Վրաստանի վարչապետը հրաժարական ներկայացրեց
Վրաստանի վարչապետ Իրակլի Ղարիբաշվիլին դեկտեմբերի 23-ին հայտարարեց իր հրաժարականի մասին՝ երկու տարի շարունակ այդ պաշտոնը զբաղեցնելուց հետո:
«Լքում եմ այս պաշտոնը, բայց շարունակում եմ մնալ հայրենիքիս հավատարիմ զինվորը», — հայտարարեց Իրակլի Ղարիբաշվիլին իր հեռուստաուղերձում:
ირაკლი ღარიბაშვილმა თანამდებობა დატოვა
ირაკლი ღარიბაშვილმა თანამდებობა დატოვა http://rustavi2.com/ka/news/34969http://rustavi2.com/ka/video/2548?v=1
Posted by Rustavi 2 on ოთხშაბათი, 23 დეკემბერი, 2015
«Անկեղծ ասեմ, որ պաշտոնն ինձ համար, կլինի դա ներքին գործերի նախարարի կամ վարչապետի պաշտոնը, ընդհանուր առմամբ երբեք ինքնանպատակ չի եղել իշխանությունում գտնվելու համար: Ինձ համար դա եղել է միջոց ծառայելու հայրենիքիս ու իմ թանկագին ժողովրդին: Սա իմ քաղաքական համողզմունքն է: Հենց մեր թիմն է սկսել արմատավորել նման քաղաքական մշակույթ, — ասաց նա: — Այն պատճառով որ մեր ժողովրդավարությունը դեռ երիտասարդ է, շատ կարևոր է, թե ինչ օրինակ ենք մենք ծառայում մեր երեխաներին, ապագա սերունդներին: Պաշտոնը ժամանակավոր է, հարգելիներս: Հարատև են միայն Աստված ու հայրենիքը, այդ պատճառով էլ ես որոշում եմ ընդունել լքել վարչապետի աթոռը»:
«Այժմ, երբ ամրապնդվել են մեր երկրի զարգացման ներքին ու արտաքին ուղղությունները, ուզում եմ ցանկանալ հաջողություններ ապագա վարչապետին», — ասաց նա՝ չնշելով իր հետնորդի անունը:
Վրաստանի օրենսդրության համաձայն, վարչապետի հրաժարականը ենթադրում է կառավարության այլ անդամների լիազորություների դադարեցում: Ըստ Վրաստանի օրենսդրությամբ սահմանված ընթացակարգի, նախագահը ֆորմալ առաջադրում է վարչապետի թեկնածություն, որն իրեն ներկայացնում է Վրացական երազանքի խորհրդարանական մեծամասնությունը:
Վարչապետի թեկնածուն իր հերթին ընտրում է նախարարական պորտֆելների թեկնածուներին և կառավարական ծրագրի հետ մեկտեղ ներկայացնում խորհրդարանի հաստատմանը: Դրա համար անհրաժեշտ է նվազագույնը 76 պատգամավորի աջակցություն:
Ղարիբաշվիլիի հնարավոր հրաժարականի մասին վրացական լրատվամիջոցները հայտնեցին չորեքշաբթի առավոտյան: Այդ հաղորդագրությունների համաձայն վարչապետի պաշտոնում Վրացական երազանքը տեսնում է արտաքին գործերի նախարար և փոխվարչապետ Գեորգի Կվիրիկաշվիլիին, ով նախկինում էկոնոմիկայի նախարարի պաշտոնն է զբաղեցրել:
Ղարիբաշվիլին վարչոպետ է դարձել 2013թ. նոյեմբերին՝ այդ պաշտոնում փոխարինելով Բիձինա Իվանիշվիլիին, դրանից առաջ մի տարի շարունակ նա ղեկավարել է Վրաստանի ներքին գործերի նախարարությունը: Նա քաղաքականություն է մտել Բիձինա Իվանիշվիլիի հետ միասին 2011թ. վերջին, նրանք միասին աշխատել են 8 տարի:
