Կորոնավիրուս, նորություններ։ COVID-19-ի նոր բռնկում Չինաստանում, մի քանի քաղաք մեկուսացվել է՝ 108 միլիոն ընդհանուր բնակչությամբ

Մահերի թիվը հասել է 41-ի:

Վարակվածների ընդհանուր թիվը 3,518 է։

2,198 մարդ առողջացել է և դուրս գրվել հիվանդանոցներից:

Կորոնավիրուսի դեմ պայքարը Ադրբեջանում

Ադրբեջանում կարանտինը կշարունակվի մինչև մայիսի 31-ը, թեև շատ սահմանափակումներ արդեն չեղարկվել են։

Մարդիկ կարող են ազատ տեղաշարժվել իրենց բնակավայրի սահմաններում, արդեն թույլատրվել է բիզնեսի բոլոր տեսակների աշխատանքը, սկսել են գործել վարսավիրանոցնեը, թանգարաններն ու այգիները։

Բաց են բոլոր կաֆեներն ու ռեստորաններն, բայց միայն ժամը 8:00-ից մինչև 18:00։

Աշխատում են բոլոր խանութները, բացի մեծ առևտրական կենտրոններից։ Բաքվում աշխատում է հանրային տրանսպորտը, այդ թվում մետրոն։ Շրջաններում չեղարկվել են տեղաշարժի բոլոր սահմանափակումները, բացվել են սրճարանները, ռեստորաններն ու այգիները։

Դեռևս փակ են Բաքվի, Սումգայիթի, Գյանջայի, Լենքորանի և Ապշերոնյան թերակղզու մուտքն ու ելքը։ Դեռ չի վերականգնվել ավիահաղորդակցությունը, փակ են սահմանները։ Արգելված են բոլոր մասսայական միջոցառումները, այդ թվում հարսանիքներն ու հոգեհացի արարողությունները։

Փակ են մարզասրահները, ուսումնական հաստատությունները և մանկապարտեզները։

• Ադրբեջանում սկսվել է կորոնավիրուսով վարակման երկրորդ ալիքը, սակայն դա գրեթե չի քննարկվում

Ինչպես հաղորդում է Bloomberg-ը, վարակի նոր օջախ է առաջացել Ցզիլին նահանգում, որը գտնվում է Ռուսաստանի և Հյուսիսաին Կորեայի սահմանին։

Վերջին օրերին այնտեղ հաստատվել են կորոնավիրուսի մի քանի տասնյակ նոր դեպքեր: Հաղորդվում է, որ հիմնական պատճառը շփումն է վարակված մարդկանց հետ, որոնք եկել են այստեղ Ռուսաստանից:

Ցզիլինում նույնպիսի միջոցներ են կիրառվել, ինչպիսիք նախկինում ներդրվել են Ուհանում, որտեղ կորոնավիրուսի բռնկումը սկսվել էր 2019-ի դեկտեմբերին: Արգելված է քաղաքի մուտքն ու ելքը, փակ են խանութները, բազմաթիվ բիզնեսներ և դպրոցներ, որոշ բնակելի շենքերում կարանտին է հայտարարվել:

218 նոր դեպք:

Մահերի թիվը հասել է 64-ի:

Վարակվածների ընդհանուր թիվը 5,041 է։

2,164 մարդ առողջացել է և դուրս գրվել հիվանդանոցներից:

• Հայաստանում կորոնավիրուսի տարածման կտրուկ աճ է գրանցվել, միաժամանակ վերագործարկվել է հանրային տրանսպորտը, բացվում են մանկապարտեզները

Համաճարակի մեկնարկից ի վեր 12 մարդ է մահացել։

Ապաքինվել է 456 մարդ։

Արտակարգ դրությունը Վրաստանում

Հայտարարվել է մարտի 21–ին, կտևի մինչև մայիսի 22–ը։ Սակայն շատ սահմանափակումներ արդեն չեղարկվել են։

Մայիսի 11-ից բացվել են բոլոր խանութները, բացառությամբ հագուստի և կոշկեղենի, փակ են նաև մեծ առևտրի կենտրոնները։

Բիզնեսի մեծ մասը վերսկսել է աշխատանքը։

Դեռ չի աշխատում հանրային տրանսպորտը, գործում է պարետային ժամ 21:00–ից մինչև 06:00–ն։

• Վրաստանի ընդդիմադիր կուսակցությունը պահանջում է չեղարկել պարետային ժամը սահմանադրական դատարանում

Նուրմագոմեդովը ծնունդով Դաղստանից է։ Նրա հայրը Մախաչկալայում է ապրում, այնտեղ կորոնավիրուսով է վարակվել, Մոսկվա տեղափոխվել և այժմ շատ ծանր վիճակում վերակենդանացման բաժանմունքում է։

