Ռուս-աբխազական սահմանի մեծ հերթերը սպառնալիք են Աբխազիայում գալիք հանգստյան սեզոնի համար

«Պսոու» հսկիչ-անցակետում զբոսաշրջիկներին վիզա տրամադրելու խնդիրները կարող են խոչընդոտ դառնալ 2017թ-ին Աբխազիայում հաջող հանգստի սեզոնի համար: Այդ մասին ասում է «Զբոսաշրջության աբխազական միության» նախագահ Աննա Կալյագինան:

Խնդրի լուծումը նա տեսնում է զբոսաշրջիկների համար վիզաների չեղարկման մեջ:

Բացվող զբոսաշրջային սեզոնը քննարկվել է Աբխազիայի հասարակական պալատի հատուկ նիստին: Նիստը բավականին ներկայացուցչական էր. իրենց հաշվետվություններն ու կարծիքներն են ներկայացրել Սուխումի ադմինիստրացիայի ղեկավարները, զբոսաշրջության նախարարության, ճանապարհային ոստիկանության, արտակարգ իրավիճակների նախարարության ներկայացուցիչները:

«Զբոսաշրջության աբխազական միության» ղեկավարի խոսքով՝ հերթերի գլխավոր պատճառը Ռուսաստանի հետ աբխազական սահմանի անցակետերի չափազանց քիչ քանակն է:

Հանրային պալատի նիստին քննարկվել են նաև այլ խնդրահարույց պահեր, որոնք կապված են զբոսաշրջային սեզոնի հետ, օրինակ.

[yes_list]

• Ոստիկանության և փրկարար ծառայության աշխատանքը,

• Հյուրերի հանդեպ վերաբերմունքը,

• Որակի վերահսկողությունը, ապրանքների գները,

• Պետական սահմանի հատման մեխանիզմները,

• Տրանսպորտի աշխատանքը,

• Զվարճանքի և հանգստի վայրերի վիճակը: [/yes_list]

2016թ-ի ամռանն Աբխազիայում հանգստացող զբոսաշրջիկների մեկնաբանությունները

Տնային տնտեսուհի Օքսանա Յարովայա, Մոսկվա.

«Արդեն երրորդ անգամ եմ գալիս: Գլխավոր մինուսը քաղաքի ավերվածությունն է: Եվ իհարկե Ռուսաստանի և Աբխազիայի միջև սահմանը տրամադրություն գցեց. երեխաների հետ հերթ կանգնելը դժվար է, լավ կլիներ, որ այն ընդհանրապես հանեին: Սակայն դրա համար պետք է Ռուսաստանին միանալ»:

Ուսուցչուհի Իրինա Բեբրիշ, Խակասիայի ինքնավար հանրապետություն, Ռուսաստան.

«Աբխազիայից տպավորությունները ծայրահեղ դրական են, դուր են գալիս նոր թանգարանները, հետաքրքիր է առափնյա հատվածը, գեղեցիկ քանդակներ կան: Բացասական կողմերից կցանկանայի նշել հանրային տրանսպորտը. ավտոբուսները ծայրահեղ հազվադեպ են լինում, և միշտ լիքն են, ստիպված ես լինում տաքսիով տեղաշարժվել, իսկ բյուջետային զբոսաշրջիկի համար դա թանկ է»:

Օլգա և Սերգեյ Բորիսովներ, Սանկտ Պետերբուրգ.

«Այստեղի բնությունը, ծովը հիասքանչ է, տեղի բնակչության մտածողությունն է նեղացնում»:

Աննա, Սևաստոպոլ.

«Մարդիկ լավ հումոր ունեն, ես միշտ ժպտում եմ նրանց լսելիս, շատ եմ սիրում ուրախ մարդկանց: Սակայն բացասական կողմ էլ կա. դուք բոլորդ շատ դանդաղ եք, ոչ մի տեղ չեք շտապում, ոչ ոքի ոչ մի տեղ պետք չէ գնալ»:

Հոդվածում արտահայտած մտքերը փոխանցում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության դիրքորոշման հետ