«Փաշինյանը ճիշտ է, առանց Վրաստանի ՀՀ եվրաինտեգրումը բարդ կլինի»․ վրացի փորձագետ
Վրաստանի ԵՄ-ին անդամակցության մասին կարծիք
Ռազմավարական վերլուծության կենտրոնի հիմնադիր Գիորգի Ռուխաձեն մեկնաբանել է Հայաստանի վարչապետ Նիկոլ Փաշինյանի հայտարարությունը, որի համաձայն՝ ՀՀ-ի՝ Եվրոպական Միությանն ինտեգրվելու ամենամեծ խոչընդոտներից մեկը ԵՄ-Վրաստան քաղաքական երկխոսության սառեցումն է։ Ռուխաձեն կարծում է, որ Փաշինյանի հայտարարությունը հիմնված է Հայաստանի ազգային շահերի վրա և արտացոլում է իրականությունը։
«Պիտի անկեղծ ասեմ, որ ԵՄ–ին Հայաստանի ինտեգրվելու ճանապարհին այս պահին ամենամեծ խնդիրը Եվրոպական Միության և Վրաստանի միջեւ քաղաքական երկխոսության սառեցված վիճակն է։ Վրաստանը մեզ համար ճանապարհ է դեպի Եվրոպական Միություն, եւ մենք Եվրոպական Միությանը ՀՀ անդամակցելու գործընթացի մեկնարկի մասին օրենքն ընդունեցինք այն բանից հետո, երբ Վրաստանը ԵՄ անդամության թեկնածուի կարգավիճակ ստացավ։ Սա Հայաստանի ԵՄ անդամագրման հեռանկարը դարձրեց շոշափելի և մեր ակնկալիքն ու խնդրանքն է, որ Եվրոպական Միություն–Վրաստան կառուցողական գործընթացը զարգանա։ Դա կարևոր է Հայաստանի համար, նույնքան կարևոր, որքան Վրաստանի համար»,— Եվրախորհրդարանում իր ելույթի ժամանակ հայտարարել էր Նիկոլ Փաշինյանը ։
Գիորգի Ռուխաձե.
«Փաշինյանի հայտարարությունը հիմնված է Հայաստանի ազգային շահերի վրա։ Փաշինյանի ասածը ճշմարիտ է։ Դեպի Եվրամիություն Հայաստանի ճանապարհը լրջորեն կբարդանա, եթե Վրաստանը մնա ներկայիս վիճակում։ Վարչապետ Փաշինյանը չի բացատրել, թե ինչու է [Վրաստանի ինտեգրման] գործընթացը դադարեցվել, բայց մենք իրականում գիտենք, չէ՞։
Ամեն ինչ այլ կլիներ, եթե Վրաստանը չկառավարեր ռուս օլիգարխ [Բիձինա] Իվանիշվիլին, որը հայտնի է նաև որպես «վրաց այաթոլլա»։
Հենց սա է պատճառը, որ Եվրամիության հետ բանակցությունները կասեցվել են. առանց վիզայի ռեժիմը սպառնալիքի տակ է, և, ի դեպ, Ասոցացման համաձայնագիրը նույնպես սպառնալիքի տակ է։
Այս իրավիճակը չի կարող շտկվել որևէ երկխոսությամբ: Վրաստանը, որպես պետություն, հայտնվել է այս իրավիճակում միայն մեկ՝ Իվանիշվիլիի ռուսական և անօրինական կառավարման պատճառով։
Բանակցությունների անհրաժեշտություն կառաջանա միայն այն ժամանակ, երբ պահը գա, և Իվանիշվիլիի ռեժիմը տեսնի, որ կորցնում է իշխանությունը: Միայն այդ դեպքում կհամաձայնի բանակցել: Վերջին երկու տարիների ընթացքում տեսե՞լ եք, որ «Վրացական երազանքը» որևէ նահանջի գնա։
Այսօր խոսելու բան չկա: Ու՞մ հետ խոսել՝ ռուսների՞: Ի՞նչի մասին կարող եք խոսել ռուս օկուպանտների հետ՝ համոզելո՞ւ նրանց, որ ձեզ տեղ տան քաղաքականության մեջ: Ցավոք, խոսելու բան չկա։
Միակ ելքը միասնությունն է: Այս միասնության ընդլայնումը: Եվ այս ընդլայնված միասնության միջոցով «Վրացական երազանքի» համար ավելի մեծ խնդիրներ ստեղծելը: Դրան կավելանան արտաքին գործոններ, որոնք այլևս չեն աշխատում «Վրացական երազանքի» օգտին»:
Հետևեք մեզ — Facebook | Youtube
Վրաստանի ԵՄ-ին անդամակցության մասին կարծիք