Տեսաուղերձում Խաբիբ Նուրմագոմեդովն ասում է․

«Դաղստանում վիճակը շատ ծանր է, աղետալի։ Հիվանդանոցները լիքն են։ Շատ մարդ է հիվանդացել, շատ մարդ՝ մահացել։ Մենք պետք է լսենք բժիշկներին, միայն այդպես կարելի է հաղթել հիվանդությունը։ Հիվանդանոցներում, առանց այդ էլ, սարքավորումների, դեղորայքի պակաս կա։ Միայն ինքնամեկուսացումը կօգնի լուծել խնդիրը։ Բոլորն են հիվանդանում, հիվանդությունն աղքատ ու հարուստ չի ճանաչում։ Անձամբ ես ավելի քան 20 մոտ բարեկամ ունեմ, որոնք վերակենդանացման բաժանմունքում պառկած են եղել, մեծ թվով ծանոթներ մահացել են։ Մտածեք ձեր ծնողների, տատիկների ու պապիկների մասին»։

Խաբիբ Նուրմագոմեդովը UFC–ի թեթև քաշային կարգում գլխավոր միջազգային մենամարտի գործող չեմպիոն է և UFC–ի պաշտոնական վարկանիշում երկրորդ տեղն է զբաղեցնում աշխարհի լավագույն մարտիկների ցանկում՝ անկախ քաշային կարգից։

Պաշտոնապես Դաղստանում հայտնաբերվել է կորոնավիրուսով վարակման 3 460 դեպք, մահացել է 29 մարդ։ Սակայն իշխանությունները հաստատել են, որ համաճարակի մեկնարկից ի վեր ավելի քան 700 մարդ է մահացել թոքաբորբից, և այդ ախտորոշմամբ գրեթե 15 հազար մարդ է հիվանդանոցներում գտնվում։

•Կորոնավիրուսի տարօրինակ վիճակագրություն Ռուսաստանում․ շատ լավ բժշկությո՞ւն, թե՞ Պուտինն ուզում է իշխանության մնալ

https://www.youtube.com/watch?v=3eIRsomxksI&feature=youtu.be

Մահերի թիվը հասել է 40-ի:

Վարակվածների ընդհանուր թիվը 3,387 է։

2,055 մարդ առողջացել է և դուրս գրվել հիվանդանոցներից:

Կորոնավիրուսի դեմ պայքարը Ադրբեջանում Կարանտինը

Ադրբեջանում կշարունակվի մինչև մայիսի 31-ը, թեև շատ սահմանափակումներ արդեն չեղարկվել են։

Մարդիկ կարող են ազատ տեղաշարժվել իրենց բնակավայրի սահմաններում, արդեն թույլատրվել է բիզնեսի բոլոր տեսակների աշխատանքը, սկսել են գործել վարսավիրանոցնեը, թանգարաններն ու այգիները։

Բաց են բոլոր կաֆեներն ու ռեստորաններն, բայց միայն ժամը 8:00-ից մինչև 18:00։

Աշխատում են բոլոր խանութները, բացի մեծ առևտրական կենտրոններից։ Բաքվում աշխատում է հանրային տրանսպորտը, այդ թվում մետրոն։ Շրջաններում չեղարկվել են տեղաշարժի բոլոր սահմանափակումները, բացվել են սրճարանները, ռեստորաններն ու այգիները։

Դեռևս փակ են Բաքվի, Սումգայիթի, Գյանջայի, Լենքորանի և Ապշերոնյան թերակղզու մուտքն ու ելքը։ Դեռ չի վերականգնվել ավիահաղորդակցությունը, փակ են սահմանները։ Արգելված են բոլոր մասսայական միջոցառումները, այդ թվում հարսանիքներ ու հոգեհացի արարողությունները։

Փակ են մարզասրահները, ուսումնական հաստատությունները և մանկապարտեզները։

• Ոչ կորոնավիրուս կա, ոչ կարանտին, ոչ դիմակներ, ոչ էլ սոցիալական հեռավորություն․ լուսանկարներ «Բաքվի ավանից»

351 նոր մարդ է վարակվել: 94-ն առողջացել են, մեկ մարդ մահացել է: Ընդհանուր առմամբ, արդեն արձանագրվել է 4823 դեպք, բուժում են ստանում 2718-ը, առողջացել են 2019-ը: Մահացել են 61-ը: Ընդհանուր առմամբ թեստավորվել է 41 850 մարդ:

Կորոնվիրուսի դեմ պայքարը Հայաստանում

Արտակարգ դրությունը Հայաստանում կշարունակի գործել մինչև հունիսի 14-ը:

Բայց մայիսի 4-ից արդեն չեղարկվել է մարդկանց տեղաշարժի սահմանափակումը, սկսել են աշխատել գրեթե բոլոր տնտեսվարողները, բացվել են ձեռնարկություններից շատերը, խանութները, վարսավիրանոցները:

Մայիսի 18-ից սկսել է գործել հանրային տրանսպորտը։ Այն անընդմեջ մանրակրկիտ ախտահանվելու է: Բոլոր ուղևորները պետք է օգտվեն տրասպորտից պաշտպանիչ դիմակներով:

• Հայաստանում երկարաձգվել է արտակարգ դրության ռեժիմն՝ առանց սահմանափակումների կիրառման, բայց վարքի նոր կանոններով

Մինչ այս պահն ապաքինվել է 432 մարդ, 30 պացինետ մահացել է։

Արտակարգ դրությունը Վրաստանում

Հայտարարվել է մարտի 21–ին, կտևի մինչև մայիսի 22–ը։ Սակայն շատ սահմանափակումներ արդեն չեղարկվել են։

Մայիսի 11-ից բացվել են բոլոր խանութները, բացառությամբ հագուստի և կոշկեղենի, փակ են նաև մեծ առևտրի կենտրոնները։

Բիզնեսի մեծ մասը վերսկսել է աշխատանքը։

Դեռ չի աշխատում հանրային տրանսպորտը, գործում է պարետային ժամ 21:00–ից մինչև 06:00–ն։

• Կարանտինը մնում է անցյալում, բայց վարակը՝ ոչ. «Շաբաթը Կովկասում» JAMnews-ից

116 երկիր կողմ է արտահայտվել կորոնավիրուսի համավարակի պատճառների և հետևանքների անկախ հետաքննություն անցկացնելու Ավստրալիայի նախաձեռնությանը։ Դրա արդյունքները պետք է ներկայացվեն Առողջապահության համաշխարհային կազմակերպությանը։

Բանաձևը ստարոգրել են․

Ալբանիան, Ավստրալիան, Բանգլադեշը, Բելառուսը, Բութանը, Բրազիլիան, Կանադան, Չիլին, Կոլումբիան, Ջիբութին, Դոմինիկյան Հանրապետությունը, Էկվադորը, Սալվադորը, Գվատեմալան, Գայանան, Իսլանդիան, Հնդկաստանն, Ինդոնեզիան, Ճապոնիան, Հորդանանը, Ղազախստանը, Մալայզիան, Մալդիվյան կղզիները, Մեքսիկան, Մոնակոն, Չեռնոգորիան, Նոր Զելանդիան, Հյուսիսային Մակեդոնիան, Նորվեգիան, Պարագվայը, Պերուն, Կատարը, Հրավային Կորեան, Մոլդովան, Ռուսաստանը, Սան Մարինոն, Սաուդյան Արաբիան, Աֆրիկյան խումբն ու դրա անդամ պետությունները, Եվրամիությունն ու դրա անդամ պետությունները, Թունիսը, Թուրքիան, Ուկրաինան, Մեծ Բրիտանիան և Հյուսիսային Իռլանդիան։

Բանաձևում նշված է, որ անկախ հետաքննության խնդիրներից մեկն է լինելու պարզել, թե որքանով էին ճիշտ և ժամանակին Առողջապահության համախարհային կազմակերպության գործողությունները։

Բանաձևում ոչինչ չի խոսվում կորոնավիրուսի ծագման վարկածների մասին։

Ենթադրվում է, որ հետաքննության արդյունքում ապագայի համար խորհուրդներ կձևավորվեն՝ թե ինչպես կանխել համավարակի առաջացումն ու ինչպես արագ արձագանք ապահովել, եթե որևէ հիվանդության բռնկում լինի։

Բանաձևը ստորագրած երկրները հայտարարում են միջազգային համագործակցության և գործընկերության անհրաժեշտության մասին, որը մարդկությանը պետք է ողջ մնալու համար։

Չինաստանի արձագանքը, որտեղ 2019 թ–ի դեկտեմբերին սկսվել է Covid-19–ը, դեռ չկա։ Փորձագետների մեծ մասը կարծում է, որ Պեկինը հետաքննությանը դեմ չի լինելու։

Աշխարհում գրանցվել է 4 միլիոն 805 հազար 229 վարակման դեպք:

Մահացել է 316.732 մարդ:

• Կորոնավիրուս՝ չինական Ուհան քաղաքի լաբորատորիայի՞ց։ Ինչո՞ւմ է Արևմուտքը մեղադրում Չինաստանին

• Կովկասում կորոնավիրուսի համաճարակի վերաբերյալ նախորդ օրերի տեղեկատվությունը