պայմաններում: “Սակայն դա նաև կապված է անվտանգություն ապահովելու անհրաժեշտության հետ, երբ ոչ միայն Կենտրոնական Ասիան, այլ նաև Անդկովկասը երթուղի է դառնում, որը ձգտում են օգտագործել զինյալներն ու ծայրահեղականները», — նշել է Լավրովը:

• 2001թ. Ռուսաստանը, անվտանգության նկատառումներից ելնելով, վիզային ռեժիմ սահմանեց Վրաստանի հետ: Վիզային ռեժիմը չէր վերաբերում Աբխազիայի ևՀարավային Օսիայիբնակիչներին (2004թ. կարճ ժամանակով՝ նաև Աջարիայի բնակիչներին): ՌԴ—ի համար պարզեցված վիզային ռեժիմ սահմանեց նաև Վրաստանը:

• 2002թ.-ից Ռուսաստանը սկսեց Աբխազիայի և Ցխինվալիի շրջանի (Հարավային Օսիա) բնակիչներին տալ Ռուսաստանի քաղաքացիություն: Այսօր երկու շրջաններում էլ բնակչության90 տոկոսն ունի Ռուսաստանի քաղաքացիություն:

• 2008թ. Վրաստանը խզեց դիվանագիտական հարաբերությունները ՌԴ—ի հետ՝ ի պատասխան Մոսկվայի կողմից Աբխազիայի և Հարավային Օսիայի անկախությանճանաչման:

• 2010թ. Վրաստանը 90 օրվա այցելության համար առանց վիզայի ռեժիմ սահմանեց ռուսական Հյուսիսային Կովկասի բնակիչների համար: Ռուսաստանի մյուս բնակիչները կարող էինայցազգիր ստանալ Վրաստան մուտք գործելու պահին:

• 2012թ. փետրվարին Վրաստանը չեղարկեց վիզային ռեժիմը ՌԴ քաղաքացիների համար:

• 2015թ. դեկտեմբերին Ռուսաստանը պարզեցրեց վիզային ռեժիմը Վրաստանի հետ: Ըստ նոր կարգի՝ Վրաստանի յուրաքանչյուր քաղաքացի, որը ՌԴ իմիգրացիոն մարմիններում ունիձևակերպված հրավեր Ռուսաստանի ցանկացած քաղաքացու կողմից (ոչ միայն մոտ ազգականի, ինչպես նախկինում էր), կարող է ստանալցանկացած տեսակի այցագիր, բացիտուրիստականից:

• Անցյալ տարվա դեկտեմբերին տեղի ունեցած մամուլի ասուլիսում Ռուսաստանի նախագահ Վլադիմիր Պուտինը չբացառեց, որ Վրաստանի քաղաքացիների համար կարող է չեղարկվելվիզային ռեժիմը: