Ռուսաստա՞ն, թե՞ Արևմուտք. հիմնավորում է Հարավային Կովկասը

Հինգ քաղաքների՝ Բաքվի, Երևանի, Թբիլիսիի, Սուխումի ու Ցխինվալի մի խումբ փորձագետներ երկու հարցի են պատասխանել.

• Ի՞նչ կտա ձեր տարածաշրջանին (և Հարավային Կովկասին) Եվրասիական Միությանն անդամակցությունը:
• Ի՞նչ կտա ձեր տարածաշրջանին (և Հարավային Կովկասին) Եվրոպական Միությանն անդամակցությունը:

Փորձագետներին խնդրել են միայն առավելությունները նշել: Պատասխանները գրեթե համընկնում են և դրանցից երկու հստակ ցուցակ կազմելը դժվարություն չի ներկացրել: Այժմ դրանք կարելի է առանձին-առանձին կարդալ ու ընտրել մեկը: Ցավոք, միայն մեկը, քանի որ զուգակցել՝ վերցնելով լավագույնը, չի ստացվի:

10 փաստարկ՝ ի օգուտ Եվրասիական տնտեսական միաության

1. Ռուսական շուկան կբացվի (բնակչությունը՝ մոտ 145 մլն): Ռուսաստանում և Եվրասիական Միության այլ երկրներում Հարավային Կովկասի արտադրանքին արդեն լավ ծանոթ են: Ինչպես նաև, ի տարբերություն Եվրոպայի, այստեղ որակի հատուկ չափանիշներ չեն գործում:

2. Եվրասիական Միությանն անդամակցելու դեպքում գազն ու էլեկտրաէներգիան կէժանանան:

3. Կավելանա տարածաշրջանի տարանցիկ նշանակությունը՝ շնորհիվ այն բանի, որ տարածաշրջանի ներքին սահմաններին սահմանափակումները կքչանան, իսկ սահմանների մի մասը կբացվի: Նախկին տրանսպորտային հաղորդակցության վերականգնում ու նորերի զարգացում, օրինակ, նավահանգիստների, երկաթգծի և օդանավակայանների:

4. Տարածաշրջանն ավելի անվտանգ կդառնա: Նոր պատերազմների վտանգը կնվազի, քանի որ Ռուսաստանը կվերահսկի իրավիճակը Հարավային Կովկասի ողջ տարածքում:

5. Թբիլիսի. Աբխազիան ու Հարավային Օսիան Վրաստանի կազմ վերադարձնելու շանս է առաջանում:

6. Սուխում և Ցխինվալ. Աբխազիայի ու Հարավային Օսիայի անկախության ավելի լայն ընդունման շանս է առաջանում:

7. Ավանդույթներն ու մտածելակերպը փոփոխելու կարիք չկա, քանի որ դրանք մոտ են ռուսականին (ավելի ճիշտ՝ հետխորհրդայինին): Լավագույն օրինակ կարող է ծառայել Հարավային Կովկասի ու Ռուսաստանի միասնական դիրքորոշումը միասեռ ամուսնությունների վերաբերյալ:

8. Կդադարեն Ռուսաստանում բնակվող կովկասցիների հանդեպ ճնշումները և կաճեն Ռուսաստանից Հարավային Կովկաս եկող մասնավոր դրամական փոխանցումները:

9. Կավելանա Ռուսաստանից ու այլ հետխորհրդային երկրներից զբոսաշրջիկների հոսքը:

10. Ռուսաստանը ներքին անկարգություններ չի հրահրի, քանի որ Հարավային Կովկասի երկրների կառավարություններում կլինեն Կրեմլին հավատարիմ քաղաքական գործիչներ:

10 փաստարկ՝ ի օգուտ Եվրոպական Միության

1. Կոկասում արտադրված ապրանքի համար կբացվի Եվրոպական շուկան (մոտ 500 մլն բնակչությունով):

2. Տեղական արտադրանքի որակը կբարձրանա, քանի որ Եվրոպա արտահանման դեպքում այն պետք է համապատասխանի սանիտարական և այլ նորմերի:

3. Բիզնես-կլիման կբարելավվի: Մենաշնորհների հանդեպ կկիրառվեն սահմանափակումներ և իրական պայքար կծավալվի կաշառակերության դեմ: Կաճեն եվրոպական ներդրումները:

4. Կգործարկվի եվրոպական երկրներ մուտքի առանց վիզայի ռեժիմը:
5. Քաղաքական, տնտեսական ու սոցիալական ոլորտներում իրական բարեփոխումներ կկատարվեն: Բուժսպասարկումն ու կրթությունը որակյալ կլինեն:

6. Ժողովրդավարական ընտրություններն ու ժողավրդավարական ճանապարհով իշխանափոխությունը նորմա կդառնա:

7. Լինելով միասնական եվրոպական տարածքում՝ հակամարտության գոտիներում դրանց լուծման նոր ձևեր կգտնվեն:

8. Տարածաշրջանն ավելի անվտանգ կդառնա: ԵՄ անդամակցությունը կնվազեցնի Ռուսաստանի կողմից ագրեսիայի հնարավոր սանձազերծումը:

9. ԵՄ երկրներից զբոսաշրջիկների հոսքը կավելանա:

10. Մարդու իրավունքները նույնքան պաշտպանված կլինեն, որքան Եվրոպայում: Օրենքը կպաշտպանի բոլոր փոքրամասնությունների իրավունքները: Դատարանն անկախ ու անաչառ կլինի: