Յուրաքանչյուր 5-րդ ընտանիքում սնունդը պատրաստվում է պարտքով գնված մթերքով

Վրաստանի բնակչության կեսից ավելին սնվելու հետ կապված ֆինանսական խնդիրներ է զգում, իսկ յուրաքանչյուր 5-րդ ընտանիք մթերք է գնում պարտքով վերցված գումարով:

Այս և այլ հետաքրքիր տեղեկատվություն «Օքսֆամ» միջազգային բարեգործական կազմակեպրության («Սննդի ազգային հետազոտություն Վրաստանում») 2016թ-ի հետազոտությունում:

Ի՞նչ ենք ուտում

• Վրաստանի բնակչության կեսից ավելին սնվում է միատեսակ կամ միջին բազմազանության սննդով:
• Այդ խմբի ամենօրյա սննդակարգը հիմնականում բաղկացած է ձավարեղենից և բանջարեղենից:
• Միրգն ու միսը մեծամասնության համար հասանելի չեն ֆինանսական նկատառումներից, դրանք գնում են բարձր եկամուտ ունեցող ընտանիքները:
• Ըստ հարցվածների՝ վերջին 24 ժամվա ընթացքում օգտագործած մթերքի վերլուծությունը ցույց է տալիս, որ հարցվածների միայն 34%-ն է միս կերել և 46%-ը՝ միրգ:
• Հարցվածները փետրվարը, մարտն ու ապրիլն ամենաճգնաժամային ժամանակահատվածն են անվանում, երբ սնվելու հարցում դժվարություններ են զգում:
• Հարցվածների մեծ մասն առավել հաճախ օգտագործում է 3 տեսակի մթերք կամ ուտեստ. 1) տապակած կարտոֆիլ, 2) լոբիո և 3) աջափսանդալ:
• Ցածր եկամուտ ունեցող ընտանիքները սննդի 68%-ը պատրաստում են բանջարեղենից, իսկ բարձր եկամուտ ունեցող ընտանիքներն ուտեստների 73%-ը՝ մսով:
• Վրաստանի բնակչության մեծ մասն օգտագործում է ածխաջրային հիմքով սնունդ և սպիտակուցներ, վիտամիններ, միներալներ պարունակող սննդի պակաս է զգում:

Ինչպե՞ս ենք գնում

• Յուրաքանչյուր երրորդ հարցված ընտանիք մթերք գնելու համար գումարի պակաս է զգում:
• Յուրաքանչյուր հինգերորդը մթերք է գնում պարտքով կամ վարկով վերցրած գումարով:
• Միջին եկամուտ ունեցող ընտանիքներն ամսական 575 լարի ունեն: Գրեթե կեսը ծախսվում է սննդամթերք գնելու վրա:
• Ցածր եկամուտ ունեցող ընտանիքի ամսական բյուջեն կազմում է 219 լարի: դրա 65%-ը, կամ 142 լարին ծախսվում է սննդամթերքի վրա:
• Բարձր ամսական եկամուտ ունեցող ընտանիքի բյուջեն կազմում է 1421 լարի: Միայն 35%-ն (492 լարի) է ծախսվում սննդի վրա:

Տարեցներն ու դեռահասները

• Հարցված միայնակ թոշակառուների 53%-ը միջոցների սղության պատճառով ամիսներով զրկված է երկաթով հարուստ մթերք օգտագործելուց: Միայն նրանց 24%-ին է միսը հասանելի:
• 10-17-ամյա քաղաքացիների 50%-ից ավելին սպիտակուցներով և վիտամիններով հարուստ սննդամթերքի պակաս է զգում: Չափահասների համեմատ, անչափահասներն ավելի քիչ բանջարեղեն, ճարպեր և կաթնամթերք են օգտագործում և ընդհակառակն՝ ավելի շատ միրգ:

Առողջ սննդակարգն՝ ըստ վրացիների

• Առողջ սննդի մասին տեղեկատվություն բնակչությունը ստանում է հիմնականում երկու աղբյուրից՝ հեռուստատեսությունից և «խոսքից խոսք»:
• Հարցվածների միայն 29% է կարծում, որ առողջ սննդակարգին հետևում:
• Հարցվածների մեծ մասը կարծում է, որ առողջ սննդակարգը ենթադրում է ավելի շատ բանջարեղենի օգտագործում:
• Հարցվածների յուրաքանչյուր հինգերորդը բախվել է ընտանիքի անդամների սննդային թունավորման հետ, սակայն շատ հազվադեպ են դիմել բուժօգնության:

• Սպառվող մթեիքի մեծ մասը ներկրված է:
• Միաժամանակ սպառողների մեծ մասը վրացական սնունդն ավելի բնական և առողջ է համարում և ներկրված ապրանք է գնում դրա էժանության պատճառով: