27.02.2019

Ադրբեջանում գրեթե կրկնակի կբարձրացվեն սոցիալական նպաստները

Ադրբեջանում բարձրացվել են սոցիալական նպաստների որոշ տեսակներ։ Մասնավորապես՝ սահմանափակ կարողություններով անձանց և երեխաների համար։ Բարձրացումն ուժի մեջ կմտնի 2019թ-ի ապրիլի 1-ից։

• Թե ինչպես էին սահմանափակ կարողություններով անձինք Ադրբեջանում պահանջում նպաստների ավելացում

Թվեր

Այսպես, օրինակ․

— հաշմանդամություն ունեցող անձանց նպաստը, կախված դրա աստիճանից, այժմ կազմելու է $88, $76 և $65։ Նախկինում համապատասխանաբար $48, $36 և $31 էր;

— մինչև 18 տարեկան երեխաների նպաստը, որոնք առողջության սահմանափակ հնարավորություններ ունեն, $88 է ($48 է եղել);

— ավելի քան հինգ երեխա ունեցող կանանց նպաստը $32 է յուրաքաչնյուր երեխայի համար ($19 է եղել);

— երեխայի ծնվելու նպաստը $118 է ($64 է եղել);

— պատերազմի հաշմանդամների նախագահական թոշակը $147, $124 և $93 է՝ կախված հաշմանդամության կարգից (եղել է $107, $93 և $71)։

Այդ ամենի համար բյուջեից 300 մլն մանաթ է հատկացվել (մոտ $176 մլն)։

Փորձագետի կարծիքը

Տնտեսագետ Թորգուլ Մաշալին կարծում է, որ այս բարձրացումն իրոք կբարելավի այն մարդկանց նյութական վիճակը, որոնց այն վերաբերում է։ Սակայն, մյուս կողմից, Ադրբեջանում սպառողական զամբյուղը պաշտոնապես $106 է (ավելի բարձր, քան հաշմանդամության առավելագույն նպաստը)։

«Թեև, իմ կարծիքով, հաշմանդամներից քչերն են ընդհանրապես այդ նպաստով ապրում, — ասում է Մաշալին։ — Բացի այդ, այս և վերջերս ձեռնարկված սոցիալական մյուս միջոցները կարող են հանգեցնել պետբյուջեի հերթական փոփոխությունների և բարձրացնել արժեզրկման մակարդակը, եթե բացակայի հստակ նպատակն ու պլանը։ Ըստ ամենայնի, նպաստների բարձրացում պլանավորված չի եղել։ Գների կտրուկ աճ թույլ չտալու համար պետք է դրանք կարգավորել մաքսատուրքերի, էժան վարկերի և այլ գործիքների միջոցով»։