«Այն բանից հետո, երբ Բիձինա Իվանիշվիլին աննախադեպ քայլ արեց և, գտնվելով իր փառքի ու քաղաքական ազդեցության գագաթնակետին, իր որոշման համաձայն լքեց զբաղեցրած պաշտոնը, նա օրինակ ծառայեց, թե ինչպես պետք է քաղաքական գործիչը երկրի համար օգտակար բան անի՝ ինչպես ճիշտ ժամանակին գալ և հեռանալ», — հայտարարել է Ղարիբաշվիլին:
Իր 5 րոպե տևած ուղերձի սկզբում Ղարիբաշվիլին խոսում էր գրանցված «պատմական» հաջողությունների մասին, սակայն նա չնշեց իր հրաժարականի կոնկրետ պատճառները:
«Ամեն մարդ խոսքի ազատության իրավունք ունի: Մինչ այսօր իմ ամեն մի քայլը բխում էր այն պատասխանատվությունից, որն ինձ վրա դնում էր իմ ընտրությունը, երբ ես որոշում էի ընդունում, կլիներ դա ընտանիք կազմելու, կարիերայի ընտրության կամ քաղաքականություն մտնելու մասին, այսինքն երբ մենք միավորվեցինք Բիձինա Իվանիշվիլիի առաջնորդությամբ մեր երկրի փրկության համար», — հայտարարեց նա:
“2012-ին մեր պայքարը պսակվեց ժողովրդի հաղթանակով: Ես իրոք հպարտանում եմ, որ պատիվ ունեցա երկրի ու ազգի առջև ահռելի պատասխանատվություն վերցնելու ինձ վրա, մեր թիմով շարունակելու հանուն մեր երկրի բարօրության սկսած գործը:
“Վարչապետի պաշտոն զբաղեցնելու ողջ ընթացքում մեր երկրում ամրապնդվեց խաղաղությունն ու կայունությունը, օրինականությունն ու մարդասիրությունը: Մենք վերադարձրինք մեք քաղաքացիներին ամենագլխավորը՝ ազատությունն ու արժանապատվությունը: Մեր կողմից անցկացրած մաստաբային բարեփոխումների ու աննախադեպ կառավարական ծրագրերի արդյունքում մենք ստեղծել ենք տնտեսական ու սոցիալական բարօրության ամուր հիմքեր, — հայտարարեց Ղարիբաշվիլին:
“Մենք նաև պատմական արդյունքների ենք հասել. ԵՄ հետ Ասոցացման համաձայնագիր ենք ձևակերպել և սկսեցինք ազատ առևտուր իրականացնել, ստացանք մեր քաղաքացիների համար առանց վիզային ռեժիմի Եվրոպա մոտք գործելու համաձայնություն, որը մեր երկրի անդամակցությունը եվրոպական ընտանիքին անդառնալի դարձրեց, — նշեց նա: — Այսօր, ինչպես երբեք դեպի մարդն ուղղվածությամբ ու պրագմատիկ քաղաքականությամբ, մեր եվրոպական հեռանկարներով ձևավորվում են իրական հիմքեր մեր աբխազ և օս եղբայրների հետ խաղաղ համակեցության համար:
“Մենք սկսել ենք աշխատել մեր երկրի պատմական գործառույթի վերականգնման ուղղությամբ. Վրաստանն ակտիվորեն ներգրավվել է Մետաքսի ուղի միջազգային նախագծին և իրապես դառնում է Ասիայի ու Եվրոպայի կապող օղակը, — հայտարարեց նա:
Ղարիբաշվիլին շնորհակալություն հայտնեց բոլորին, ում հետ «շատ բարի գործեր է արել»:
Վրաստանի Սահմանադրության համաձայն, կառավարության լիազորությունների դադարեցման դեպքում երկրի նախագահը պարտավորությունների իրականացումը դնում է նույն կազմի վրա մինչև կձևավորվի նոր կառավարություն:
